الود كم يقطع مسافات وبحور = وانا حسب ماجابه الشوق لك جيت
ونثرت لي ودك شذا ورد وزهور = وملكت مني بالغلا روح حبيت
واليوم متغير لك ايام وشهور = وآنا اتمنالك مثل ماتمنيت
معذور بك قلبي 0 وبالمثل معذور = قلبك 0 ليا طاعك على الصد واقفيت
ماني على كسر الخواطر بمجبور = إن كان كسرة خاطرك بي تهقويت
كان الرحيل وخاطرك فيه مأسور = بحفظ مكارم طيب ودك ليا اطريت
فالبال 0 والذكرى لها فالعمر دور = ياللي على ودي طغيت وتماديت
حاولت ادور لك سبب يدمح الجور = وعجزت لا القى للمعاذير تثبيت
القاك في كل التواصل لك ظهور = والقاك بحضوري رحلت وتواريت
ماني بمتكبر ولا إنسان مغرور = ياللي على قلبي جنيت وتجريت
عسى حياتك كلها فرح وسرور = وانا عن حمول الشقى قبل مازريت