خنت العهــد
 

خنت العهد يوم أحسبنك بتوفيـه
خنت العهد يوم أحسبنك مـرادي
أثر الكلام اللـي تقولـه تسويـه
اقولها بانـت جـروح ٍ جـدادي
كنا نفكـر حبنـا كيـف نبنيـه
كنا نذوق المـر قبـل الرقـادي
كنا نفكـر حبنـا كيـف خافيـه
كنا نقـول الكـل منـا مفـادي
كنا نفكـر حبنـا كيـف نحميـه
كنا نقول الحـب مالـه معـادي
مير البلاء جاني خبر مقدر أحكيه
غدر الحبيب اللي معه كنت غادي
الله وأكبر ياعرب كنـت ناهيـه
تكفى دخيلك لاتجـرب عنـادي
بعد السنه جاني يسحب خطاويـه
يقول ياحمد همت في كـل وادي
أرجوك رجوى حبنا كيف نبقيـه
أرجوك رجوى لاتخيب فـوادي
قلتله مالـك يالحبيـب مشاريـه
روحتك ولاجيتـك شـي عـادي
خنت العهد يوم أحسبنك بتوفيـه
خنت العهد يوم أحسبنك مـرادي

صح لسانك وسلم بنانك

أبيات غاية في الجمال والروعة

صح لسانك

ورائع

تقبل تحياتي

صحت أبدانكم جميع ولاهنتم على المرور والاطراء الرائع

لكم صادق والود والاحترام

صح بدنك ياحميد ولاهنت على المرور العطر

أحترامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

أخوي خالد صح بدنك ولاهنت على المرور العطر

أحترامي