عاد الهوى بعد غيباته=تمكن القلب وثر فيه
طرف الشقي هل عبراته=حاول يخفي ولا يمديه

أتخيل إنك معي فالجمس=اللي لك العام به ذكرى
ديره مافيها لاجن وانس=بالليل نمشي على القمرى
اسرار عن بعضنا ماندس=قبل الفجر مالنا مسرى
الحلو والمر فالترمس=غير انت وانا يابو سمرى

عدى وهدى وفي لدى=طير السعد يوم عدانا
اشرت له قالي اتعدى=خلك على حيد وبرانا
مديت يمناي لي مدى=برموش الاعيان حيانا
قلي على السوق لي ردى=ونشوفك ان ربنا احيانا
من شافها يجن واتحدى=ويقول جانا الهوى جانا
يالايمي في هوى رندى=يبلاك ربي كم ابلانا

وحشتني وانت في جنبـي=لاتغيب عني اخاف امـوت
وان مت تكسب ترى ذنبي=انت الامل مشربي والقوت

ودي اقطف الورد من امه=ياصاحب الورد ماتهديـه
ماذيه بـس ودي اشمـه=لأن قلبـي مولـع فيـه
ودي اخذ الغصن واخمـه=بيديْ لنه عطشّ اسقيـه
راضي انا بشوكه وسمه=غيره من الورد ما نبغيه

غاب القمر وختفى نوره=بدر الدجى غاب وش صابه
منحوت له فالحشى صوره=العين تبكي على غيابه

في حلم ولاانا في علم= اصحى وحصلك قدامي
شمل المودين يوم اللتم= طابت جروحي واسقامي

حلو العسل من شفاك يذاق=صافي وترجح به الكفه
لك خد يضوي كما البراق=وهدابك جنود مصطفه
محلاه لليل السعد لاراق=مع شخص مايعرف الخفه
وياحلو نوم الموده عناق=ويدي بيديك ملتفه

ادعج غنج لابس الشيله=فتان مدعوج الاعياني
اشر بعينه ابو قذيله= وبحاجب العين حياني

شابت عيون الشقي ونهار=عم الحزن كل اوقاته
من هول مابه غدى محتار=محروم نومه ولذاته
حتى القدم لوبقى ماسار=يرهبك لوشفت حالاته
اللي ملك مهجته غدار=خاين وضيع وداعاته