يلله تعين الي قضى الليل ليلين=وهموم قلبه طول ليله سرتبه
من بعد ما نقلبت عليه الموازين= في بحر همه روحت وابحرتبه
قصة غرامي عبرتن للمحبين=الي تفاصيل الزمان اجهلتبه
يوم العرب في نومهم مسفهلين=وانا عيوني نومها ما اهتنتبه
الاواهني الي عن الحب سالين=وعن عالم العشاق ما فكرتبه
ماهوب مثل الي من العام للحين=هايم هوى الي خافقه روحتبه
بنتن لك الله تشغل القلب والعين=حتى الجمال اليوسفي سميتبه
استغفر الله كامله مابها شين=الاا خفوقي بالجفاء لوعتبه
غرون غلاه امبرزه بين قوسين=حتى عروق القلب حبه نشتبه
ومطوقن حبه بخظر البساتين=وبنت بقلبي بيتها وانزلتبه
وجدي عليها وجد من لاعه الدين=وربعه تخلت عنه ماتلتفتبه
ماله اعيال والا اخوانن ثريين=وفي حالتن يرثالها شيبتبه
والاله عوين وبين ناسن امعادين=هذاك يضحكبه وهاذا شمتبه
والاوجود الي وقع بين نارين=نار اليتم مع خالتن بهذلتبه
يافارج الكربه عن المستظرين=وانت الذي يوسف ليعقوب جبته
أرفعلك الكفين يامنزل السين=تفرج اعيونن في حبيبن شقتبه