ملتقى قبيلة حرب الرسمي - كن الجفـــون اليا غفت تلتمس وافـــوق

اخواني واخواتي الأعزاء هناك فئة من الناس
يضنون انهم بالمال يحصلون على كل مايريدون حتى شراء
الضمير وهذا ما فعله احدهم معي حينما اراد ان امدحه
بما ليس به وانزله منزلة هو ليس أهل لها مقابل حفنة من النقود
وقد قلت هذه الأبيات لا اقصد بها احد ولكن هي تنبيه فقط
وان الشاعر هو ضمير الأمة الحي ارجو ان تنال استحسانكم
وتقبلوا تحياتي
شعر : سعود بن عبدالله المبيريك

بصدري من طعــون الـدهر مابرن فتوق =تخايط على سقم بها مابرى باقي
مع العصب بين اللحـم والعظـام يســـوق =بالروح خافي ماتراه المـــلا تاقي
كن الجفـــون اليا غفت تلتمس وافـــوق =يحسبني الجاهل سعيد وانا شاقي
تردني همـــوم مثل جمــع الجــراد فروق =على الورق بغصون الاشجار متلاقي
ما شكي على مخلوق مثلي وانا مخلوق =علـــة فـــوادن مالهــا من المـــلا لاقي
الله رفــع رزق المـــلا والمنايا فــــوق= فـي قـبة بـــلا عمد مــــالها راقــــي
رديت مرسول الهبيله بشيك الســــوق = لو كان لرقبتي من الداين اعتـــــاقي
شعري ماهو بضايع في حراج السوق = سيف يعدل عوج الألسن والاعناقي
وترى من يركب ريشة الصقر للغرنوق =الناس تدري اليا طلع جسمه الباقي
واللوح يبقى لوح ماله بالأرض عروق = لو تزرعه يطفح به الماء مع الساقي
وكـل آدمي لـه قصة فـي رقبته طـوق= وبصدور خلـق الله لها اقلام واوراقـي