|
المجلس
بالمجلس الي ماتقدر اليا جيت = ابعد عنه لو كان مجلس زعامه
لا صار يجمع من ضعوف وسرابيت = وسفيه قوم ٍ مايثمن كلامه ما تلام لا من قمت والا تعديت = عن السفيه الرجل يحفض مقامه احفظ مقامك عن وجيه الشماميت = ترى عوج دخان مثل الهلامه لو حط له مجلس ولو زخرف البيت = همه رضى نفسه وضحكت مدامه مايعرف سلوم العرب لو تحاشيت = وقدرت راع المعرفه والشهامه والناس فيها رجال وايضى خراتيت = من خلقت الدنيا ليوم القيامه انصى مجالس راعي العرف والصيت = رجال علم وسلم واله احترمه تلقى هلا يامرحبا وقول حييت = وحلو النباء حتى بردت سلامه وفي مجلسه تلقى رجال ٍ اليا ابديت = لسالفه كل ٍ يزيد اهتمامه حافظ اسلومه قبل لايطلع الزيت = وقدام نور العدل يفرض نظامه فايز موسى البشري |
صح السانك اخي فايزقصيده جدارايعه
وفيهامفردات من الكليمات الفايقه والنادره يستمتع من يقراها |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
( همه رضى نفسه وضحكت مدامه )
ونعم الرجل هذا قال الرسول الكريم صلى الله عليه وسلم : خيركم خيركم لاهله وانا خيركم لاهلي وقال صلى الله عليه وسلم : تصدقوا قال رجل يارسول الله : عندي دينار قال : تصدق به على نفسك قال : عندي اخر قال : تصدق به على ولدك ،،،،، الحديث اتفق معك شاعرنا القدير الشيخ فايز على القصيدة بشكل عام واقول صح السانك مليارات فيما ذهبت له من ان الانسان يجب عليه ان يقدر نفسه ويحترمها ويبعدها عن المجالس التي لاتحفظ لها كرامتها والاعتراض على شطر بيت فقط والاختلاف لايفسد للود قضية |
اقتباس:
|
اقتباس:
|
اقتباس:
واحب بإن اوضح لك اخي حسب ملاحظتك على الشطر المذكور ( همه رضى نفسه وضحكة مدامه ) حيث فصلت الشطر عن البيت والابيات السابقه والابيات اللاحقة والسياق الكامل لنص الابيات وربما لم تكن الصورة واضحة او فيها غموض فالمقصود ليس مثلما ماشرت بإن من همه رضى نفسه بشكل عام وضحكت مدامه بشل عام التي هي أمرته حرمته المقصود ليس هذا؟؟؟ ما تلام لا من قمت والا تعديت = عن السفيه الرجل يحفض مقامه احفظ مقامك عن وجيه الشماميت = ترى عوج دخان مثل الهلامه لو حط له مجلس ولو زخرف البيت = همه رضى نفسه وضحكت مدامه مايعرف سلوم العرب لو تحاشيت = وقدرت راع المعرفه والشهامه والناس فيها رجال وايضى خراتيت = من خلقت الدنيا ليوم القيامه انتقل لقليل من الايضاح احفظ مقامك عن مقام الشماميت = ترى عوج دخان مثل الهلامه الشطر الثاني ترى عوج دخان مثل الهلامه من به اعوجاج من جميع النواحي التي تقدح في سلومه وعلومه وتقديره لرجال ومجالسهم فهو مثل الهلامه البيت الي بعده لو حط له مجلس ولو زخرف البيت = همه رضى نفسه وضحكت مدامه المقصود بإن عوج دخان هذا لو حط لم مجلس يحاول يقلد الرجال اهل المجالس والسلوم والعلوم والعوايد لن يستطيع لانه مثل الهلامه ليس صحيح مثلهم وهمه الاكبر رضى نفسه حتى لو خالف العلوم والسلوم واداب المجالس وهمه الاخر الضحك والطقطقه ( المقصود ضحكه مدامه يعني ضح طويل مستمر بمعنى همه انه يضحك ويسولف حتى لو خالف اداب المجالس سوى المجلس له او لغيره لماذ يعمل هذا لانه مايعرف سلوم العرب لو تحاشيت = وقدرت راع المعرفه والشهامه الزبدة ضحكت مدامه ليس المقصود مرته زوجته المقصود ضحكه دائمه بسبب وبدون سبب اتمنى وضحت لك الفكره ومشكور على المرور والتعليق |
احمد الله انني التبس علي الامر لنحصل انا وغيري من القراء على هذا الشرح الرائع
الجميل للقصيدة وبهذا الاسلوب الجذاب اشكرك اخي الشيخ فايز على سعة صدرك ورقي اخلاقك وتفاعلك الراقي مع قراءك صح السانك مرة ثانية على ابداعك في هذه الدرة الثمينة |
صح لسانك
كلماتك غايه في الروعه أحييك على هذه الابيات المتميزه دمت ودام شعرك وبوحك |
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 05:56 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir