الليل في صمته وصبره تبرئ = وانا على عهدي معه ماتبريت
بريت حالي باالسهر واستمرئ = واليوم تتركني ومني تبريت
كل(ن) على ليلك وصمتك تحرئ = وانا على هدواء ليلك تحريت
اسعد ليال العمر دايم تمرئ = يسرني شوفه وانا استسريت
والليل في همسه ورمسه يسرئ = وامربه كنه خيال (ن)به اسريت
احكي وكلم هاجس (ن)بي يمرئ = وارد ده واقول اناكيف مريت
راحت سنين العمر مني تمرئ = والليل في صمته انا به تذ ريت
ذراي وملجاي لي مستقر ئ = ابات في لليله وفيه استقريت

يابحر لاتصفق امواجك على الجال = قلبي معك يصفق بداخل ضلوعي
جيتك اسلي خاطري وافرح البال = من كنتن داخل ضلوعي بلوعي
همي بقلبي واانتظر حجز لو طال= غصبن علي والامر ماهو بطوعي
طالت بي الغربه والوقت ميال= وارسل من امواجك بدنيارجوعي
كفيت دمعة عين اوبرية الحال =كافي عناي وكثر هشم الدموعي
ياما سكبت الدمع ببروق وخيال = ونجوم في عيني تناثر تبوعي
اخذتني في عمق بحرك بالاميال =وانااخذت الي كفاني بطوعي
واودعك يابحرغادروحيال =تهداء مع مد وجزر بطلوعي

وشلون ماتد ري عن احوال مغليك =الي غلاك بوسط قلبه بنيته
ياما سهرت اليل وانا بحراويك =وهذا جزاي من الغلا مالقيته
ارتاح في لحظه واهذري بطاريك -=ويسجبي هاجوس ساري سريته
ليل(ن) يحدربي بدرب المهاليك =وليل (ن ) يسندبي على مابغيته
ان كان به قمة غلا فرحتي فيك =وان كان حبك بالغلا وصط بيته
والله لو تدري عن الي تناديك =تجيه ساري تاركن مانويته
ترى ليال العمر تهلك مهاليك =والعمر مره واليالي مبيته

اي والله احبـه وباالقلـب اغليـه =وصل الغلا بيني وبينـه قرينـي
اكن له باالقلب حب (ن)وابعطيـه =صافي نباتـه مـع بقايـا سنينـي
ازرع ثمر من موية الورد اسقيـه =ويبين زرعـه والنتيجـه تبينـي
واقطف من الثمره بليـا مشاريـه =زرعي وانا حره بقطف الحنينـي
احن له ويطيب ذكـره وماضيـه =ويفوح ريحـان وعطـره يبينـي
وماكل من قالت عن الحب توفيـه =الا الاصيلـه والاصيلـه تبينـي
لاجارت الايـام تمسـح خوافيـه =واتضمد الجرح المخفـى بزينـي
وهاذي سنين العمر لابـد تعطيـه =من روض زرعه و يقطفه باليديني

ياالي ترحب جارك الله من الباس =حييت والقمه براس الطليعه
مادام عندك نقدوشعور واحساس=ابدع من الابيات ماتستطيعه
وداحم رجال فوق الاكوار جلاس=لاتقول قلبي جلستي هي ربيعه
لاتنحرف مع كل هين وهلاس=اهل الضعافه والنفوس الوجيعه
بكره تعودتضرب اخماس بااسداس=وتقول ليت الراي يرجع واطيعه
عليك باللي يمتطي قب الافراس=اللي علئ الشده سدوده منيعه
تغنم الفرصه لياهب نسناس=تراليال العمر تمضي سريعه

هم(ن) بقلبي مضى عامين = اصيح باالصوت وانادي
اخوي روح مكانه شين = والظلم موجود بعنادي
حالي طواه التعب والبين = الغبن ياحرب الاجوادي
ظلم (ن) حوانا ا له سنين = الغبن باالكبد وقادي
اسهر وجرحي غزاءللعين = والليل مافيه مرقادي
حديت نفسي على المقفين = الي على الشيخ ردادي
مافيهم الي فاتح عين = مجمع (ن) ضيع بلادي
وانا اشوف الخوي هاالحين = حرب الابيه هي اسنادي
عز السند والخوي وافين = هم اهل الطيب من بادي

همس القوافي بااليدين أي تحنى = وانا على حروف القوافي تحنيت
حنيت فكري للقوافي مثنى = وارخيت له سمعي وبه تغنيت
ظل(ن)ظليل(ن) في زمانه تعنى = واجاوب الورقى على ماتعنيت
حسيت باالضيقه والقلب كنى = على لحن صوت الحمام استكنيت
حمام ياالي في طميه تغنى = بيحت مابخاطري يوم غنيت
حنين صوتك داخل القلب حنى = على سعد قلبي وفيها تهنيت
فرجتلي همن بقلبي تهنى = باالضيق والهوجاس يوم (ن)تعنيت
دارك هوى قلبي وفيها سكنى = وابيحلك بالصدق يوم (ن)تغنيت

على طاري الفرقامابعدالافراق افراق = قفل حبل المواصل بينك وبيني
تفارقنا ومابعد فرقانا زمان (ن)راق = ولاتقدر تغير باالعمر باقي ا سنيني
هذ ا ك اول تقدر تلملم الاوراق = ولا تدخل كثير الناس مابينك وبيني
ترى فيه ناس تبرق باالخبر ابراق = وتخابر بالخبر وهاالحين تو حيني
ترى طاري الفرقى تحرق كما الحراق= على كبدي لهيب الحرق يكويني
ترى لشمس شرقه باانتظر لاشراق = يكود الشمس بشرقه تصحيني
وابصبر بذن ربن عالم الافراق = على همي ومنه الرب ينجيني

همس الغروب الي على غيبت الشمس= تعكس على عيوني بنظرة شفقها
تسج باالخاطر وتحكي على همس= مابين غبه والمواني بحرها
السجه الي بالخوطر على عمس= تلوح في ذهني وانا كارهتها
مالي بها خاطر ولا ناقصه حمس= تعكس على عيوني موج (ن) حرقها
همس الغروب الي على خاطري لمس= بين المشاعر والخوافق خبرها
احكي على نفسي ولا عاتب الرمس= ولالي الاالصبر يمسح كدرها
ياعين هلي باالدمع واغمسي غمس= صفي حسابك قبل يمحي بصرها
خلي خفوقن بين الاضلاع يلمس= على جروحن خافيه في بحرها

مابين وادي وجرف السيل = رحنا بها يالله الفزعه
الغيم جانا سوات الليل = من يم مكه على فجعه
شفت القهر لين ذقت الويل = والموت شفناه في جزعه
والبحر قدامنا ياويل = من هو على نيته رجعه
يارب سترك قوي الحيل = ا عبادك اليوم منفجعه
جده تهل الدمع كاالسيل = وقلوبنا اليوم من وجعه
رحنا بها بين حط وشيل = يا خالق الكون في وضعه
رحماك في كل يوم ولليل = مانشوف الاكدار والجزعه