أزهموا ياصفوف اللعب تركي عطاء الله=باقي(ن) له مع أهل الشام فنجال دله
لاسوالف جريده لاسوال مجله=شوف كيف الهواء يلعب برأس الهواوي
ياسلام الله على اللي يسدون اللزوم= فالليال الحاظره و الليال الماضية
الله الله يازين الجار لنشاف جاره= ينشرح خاطره و يشب ناره
فوق لزمة حمود للقوم أسوق البشاره=شوف كيف الهواء يلعب برأس الهواوي
أبتداء وقت الزعل و ابتداء فرك الخشوم= مالكم من عندنا غير ضربه قاضيه
قبل لاتستمع مردود فالعلم مني= طاري الشام يجلى الهم و الحزن عني
و أنت من ماضي الايام مطرب و فني=شوف كيف الهواء يلعب برأس الهواوي
مرحبا عد القمر و الكواكب و النجوم=بالنفوس الضايقه و النفوس الراضيه
لاتجيب إلك عيدٍ قبل عيد الضحيه= يابن طمحي علومك ماتمشى عليه
أنت ياللي معك خمسه و عشرين نيه= شوف كيف الهواء يلعب برأس الهواوي
ماندور من عتيبه دفاع و لاهجوم=خابرٍ ماعندك إلا العلوم الفاضيه
أحسبنك مع اهل الفن مالك علاقه= أنت فنان عدل مهنتك فالبطاقه
بس لاتعتبر مابيني و بينك علاقه=شوف كيف الهواء يلعب برأس الهواوي
ياعسى من طاح حظه يطيح و لايقوم= علم الضميانه اللي تحوف الحاضيه
لاتشكك ترى نظرات خصمك بعيده = نظرةٍ من قديم الوقت ماهي جديده
إلك واجب حديدٍ معتبر من حديده=شوف كيف الهواء يلعب برأس الهواوي
اعذروني يامطير و ياحضار البقوم=أبا أمش الربع و عيونهم متغاضيه
أهل الفن لولا راشد الله يعزه= كان راحوا كما اللي وسط أريحا و غزه
و إلا أنا خاطري ماكل شيٍ يهزه=شوف كيف الهواء يلعب برأس الهواوي
كل واحد له نصيبه لياجات القسوم= و الدروب طوال ياصاحبي و اعراضيه

المشاركة الأصلية كتبت بواسطة الحب الباقي (المشاركة 167517) الله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة ذيب القصيد (المشاركة 167779) بيض الله وجهك اخي الكريم على النقل الرائع