يالله يالي كل كرب تحله
 

يـالـلـه يـالــي كــل كــربٍ تــحـلــه
يافارج الضيقات يـاعـالـي الشان
تشفي لـنا الشايب ويرجـع مـحلـه
متعافيٍ يضحك حـجـاجه كحيلان
الــشـايـب الـي ل هـرج ماتـملــه
يشرح لك الخاطر ولو كنت زعـلان
يـامـا جـلـس بالـحـوش كـنه بـفـلـه
يضحك ومستانس وراضي وقنعان
والـيـوم حــوشــه والمـراكـي وزلــه
تـدعـي لـبـو فـلاج صحة وغـفـران
وتــدعــيــلــه طـيـورٍتـراود مـحــلـه
تشرب وتدعيله جزاء فعله احسان
ويـدعـي له الصايم اذا العرق بلـه
وتدعـي لـه رجـالٍ كــٌرامٍ ونـسـوان
الشـايـب الـي مـاتـجـي مـنـه زلـه
ولاعــاش بـالـحـيلـه ولا قـال بهتان
ســنــة نــبـي الله طــريــق يــدلــه
مـايـخـالـف السنه ولو كان ماكان
الــيـا حــضــركـلٍ يـقـوم ويـجــلــه
انـااشـهـد انه للفخر صـار عنـوان
والـيوم مايـدري عــن الي حـصلــه
يـالله تـفـتـح له مـن الـخيـر بـيـبان

صح بدنك ملايييين

صح الله لسانك

والله إنك أبدعت

إسترسال مخيلة الشاعر

من أجمل صفاته

بالتوفيق

رد
 

صحة ابدانكم واعتلى شانكم

صح بدنك وعلا شانك ياابيض الوجه