ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   حصري لحرب الدول من عهد جدانها (http://www.m-harb.net/vb/showthread.php?t=151396)

سعد المحمدي 17-12-14 07:42 PM

حصري لحرب الدول من عهد جدانها
 
سلام تسليمت المسلم على المسلمين =مثل الذهب صافيه ترجح بميزانها
مغلفه من زهور الورد والياسمين =تضفي على راعي الحله وضيفانها
حلة كبير الصحن في ممحلات السنين=ولاخير بالكلمه اللي دون برهانها
اسمٍ تسمى به الاول بذبح السمين =يوم العرب ماتحصل قوت ورعانها
واليوم تعرف به الاحفاد يالعارفين =شجرة كرم من ثمرها مالت اغصانها
من عزوةٍ بالملاقى ترهب المعتدين =لاثار عج الرمك في وسط ميدانها
بلي الكرم والشاعه فزعة الخايفين =قبيلةٍ من وفاها معتلي شانها
بين القبايل لها هيبه وضلعٍ متين =نعم القبيله ونعم بكل شيخانها
من خوف ماقع بغلطه تزعل الطيبين=وتشره عليه رجالٍ تعرف اوزانها
ماخص عبدالصمد ماخص عبدالمعين =النعم يثنا لفتيتها وشيبانها
قلته وانا من قبيلة حرب يالحاضرين = العزوه اللي تهاب القوم فرسانها
ليا عزينا طمعنا مقرعات الحنين = كم ذود نقفي بها من وسط مرحانها
المعجزات الثلاثه مابها كلمتين =حصري لحرب الدول من عهد جدانها
وكل القبايل بها فزعه وجزعه ودين = عاداتها بالمعارك تحمي اضعانها
من قال بالوقت ماليه شبيه وزين = اكيد نفسه راهنها عند شيطانها
قلته وقالوه قدامي من الاولين = والبندق الطيبه من طيب نيشانها

ابوهليل 17-12-14 08:47 PM

والله ونعم بكبير الصحن وفي قبيلته بلي

ونعم فيك يابوتركي صح لسااااااانك بيض الله وجهك

سعد المحمدي 17-12-14 09:15 PM

اقتباس:

المشاركة الأصلية كتبت بواسطة ابوهليل (المشاركة 1422852)
والله ونعم بكبير الصحن وفي قبيلته بلي

ونعم فيك يابوتركي صح لسااااااانك بيض الله وجهك

صح يدنك
ابو هلل وبيض الله وجهك
شرفنيرك
الاجمل

نديم المجرة 18-12-14 04:45 PM

صح السانك وبيض الله وجهك
قصيدة رائعة

الحب الباقي 18-12-14 07:41 PM


صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

فهد ابن غانم 02-01-15 05:34 PM


صح الله لسانك
ولاهنت
وسلم فكرك وبنانك
دمت برعاية الله وحفظة


الجرح 02-11-19 05:18 PM

لاهنت وصح السانك

تقبل التقدير والاحترام

وفقك الله



الساعة الآن 11:21 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi