ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   يازياد مايقبلني العذر يازياد (http://www.m-harb.net/vb/showthread.php?t=156181)

سعد المحمدي 11-07-19 02:00 AM

يازياد مايقبلني العذر يازياد
 
*يازياد مايقبلني العذر يازياد*

*كيف اتعذر حفلكم ياخوالي*

*لو قستها يازياد من كل الابعاد*

*مالي عذر ياعيال سمح القبالي*

*الشايب المرحوم كساب الامجاد*

*عساه بالجنه كريم السبالي*

*رجال عرف ويحفظ الملح والزاد*

*بكر على قبره صدوق الخيالي*

*من عزوتن يوم انها سيف وزناد*

*من العيون وغرب ووجه شمالي*

*في ضفهم حمرن مثل دم الاكباد*

*قصير المغزل عليهن يلالي*

*وسم لحبالين المكارم والاسياد*

*قدام يذن بالمناره ابلالي*

*ياللي عن ارموز المناعير نشاد*

*اعطيك نبذه حول نص السوالي*

*منهم سعد راعي معاميل وشداد*

*عقيد قوم وللخطر مايبالي*

*سجل على خشم المصيقر للاحفاد*

*فعلن مخلد من قديم الليالي*

*شاعر جهينه فيه بالمعركه شاد*

*قال الصحيح وماب قوله جدالي*

*ومنهم خلف سم الافاعي للاضداد*

*سبار طرشن دونها النزل حالي*

*الراي قال الراي ياقروم الاولاد*

*الدرب ياطا نزلهم لامحالي*

*وصاح الصياح وراجة الخيل بالماد*

*وقفو على البل مبعدين المدالي*

*وطلق لربعه بالزمن عون وسناد*

*يبرم ولا تبرم عليه الرجالي*

*شيخه وصينيه ودله وبراد*

*يوم السنين اعجاف والجيب خالي*

*الحق لو يزعل محمد وحماد*

*والله لقوله كان جاله مجالي*

*حربي وحر الراي ماني بجحاد*

*وعن الخطا والعيب قاصر حبالي*

*ولاشفت لوجيه المخاليق عباد*

*فريس هرج وبالمواقف ثعالي*

*ماني لهم تابع ولاني برواد*

*نفسي تروم الكايده والمعالي*

*على الصراحه وبلج الحق معتاد*

*وماقف على الجرف الطويل الهيالي*

سالم بن ظفر الحربي 11-07-19 05:54 AM

صح لسانك بلاعدد ابدعت

وستين الف نعم بالمادح والممدوح

ابوهليل 11-07-19 08:13 AM

الشاعر العلم سعد المحمدي

صح لساااانك ملاااااين
والنعم بالجميع

سعد المحمدي 12-07-19 02:00 AM

اقتباس:

المشاركة الأصلية كتبت بواسطة جريح الفرقا (المشاركة 1460857)
صح لسانك بلاعدد ابدعت

وستين الف نعم بالمادح والممدوح

صح بدنك وماعليك زود
ومشكور على مرورك الاجمل

سعد المحمدي 12-07-19 02:01 AM

اقتباس:

المشاركة الأصلية كتبت بواسطة ابوهليل (المشاركة 1460858)
الشاعر العلم سعد المحمدي

صح لساااانك ملاااااين
والنعم بالجميع

ماعليك زود يابو هليل

الحب الباقي 12-07-19 09:31 PM


صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

فهد ابن غانم 02-08-19 01:34 AM


صح الله لسانك
ولاهنت
وسلم فكرك وبنانك
دمت برعاية الله وحفظة




الساعة الآن 03:30 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi