ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   ( تعيس الحظ من عادا محمّد ) (http://www.m-harb.net/vb/showthread.php?t=155903)

صقر المراقيب 08-11-18 03:59 PM

( تعيس الحظ من عادا محمّد )
 
( ولد سلمان لامنّه تعزوى )


بغيت آشيد في فنّ القياده=وانا رجال صادق فالإشاده
ولاني جيت في توضيح خافي=وضوح الشّمس مايبغى شهاده
ولد سلمان لامنّه تعزوى=اخو حِصّه تمكّن من مراده
وشبل الليث من صغره تدرّب=على الهدّات والجزل اصطياده
جينات الملك من جدّه ورثها= وبانت فيه من يوم الولاده
طَموح وفيه مايرضي غروره=من اصفات القياده والرّياده
فصيح لسان مُقنِع في حديثه= وهرجه ينفهم دون الإعاده
قويّ الباس للأنظار ملفت= ومنه الجهد مايفسد حصاده
مايقبل ميل واهل الميل تعلم= ذلول العدل يعلوها شداده
ابو مشهور يحلالي مديحه=وقول الحق من ربّي سداده
مبايع بيعةٍ من طيب خاطر=من اصحاب الفضيله والسّعاده
وكل الشّعب راضي فيه قائد=يقف دونه تحت حكم السّياده
تمنّى فيه عدوانه مصيبه=وربّه حافظه درع لبلاده
واخذ حقّه من اللي يكرهونه=واخذ قسمه من الدّنيا زياده
يوم إنّه شاف للسُّنّة مُعادي= وقف له نِدّ واعلن في جهاده
تعيس الحظ من عادا محمّد=وسعيد الحظ من يكسب ودِاده
نطقت بقول مايملي ضميري=ولضيق الوقت موجِز في إعداده
وهذا الحقّ واختم فيه قولي= ولد سلمان مايكبو جواده


الشّاعر/ خالد بن عبيد بن معتوق الأحمدي

الحب الباقي 08-11-18 07:12 PM


صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

سحر المساء 09-11-18 12:41 AM

صح لسانك مليون
صقر المراقيب
لك من اسمك نصيب
راقتني القصيده جدا
والنعم بالمادح والممدوح

احترامي

الجرح 12-11-18 05:59 AM

لاهنت وصح السانك

تقبل التقدير والاحترام

وفقك الله

فهد ابن غانم 20-11-18 07:38 AM


صح الله لسانك
ولاهنت
وسلم فكرك وبنانك
دمت برعاية الله وحفظة

الحميدي الحربي 14-12-18 02:17 PM

السلام عليكم ورحمة الله وبركاته
سلمت ودمت أخوي الشاعر صقر المراقيب على القصيدة.
.
.
جزله ورائعه وصح لسانك
أخوك ابوساره

صقر المراقيب 22-05-19 11:32 AM

الحب الباقي
اسعدني مرورك



الساعة الآن 10:31 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi