|
عجل عن اوضاعك افتينا مع القدير وليف الشوق 0000
==
== == == == بخيتان البشري = لايكون واشي حكى فينا = ما اخبرك تسمع بنا واشين واثق والايام مقفينا = ونقلق على مثلكم غالين وليف الشوق = لايدخل الشك ياخينا = مسكانكم داخل العينين واللي كماكم موفينا = محسوب عندي من الوافين بخيتان البشري = الحرف من امس ودينا = وانا انتظر رد لا ذلحين لجليش جيناك شاكينا = وانتم عن احوالنا لاهين وليف الشوق = عل هون ياصاحبي بينا = اهل الوفا نجيلهم عانين الحرف عيا يوفينا = وتقديركم عالي العالين بخيتان البشري = احيان للصبر مافينا = ولاعاد ندري نلقي وين وزدتو علينا مآسينا = مانحتمل وقتها ثنتين وليف الشوق = عن امس ياليت تعفينا = ونجاوب اليوم جيم لسين عجل عن اوضاعك افتينا = يمكن عليها معاك نعين بخيتان البشري = من بعد مارست سواعينا =على شواطيه منتظرين فجأة علا موجه المينا = ياكيف نصبح من الناجين وليف الشوق = لايمكن نقول مامدينا = انقاذكم دام غرقانين لكن نحتاج تبيينا = ونكون فالخط متجهين بخيتان البشري = لما معه كان مغرينا = كنا معه فالهوى سالين ولما صدق من نواحينا = الود 0 اخلف بناه الزين وليف الشوق = لاصار بالعكس ماشينا =واخلف معه هقوة الهاقين واجب نقدم تعازينا = وانساه دامه من المقفين |
صحت السنتكم وبيض الله وجيهكم
على هذي المحاوره الرااائعه والله يعطيكم العافيه تحياااتي |
صحت السنتكم على الابداع
والحن الرائع لاغرابه الابداع من اهله |
ابومحمد
ابومنى صحت السنتكم ابدعتم وتالقتم بدع ورد احتراامي |
الله عليكم
صوووت وصدى على اعلى مستوى صحت لالسن ملياررررررررر |
صحت السنتكم وبيض الله وجيهكم
على هذي المحاوره الرائعه والله يعطيكم العافيه ودي وتحياتي |
صحت الألسن وبيض الله وجيهكم ودمتم بود |
حلووووووووووو الكلام . . لحن راقي و من اجمل ما يكون
سلمتم و صحت السنتكم و بيض الله وجيهكم و الله يعطيكم العافية |
صحت السنتكم وبيض الله وجيهكم
|
اقتباس:
تسلم ياابومحمد على هذي الحاوره الرائعه بروعتك شرفتني صح السانك وبيض الله وجهك على هذا الابداع والى اللقاء تقبل تحيتي وتقديري |
الساعة الآن 07:44 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir