مرثيه بالمرحوم/ضافي بن زبن الحويمضي رحمه الله
لاعاد علمن شتت الفكـر تشتيـت=على الرفيق اللي من اطيب ربوعي صابنه اسهوم الليـال المباغيـت=في ليلة الجمعه بتـال السبوعـي عليه دمعن تنزف العيـن هليـت=وانا ادري انه ماتفيـد الدموعـي انا ادري اني لو لشوفـه تمنيـت=أصعب علي إيصير من حب كوعي لكن عبراتن عن إخفايها ازريـت=ولا تـراي بحكـم ربـي قنوعـي في جيرة الله يوم ياضافي اقفيـت=في رحلتن مامن بعدها رجوعـي خليتنا ياللي على الطيـب ربيـت=ياطيب الجيره شريـف الطبوعـي وخليت خيلا بالسبق جالهن صيـت=اللي لهن وقت المسابق طلوعـي وريهام عقبك لو تناديك مااوحيـت=خطفك منها الحادث اللي يروعـي مرحوم ياحـرآ شهـرت وتعليـت=مرحوم يالسيف الصقيل القطوعـي يالله عسى في جنة الخلد لك بيـت=ويرحمك من يحيي هشيم القشوعي وينجيك ربي من مصير الطواغيت=يوم الحساب ويوم حشر الجموعي |
الشاعر المتألق محمد عبدالمحسن البدراني صح السانك وبيض الله وجهك تحياتي |
الشاعر المبدع
محمد عبدالمحسن البدراني ادامك الله وادام الله الابداع صح السانك وبيض الله وجهك |
الشاعر المبدع و المتألق محمد عبدالمحسن البدراني صح السانك يالغالي ويبيض الله وجهك تحياتي وتقديري عاشق بريده |
الشاعر محمد عبدالمحسن البدراني صح لسانك وبيض الله وجهك يالغالي اخوك سلطان |
صح لسانك ..
قصيده رائعه واحساس اروع .. أسجل اعجابي ويعطيك العافيه .. |
صح لسانك على هذه القصيدة الرائعة |
الاخ الشاعر محمد عبدالمحسن البدراني لله درك الله يرحمه ويرحم اموات المسلمين وجزاك الله خير وصح الله لسانك مرثيه معبره يعطيك العافيه يالغالي تقبل تحياتي |
الساعة الآن 06:15 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir