لاواهني الطير في سماه=الارض ارضه والسما سماه
ان حط فوق الغصن ملك اجداده=والى نوى المطير في هواه
ماقدمه حدود ترد رحاله=ولاله ولي أمرٌ سوى مولاه
والرزق متكفل به اللي جابه=من حيث مايمسي لقا عشاه
تضرب به الامثال فالتوكل=وهذي أحد ركائز الغناه
واعلى مكانه للبشر يبلغها=واعظم جزى بالاخرة يلقاه
أجر الشهيد اللي يقدم روحه=ثمن لجنة ربي ورضاه
روحه تعلق في حواصل طائر=بالعرش ماتحسب له الوفاه
الطير لو هو كائن مستحقر=الله .. بأعظم نعمةٍ حباه
يقضي نهاره في حلاوة يومه=ويرقد على التسبيح والصلاه
ولاشق نور الفجر قام يغرد=يومه بتسبيح الكريم ابداه
ماله هموم ولا يشيل أمانه=وابليس خلفه مايحث اخطاه
ياليتني مثله وامد اجناحي=وامد شوفي واسبح بفضاه
هذي مناوي والمناوي واجد=ولاكل رجال يجيب مناه
لو المناوي حيلة المتعاجز=يلقا بها عن ما عجز مسلاه
والمؤمن الكيّس فطين وحاذق=ويعمل ليومٍ كلنا عراه
وصلى الله وسلم على رسوله=ازكى صلاة للنبي مهداه
اعداد ماصلى عليه مصلي=واعداد ماينسى نبيّه لاه

المشاركة الأصلية كتبت بواسطة بخيتان البشري (المشاركة 503192) يشرفني اكون أول من يعانق هذه الشامخة صح لسانك ورفع الله قدرك وشانك

المشاركة الأصلية كتبت بواسطة غازي الزغيبي (المشاركة 503365) صح السانك عبدالله قصيده لايعلا عليها

المشاركة الأصلية كتبت بواسطة ابوخالد الفريدي (المشاركة 503437) قلت قصيده هدف ومغزى وطاروق اعتبرها مميزه مثلها ياعبد الله الفريدي الملتقى يتميز بمثل هالقصيده

المشاركة الأصلية كتبت بواسطة الحب الباقي (المشاركة 503446) صح لسانك مليون على القصيده والله يـعـطـيـك الـعـافيـــــــــــة بيض الله وجهك