ياليل لملم مابقى منك ياليل ، قصيدة
 

السلام عليكم ورحمة الله وبركاته

ياليـل لملـم مابقى منك سـرِّع
وأقشـع ظلام مل منه النيـاما

الشعـر مدهـر والعطاشـا تقـرَّع
عن عـد شـح بماه حوله حيـاما

ورمـاح جـدب للمـرابيــع شـرّع
نسيت بها العجفى زمان السياما

ولا أخيل بـرق فالمزون يتفرّع
يسـبا لسيله ساكنيـن الخـياما

شـوال ريـض مير ليت يتـورّع
عن غيبة هلال الفطـر للصياما

إليا متى والشعـر منك يتجرّع
مـر تحـوم الكبـد لأجلـه حياما

أنصفـك دام أنـه بوقتـه تبـرّع
والغـب مايـروي ضمـا للهيـاما

إن كان لك بالشعر خل التذرّع
ياما على قافـك تجنيـت يامـا

الياس في الجمهور ياصاح درَّع
مات الأمل فيهم وعاشـت زياما

إذا نظمتـه فـي المعـانـي تفــرَّع
وخاطب بها العقـال دون اللياما

وأربط به الماضي بعصر المضرَّع
ومـا ظنتـي قـدام يـوم القيامـا

الوقت مايسعفك والشيـب زرَّع
ولا حولك وحول القوافي رياما

صح لسانك وسلم بنانك

صح السانك اخي الشاعرالمبدع البيرق
قصيده جزله ذكرت بهاالماضي والحاضر

صح بدنك
الله يعافيك ووجهك أبيض
تحياتي

صح بدنك
الله يعطيك العافيه
تحياتي

صح بدنك
الله يعطيك العافيه
وأنت في حفظه ورعايته
تحياتي

صح بدنك اخوي محمد
ماعليك زود
الله يعطيك العافيه
تحياتي