ملتقى قبيلة حرب الرسمي - مرثية الشيخ سعود بن صنت الفريدي الحربي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - مرثية الشيخ سعود بن صنت الفريدي الحربي (http://www.m-harb.net/vb/showthread.php?t=155919)

مرثية الشيخ سعود بن صنت الفريدي الحربي

الحزن خيم و المشاعر حزينات
ياللي تبون من الحزن ما جرالي

تواردت في داخلي كل الابيات
الفقد موجع في عيون الرجالي

مرحوم ياللي كاسبن للجزيلات
مرحوم يا شيخ الفخر و الجزالي

اللي رقا بالفعل رؤوس الطويلات
ينعاه طيباً كاسبه بالفعالي

ينعاه محرابً بكل الصلوات
و إذان يرفع به من الصوت عالي

الله يغفر له على صدق الآيات
و في جنة الفردوس فيها ينالي

من المعزه والشهادة كرامات
في عالي الجنات حاز الكمالي

يا رب ترحم من فقدنا بكلمات
سعود بن حمدي زبون الجزالي

هذا فقيدت حرب يأهل المهمات
رجالً على يديه حل الثقالي

باح العزا في داخلي و الملمات
ما عاد باقي في كلامي مقالي

الشاعر // بدر منور مطلق الحداري //

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

السلام عليكم ورحمة الله وبركاته
سلمت ودمت أخوي الشاعر بدر الحداري على القصيدة .
.
.
جزله ورائعه وصح لسانك
أخوك ابوساره