ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)
-   -   لنا مكة و طيبة ولكم مهدكم كله/ حفيد_الحجيري +عبدالعزيز العضيلة (http://www.m-harb.net/vb/showthread.php?t=155060)

الحب الباقي 30-07-17 12:15 AM

لنا مكة و طيبة ولكم مهدكم كله/ حفيد_الحجيري +عبدالعزيز العضيلة
 
السبت
٦ / ١١ / ١٤٣٨هـ


عبدالعزيز العضيلة
سلامي سلامن قوته حافظه مبناه
على الصاحب اللي يعقد الحبل ويحله
والا يا حسن للشعر معنى وابي معناه
وش الفرق بين الشعر والنثر والشله

#حفيد_الحجيري
هلا مرحبا ترحيب ساسه يعزّ بْناه
على الصاحب اللي نوره مْنورّ الحلّه
يابو بدين معنى الشعر في بطن من غنّاه
ولِن سِلتني فرقه كما الكاس و الدلّه

عبدالعزيز العضيلة
يدوم البقا يالشاعر اللي على مبداه
يروم المعاني في الشعر دقّه وجلهّ
ترى الشعر ديوان العرب والعرب تهواه
وبه فرق فيما قلت والناس تدلّه

#حفيد_الحجيري
على الطيب والمعروف مبدأ عزاز الجاه
وشرواك من قومٍ على مذهب وملّه
خذيناه من حسّان بن ثابت وصِنّاه
أسد في عرينه بات ما تلحقه خِلّه

‏عبد العزيز العضيلة
تعرف السلوم وكل رجل على مجناه
وشرواك طيب وطيبكم محدٍ يزلّه
ترى النفط لابده يمرر على المصفاه
تصفيه من طينٍ ومن شيءٍ يعله

#حفيد_الحجيري
نعرف السلوم وكل حرٍ على مرباه
يعودّ ومنهو طاح دونه محد قٓلِه
على الأسودين نعيش والنفط ذا لولاه
ما يمدى مطير لمهدها اليوم محتلة

عبدالعزيز العضيلة
على الهون يا حرٍ كسب داه بيداه
سهوم المنايا جاته ولا أحدٍ يظله
ترى المهد دار مطير حنا حميناه
ونرسي كم ترسِ الجبال المطله

#حفيد_الحجيري
على الهون يأحمر عين وشبك تجر الآه
توضأ وصلّ وخلّ هرج السعة خلّه
مهٓدكم لكم محدن خشر ذاك في مفلاه
لنا مكة و طيبة ولكم مهدكم كله

==== وسلامتكم =====



الساعة الآن 08:54 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi