حـربـي وأدافـع عـن وسـيـمة حـروبـي
السلام عليكم ورحمة الله وبركاته
أصافحكم بهذه الابيات
اللي وأنا غايب بغيبه حكوبي=أقول زيدوا يأهل القيل والقال مادام غيبتكم تخفف ذنوبي=ياليتها تطول وأنا أطول البال عندي خبر وموجه الحذف صوبي=وأقول يامسكين بارك ويشتال ليته يقابلني وأقول مهزوبي=يذكر من عيوبي ولو ربع مثقال ماأقول مابي عيب مير الكذوبي=بمقابلي يشفع عنه سبل الارسال من قال أنا الغالب تراه مغلوبي=ومن عال يلقى بالرياجيل عيال واللي يقول إن الظفر بس دوبي=يحط معداله وأنا احط معدال حربي وأدافع عن وسيمة حروبي=الله يجنبني عن إحباط الاعمال وعلى الخطأ ما أجر بشتي وثوبي=أسبل بحال وحال ممنوع الاسبال عسى العدا لادورو مالقو بي=اللي على التهمه يغنون موال أهل الشمات إن حصلو شمتوبي=لو كان ماتشرا ولاتباع بريال كم مرةٍ في غيبتي حولو بي=محوالهم بيه ماهو بأي محوال واللي ماهو ليه ولامن سلوبي=حطوه ليَه فال والثاني عقال وإن قابلوني كلهم رحبوا بي=ماكن بالدنيا مثل زيد رجال |
اقتباس:
صح لسانك يابو فهد يسلم هالرأس يابو الجزلات لله درك |
الشاعر الكبير زيد مبشر الحثل رائعة هذه القصيدة بها كل شيء بفلسفة خاصة وسبك لايجيده إلا زيد الحصني .
زيد من أجمل الشعراء لم يأخذ حقه أعلاميا ولكنه يكفيه أنه موجود بالصدور وعند أهل الذائقة الشعرية المتميزة. صح لسانك يابو فهد |
صح لسانك
.. ولاهنتِ نص راقي ..و عذب المعاني .. ! سلمتِ مشاعرك .. دمتِ بـ إبداعك راعي الحناكيه |
الشاعر الكبير زيد مبشر .. شاعر النخبة ..
صح لسانك وبيض الله وجهك .. قصيدة جزلة ولاتجيب الا الجزل .. |
صح الله لسانك
ولاهنت وسلم فكرك وبنانك دمت برعاية الله وحفظة |
الشاعر المبدع
زيد مبشر الحصني الحربي بيض الله وجهك وصح لسانك قصيده رائعه وممتعه وشهادتي مجروحه يابو فهد تحيتي وتقديري لك |
من قال أنا الغالب تراه مغلوبـي=ومن عال يلقى بالرياجيل عيـال واللي يقول إن الظفر بس دوبي=يحط معداله وأنـا احـط معـدال حربي وأدافع عن وسيمة حروبي=الله يجنبني عن إحباط الاعمـال الشاعر الكبير/ زيد بن مبشر الحربي صح لسانك و الشعر الطيب غير مستغرب من شاعر مثلك يا ابو فهد |
الشاعر زيد مبشر
صح الله لسان وتعيش |
اقتباس:
الشاعر العلم زيد بن مبشر الحصني الحربي بيض الله وجهك على هذه الدرر صح لسانك وابداعك قصيده من الطراز النادر والغير مستغرب منك تقبل اجمل التحايا ودمت بخير |
الساعة الآن 12:13 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir