ملتقى قبيلة حرب الرسمي - قصة تسمية الشاعر / علي الحصني بـ { زلامي حرب }

السلام عليكم و رحمه الله و بركاته

كثر الجدال هنا في قسم الشاعر / علي الحصني

عن مسماه بـ ( زلامي حرب )

فبحثت عن القصه فوجدتها في أحد منتديات قبيلة حرب

و كان هذا النص مكتوب

بمعرف الشاعر العملاق / غازي الزغيبي

كالتالي

/
/

السلام عليكم ورحمه الله وبركاته ...

وجه لي الشاعرالقلطه /علي الحصني ..
هذي القصيده وهو من الشعرائنا البارزين اللتي شهدله
العلم الشاعر / راشد السحيمي .. ..
حينما سئلته عن الشعراء شباب القبيله من ضمن من
أشاد فيهم علي الحصني عدة مرات
حتا قال هذا في رايي انه ياصل اليا ماوصل الزلامي
ويسبق هذي القصيده ابيات لي وهي ليسا مرتبه ولا محسوبه كذالك

ياعلي بالله عبر عن شعورك=يوم شبهك السحيمي بالزلامي
وأنت لاهلحين في مبدأ امورك=والزلامي مقدم الخط الامامي
راح دور الاولين وجاك دورك=حط لك ترتيب من بين الاسامي
شاور اهل المعرفة وارجع لشورك=هكذا خلك مع العالم نظامي

وعلماً انها فكره لم تكتمل

__________________

قصيدة الشاعر / علي الحصني الموجهة الى الشاعر / غازي الزغيبي

ياللي من العارض مشيتم محاديـر=تريضولـي ليـن أرتـب كلامـي
تريضولـي سـاعـة يالمناعـيـر=وتجملوبـي والحقونـي مـرامـي
وخوذوا سلام مثـل در الاباكيـر=في ضف من يثنون دون الجهامـي
ودوه يم مصخر القـاف تصخيـر=تكفـون ودوا الزغيبـي سلامـي
وليا لفيتو عنـد غـازي خطاطيـر=كولـو كرامتكـم بيـت الكرامـي
تلقـون شغمـوم يديـر المباهيـر=ويكثـر الترحيـب والاهتمـامـي
وتلقون بالمجلس ضيوف ومساييـر=وكل علـى التقديـر والاحترامـي
ياثالـث الاثنيـن مسيـت بالخيـر=ولانـي بمكلـوف بعـد السلامـي
خايف يصير بصافي الجو تعكيـر=وتصير دعوانا فطـور الصيامـي
والشك زايـل يازبـون المخاسيـر=ولاني امبرق في جنايب حزامـي
والله ماغبط اللي يشيـل البواكيـر=مادام لي سيف يقـص العضامـي
لو حسب الزراع عزوا العصافيـر=ماقـام ياغـازي بـزرع النوامـي
لي قصةٍ كثـرت عليهـا التفاسيـر=وحرم بهـا جايزوحلـل حرامـي
قصة تحير صاحب العقـل تحييـر=واصبح لها في كل سوق ازدحامي
وانا مصدرها من الفكـر تصديـر=ورافع عملها فوق روس الزوامـي
لاكن عليهـا يطرقـون النواظيـر=نـاس تيـدم فـي محـل اليدامـي
في غيبتي يطلع لهـا طابـع غيـر=ويطلع لها راعـي حميـه يجامـي
ونشت من القبله مـزون مزابيـر=حي السحاب اللي يروي الضوامي
والثانيه عمهوجـة سنهـا صغيـر=طلـت علـى املثمـه بالثـامـي
غنـدوره ماهـي مثـل الغناديـر=منها كر حملـي وعـزت مقامـي
واخذت وقت وصار بالجو تغييـر=وعود شوي شوي يجـلا الغمامـي
وصورت لك ماصار بالفكر تصوير=وارسلت مكتوبي وبصمـه بهامـي
ياشاعر شعرك يشـوق الجماهيـر=عساي معك أقوم في نصف زامـي

علي بن عبيد الحصني

{ زلامي حرب }

فرد عليه العملاق الشاعر / غازي الزغيبي

حـي الكتـاب اللـى لفانـي بتقريـر=من شاعـر يشبـه رشيـد الزلامـي
رشيـد لأرسـت بالبحـور البوابيـر=فـارس مياديـن الأدب والنظـامـي
قلته شهادة حـق مـن غيـر تزويـر=توثيقهـا أشــادتٍ لأبــو رامــي
حربت هجـوم المنتخـب والمغاويـر=وأليا الشـرف عضويتـي وأنظمامـي
أيدت ماقالـه ولاحكـم علـى الغيـر=قـد قيـل غايـات البشـر ماترامـي
ياعلى أبو فارس هـلا يامسـا الخيـر=والله يسلـم مـن يــرد السـلامـي
يامسنـد اللـى يتـعـبٍ المـداويـر=فيهـن ثـلاث بنـود والكـل سامـي
بنـد المديـح يهيـج الفكـر ويثـيـر=ومنك أعتبـر ماقلـت ليـه وسامـي
والبنـد الاخـر بـه بلاغـه وتشفيـر=وأحلاهن اللـى قيـل حقـه الزامـي
يغني لـك الله عـن كنـوز الدنانيـر= وقـفٍ للهلها باقيـاٍ ماتسامـي
وللطير رزقٍ ياخذه غصـب ويطيـر=والحرص مايخيب نصيـب الحرامـي
والقصـه اللـي شبهـت بلأساطيـر=لا مطـلـع فيـهـا ولا بستـلامـي
اهل البلاغه والرهـا تشـار وتشيـر=والحـق الأبلـج مايبيـلـه محـامـي
يمكـن معـك تبريـر ولـذاك تبريـر=ماكـل مايرضيـك يـرض لأنـامـي
والواجب انـك لاضبطـت المعاييـر=واحكمتهـا مـن كـل يمـه احكامـي
تعـرف مضاريـب التيـل بالخوابيـر=وتبرم على روس البراغـي لحامـي
حتى ولو بـان الصـدى بالمواصيـر=ماتنـزعـج لأن القـواعـد تمـامـي
وياعلى حث الركب ثم واصل السيـر=وأخذ الحذرمـن زاحفـات الهوامـي
لو مأنت في حاجة وصايـا وتحذيـر=ماتطمـع الا فـي فقـار السنـامـي
سيفٍ يهـدي مـن براسـه زعاطيـر=ياطيـب السمعـه بعيـد المـرامـي
واليا حصل من بعض لاصحاب تقصير=احسـم مداهـا دامـهـا بالزمـامـي
وأليا انتهت لـو يرسلـون النواطيـر=اكثر شقـاء الدنيـاء يجيـب ألأثامـي
وتـرا المناحـر تتقـيـه الهوامـيـر=اللـى مواكبهـا تـهـز الحـوامـي
وأن شفت حبلك واصل جمـة البيـر=وغربك تموحه من غزيـر الجمامـي
ياعلى فـي بعـض المشاريـع تبذيـر=ماتحسبـنٍ بالخلـق جايـع وضامـي
من غيـر مشفـوحٍ يضـف الفواتيـر=لـو يملـك الدنيـاء وبـال وملامـي
واللي مـن القبلـه ردم نـوه عصيـر=حـروه مجيـه والخلايـق نيـامـي
يالله عسـا وبلـه حقـاق الشخاتـيـر=ياليـن غثـو السيـل يرقـا العدامـي
وأخر بنـود السالفـه قصـة الزيـر=قسـمٍ كمـن دائـي وقسـمٍ درامـي
شوكة سلـم بيـن اللحـم وألاضافيـر=مـع التحيـه بعـدهـا وحتـرامـي
يابـن الرجـال مخرميـن الطوابيـر=يشهـد لهـم تاريـخ حيـد الردامـي
من دون لأنقص في حقوق المشاهيـر=كل أبلجن يـروي شبـات الحسامـي

الشاعر / غازي بن مغيران الزغيبي
{ العملاق }