نادو على الحصني علي ياجماهير=انا طلبتـه دون قاصـر بغيـره
يا الله عساه بكامل الصحه وخير=يالين يلقانـي ويلقـى مصيـره
يامرحبا ترحيبت العـود بطيـر=ترحيبت العود الحويفي بطيـره
ا لعب معك ماني بخاسر مخاسير=ماينقص الزراع حبـة شعيـره
دام البقا يامسطر القاف تسطير=وافهم ترى قدمك دروبٍ عسيره
اخاف تخسر كل مالك من الغير=ياشاعرٍ طالت عليـك المسيـره
السوق لو جازاء كبـار الهواميـر=صارت على مسعد ومثله كسيـره
ابعد عن الزحمه تراء زولك اصغير=لاتبلـش الشاعـر ولاتستثـيـره
ان كان هامـورٍ بليـا دنانيـر=ثقلت علينا نفوس ناسٍ فقيـره
زولي مع الازوال يحضى بتقدير=والله لخليها عضامـك ثريـره
الضاهر انك تو ماوقـت بالبيـر=وصارت مع الشعار سيرتك سيره
ذكرتني بكليب يا سالـم الزيـر=الله يسلـم عينـك المستديـره
انا من حساب الرجال المناعيـر=جمال والحصني هزيـلٍ بعيـره
عيني من عيون الحرار المشاهير=وانته صغير العين واعمى بصيره
ما قول فيك اقصور والسالفه غير=المشكله عندك بسلك الضفيـره
زين العيون تفوز فيـه الغنـادر=يا عين شيهانن بهضبة وعيـره
مبطي وانا اخوض الوغى والطوابير=عارف مقاصيدك يامـال الستيـره
الحر مخلابـه سـوات السواطيـر=والبومـه انثـى طرفهـا ماتديـره