علي الحصني=
مرحبا بالماقف اللي ما يجوز العذر دونه = بعد ترحيب الوسيدي قمت ابا ارحب زياده
يا مطير الحق واضحه لو بغيتو تجحدونه= وش بلاكم تطلعون الجمر من تحت الرماده
فيحان=
البقى بصاحب اللي ودنا نكحل عيونه = والرجال الوافيه يا علي ما تبغى شهاده
فيه علماً تسمعه ما ر الحروب يحرفونه =مير كلٍ يا خذ الخيرات من داخل بلاده
علي =
الغريب اللي يخاوي حرب ما تكثر غبونه = وانت تدري بس فيك الحسد يا فيحان عاده
انت لو تنشد مطير اهل الوفاء ما يجحدونه = وانتبه تشد لبو عينن مثل عين الجراده
فيحان =
الغريب ان الحصيني بالعرب حيمر عيونه = بعد ضلا مرقده بين العراده والكداده
الخوي والضيف والجار المحنك ما نخونه = ونشدو عنها الحروب وعلم اصحاب السعاده
علي =
افهم اللي قلتلك والعلم معروفاً زبونه = والحصيني كل ما شافك يبي يقدح زناده
يا حليل اللي يقولون الكلام ويثبتونه = خير من واحد يردد هرج ما منه استفاده
فيحان =
البسو ثوب النظافه والشرف لاتقلبونه =والمقرد يالنشاما ما تحب الا القراده
ما علينا توصلون الحبل ولاتقطعونه = كل راساً مثل ما قالو يوسد له وساده
علي =
المقرد عند زادك زادنا ما يصلونه = والشقاء مفتول حبله والجمل يفتل قياده
المطيري فيه خير وفيه شر وفيه بونه =والحقيقه ما لقيت من البعير الا شداده
فيحان =
والله انا نلعن الشيطان وانتو تلعنونه =مر حصني ما يقيل من حماده في حماده
الحجر لاتا كلونه البحر لاتشربونه = والشتاء والصيف بعض الناس ما تبغى براده
علي =
تلعنون ابليس يا المطران ونتو تتبعونه = والدليل انه نبت بقلوبكم شوك الكداده
تنصحون من الرباء يا مطير وانتو تاكلونه =جار راعي ثرب في جنبه وزاده مثل زاده
فيحان=
انت مثل اللي يدف الضلع ويكسر قرونه = الشجاعه فيك عاده واللعانه فيك عاده