وجدي عليها وجد من طـاح مجـدور=واقفوا عنه ربعه وظلا علـى الـدار
شدواعنـه قـدام لا يطلـع الـنـور=وأصبح ولاعنـده مـن النـاس ديـار
وقام يّتذكر يـوم مـا كـان مسـرور=بين الربوع بمجلـس البيـت سمـار
وطقم الدلال برفّـة النـار مسطـور=بنّ اليمـن ممـزوج هيلـه بمسمـار
والناس من حولـه يصفـون طابـور=والكـل متشـوق علـى شبةالـنـار
يوم إن ربعـه مايـردون لـه شـور=لاقـال رأيـه مـا يلجّـون باشـوار
واقفواعنه واقعى على الـدار مثبـور=حتى رماد النـار مـن فوقـه غبـار
جسمـه هزيـل وممتلـي دم وبثـور=وهلّـت عيونـه دمعهـا دم قـطـار
وعدى عليه بظلمـة الليـل مسعـور=سبعاً ضروسـه كنهـا حـد منشـار
وعطـاه بالنيبـان مـع لبّـة الـزور=وتلّة بـلا رحمـة تقـل يطلبـه ثـار
وده بشيء! لكـن بـدأ حيلـه يخـور=وآخـر عهـد إنـه هفيّـة بـلا ثـأر
ووجدي عليها وجد من طاح مأسـور=مسلـم مجاهـد طـاح بيديـن كفّـار
حطوه فـي زنزانتـن كلهـا نسـور=وتنـا هشنّـه بيـن مخلـب ومنقـار
على التي فـي وصفهـا كنهاالحـور=وليامشت تزرى على ضبـي الأقفـار
ليل الجدايـل تحـت الأرداف منثـور=والعين فيها الموت قصّـاف الأعمـار
من شفتها ياحـرب والعقـل مبهـور=ماغيـر اوديّ بالهواجـس والأفكـار

الاخ الشاعر مصلح بن براك المحمدي

ماشاءالله

ابداع الله يعطيك العافيه

بيض الله وجهك

ابداع غير مستغرب من شاعر مثلك

لله درك

تقبل تحياتي وتقديري

ودمت بالف خير

المشاركة الأصلية كتبت بواسطة سلطان صح لسانك يابوروان قصيده رائعه

المشاركة الأصلية كتبت بواسطة علي هليل الحربي صح لسانك يابوروان قصيده رائعه تقبل تحيتي وتقديري

المشاركة الأصلية كتبت بواسطة عاشق بريده الشاعر مصلح بن براك الحربي صح السانك يالغالي ويبيض الله وجهك اخوي ابوروان تحياتي وتقديري عاشق بريده