ملتقى قبيلة حرب الرسمي - نصرنا اللي نصر عبده محمد في بدر و حنين(صياف و مطلق الثبيتي)

مطلق الثبيتي=
هلا يامرحبا في دار شيخٍ يكرم اللافين=عسى ربي يعزه كل مادار(ن) الايامي
أنا أشوف السحيمي كل ماغنى يصر العين=مرار يلدها يم اليمن و أمرار للشامي
صياف الحربي=
لعل أبك البقاء و العلم مثل السيف أبو حدين= و انا لاجيت أحول فالبحر و إلياك قدامي
أنا اشوف الثبيتي كل ليله يطلع السكين= و يخفيها ليامني قعدت أفتش حزامي
مطلق الثبيتي=
و ألا ياسرع ماهونت ياراكان أبو حثلين=بعد ما أزريت تطلع دلوك اللي يروي الضامي
ترانا يالمنافق مانحب الرجل أبو وجهين= يصلي بالجماعة مار يأكل مال الايتامي
صياف الحربي=
ألا ياسرع ماشفتك مقفي راكز الساقين= و شرك فالليال المقبله من عمك العامي
من أول يالثبيتي فالحجاز أتحطلك ربين= و ذا الحينه تسميني منافق بين الاسلامي
مطلق الثبيتي=
تشيل الحب في خرجك و لكنه يروح طحين= ليادرنا رحاةٍ فوق حبك شغلها حامي
أنا ما أسمع كلامك لو تحط الوحده ثنتين= كما أنك موترٍ في مقدمه عشرين صدامي
صياف الحربي=
ليا منا قفلنا الباب من دونك تروح منين= بضاعه و البضاعه بايره ماعاد تنسامي
عطاناك اللتيحه و أنت لاجاهل و لامسكين= هلاك الهون و أخذ البندقيه و أنطح الرامي
مطلق الثبيتي=
دخيلك لاتورينا قرون الضبي أبو قرنين= و رأس الضبي ياصياف دايم جلد و عظامي
بعد رحنا و قفينا علامك تتبع المقفين = كشف لون الجمل من تبعنا و أحفيت الاقدامي
صياف الحربي=
نصرنا اللي نصر عبده محمد في بدر و حنين= و من باع النصيحه مانحط براسه خطامي
تحسبن الاوادم يالثبيتي كلهم غاوين= و من يمشي على جرتك لاصلى و لاصامي
مطلق الثبيتي=
علومك من عصور الترك و ايام الشريف حسين= كما ضين الشواوي مالها قانون و إنظامي
دخيلك ردها يم البداوه و المعز و الظين=و ألا ياشين بين أصحابنا شيلك للأقلامي
صياف الحربي=
من أول في ديركم درب و اليومه لها دربين= بغيت أقطع ارزاقك لكن الحظ ماقامي
ليا منا نظرنا يمكم حتى الحجار إلين= عسى ربي يعز اللي في ظله قلبك ينامي
مطلق الثبيتي=
غداء صياف عن دربي و لاشاف الطريق منين=ثقل دمه و حط الشيخ في علباه محجامي
حصاة رزاح ندحمها عن العقال بالمتنين= و ألا يازينها لو كان ننسفها بالالغامي
صياف الحربي=
تبعتك ربع ساعه و إليا عندك علم ماهو زين= تبالك من رجاجيل الحروب جهاد و زيامي
لاتقرب للحصاه اللي تهدم لك بيوت الطين= أبو عرام يربط عمته و يروح عرامي
مطلق الثبيتي=
لك الله لو فصخت عن الجنوب الثوب أبوجنبين= لتلقاء الدود بين الجيوب و بين الاكمامي
أنا خابرك ياصياف تعلجها على اللحيين=هذيك اللقمه اللي ماعليها سمن إيدامي
صياف الحربي=
لك الله ماتطب الحرب لو إنحط لك درعين= ليا شفت التباسي صاب خشمك شر و عرامي

تستاهلون و سلامتكم