ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)
-   -   ( شمس الحقيقه )....محاوره (http://www.m-harb.net/vb/showthread.php?t=155933)

صقر المراقيب 01-12-18 03:45 PM

( شمس الحقيقه )....محاوره
 
خالد بن عبيد بن معتوق الأحمدي

انا لاجيت البحر ماخاف موج البحر=سبّاح واجسُر على الغُبّات وآعومها
وانته كذلك من اهل المرجله والفخر=اللي لها افعول فيها تشهد خصومها

فوّاز بن محسن الزّويهري

يا مرحبا بالصّحيب اللي نعدّه صقر=والصّقر غُبّ البحور يعاف مقسومها
هات السّوالف وأنا لا قلت جبت الدّرر=والطّيبة لا انزلت فالسّوق بنسومها

خالد بن عبيد بن معتوق الأحمدي

تبقى وقصدي لكم فالبحر رمز الخطر=ماضنّ يخفاك منطقها ومفهومها
لكنّك اكرب حزامك حان وقت السّفر=ليلتك هذي طويله تسهر انجومها

فوّاز بن محسن الزّويهري

بعض المقاصد على النّوته مجرد حبر=إن كان مابه فعول اتشوّش اقرومها
اركا على طويق لا يهمك نهار و سحر=الليل هذا سماه اتلبّد غيومها

خالد بن عبيد بن معتوق الأحمدي

الشّمس بانت بعد ماطال ليل السّهر=جابت حقيقه وصحّت ناس من نومها
لاعاد يغويك جاهل ماصدق فالخبر=مقصوده انّه يصيب النّاس بهمومها

فوّاز بن محسن الزّويهري

صحيح شمس الحقيقة ما تخفّى بجدر=مير البلا من حيايا تنفث سمومها
وما كل صاحب نبا نعطيه وسعة صدر=حتى انتثبّت من الاخبار وسلومها

الحب الباقي 02-01-19 05:59 PM


صحت السنتكم
والله يـعـطـيـكم الـعـافيـــــــــــة
بيض الله وجيهكم

حسيـن 01-03-20 08:45 PM

صحت الالسن
ابداع وتميز



الساعة الآن 04:42 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi