|
معاناة يتيم (2)
ياداعج العين الوسيعه فديتك=وأنا وشعري كلنا من فداياك البارحه بالليل مريتك بيتك=وقمت أتذكر ضحكتك واتحلواك ياحسرتي ياحسرتي مالقيتك=بالله قلي يالغلاء وين أبا لقاك يعني صحيح اللي تقوله نسيتك=ورجل ٍ غريب ٍ عايش ٍ معك دنياك أنا اليتيم اللي تعذب وجيتك=أنا اليتيم اللي قليبه تمناك أنا اليتيم اللي بشعري بكيتك=أنا اليتيم اللي وفالك ولا جاك أنا الحنين اللي تشتت وليتك=من قبل ترحل تسمعه يوم ناداك غرك جمالك يالحبيب وصيتك=واليوم أشوف اللي عشقته تناساك يقول أنا اللي بدراهم شريتك=وصرتي وحيده وسط داراه وخلاك لولا الحياء ياشوق قلبي حميتك=لكان خايف من هروج ٍ تبلاك أنا أشهد اني عام الاول نهيتك=لاتبيع قلب ٍ بالمحبه تبناك هذي بيوتي يومني جيت بيتك=هذي بيوتي يوم قلبي تطراك أنا اليتيم اللي رحلت ونسيتك=أنا اليتيم اللي ذبحته بفرقاك |
الشاعر القدير والرائع
أحمد سليمان الجابري صح لساااااااااااااااانك أنا أشهد اني عـام الاول نهيتـك لاتبيـع قلـب ٍ بالمحبـه تبنـاك أنشهد أنك نصحت محبوبك لاكن ماطاع النصيحه يأحمد صح لسانك مره أخرى وقصيده رائعه بكل أبياتها أستمتعت بقرائتها تقديري لك |
الشاعر احمد الجابري
صح لسانك وعتلا شانك تحياتي وتقديري |
|
صح الله لسانك ولاهنت وسلم فكرك وبنانك دمت برعاية الله وحفظة |
أخوي حمدي صح بدنك ولاهنت على المرور العطر
|
الاخ القديراحمد الجابري صح السانك ودام ابداعك وبيض الله وجهك تسلم ياالذيب على هذي القصيده الجزله والرائعه بروعة حضورك الغالي دمتم على الف خير |
الساعة الآن 06:00 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir