محمد الربيقي

هلا يامرحبا بضيوف من رحب وقام وجاب=مواجيب الضيوف وقدم اللـي يستحقونـه
يقولون النجوم احيان تخلف حسبة الحساب=وهذا ياسعيـد فـي بلدكـم وش تسمونـه

سعيد القحم

عسى فيك البقا يا شاعرن تكفي عن الغياب=على قول المثل حنا نقول اللـي تقولونـه
يمر الوقت مالك يالبنادم في جفاه اعتـاب=حسابـه عنـد ربـي والاوادم مايعدونـه

محمد الربيقي

قبل تبدا المدارس ياسعيد ذكـر الطـلاب=ترى الطلاب كاننك نسيت الدرس ينسونه
اظنك للسوالف فالبدايه ماحسبت احساب=على قول المثل كلن زهابه وسط ماعونه

سعيد القحم

مدارسك القديمه وقفوا مـن دونهـا الكتـاب=عساكـم تعرفـون العـلـم والا لاتعرفـونـه
نصاك من البحر حوته نصاك من الطيور عقاب=وانا ماني غشيمٍ يخبـط الشجـره بحاجونـه

محمد الربيقي

حلالك عقب زكاه المزكي راح نص انصاب=ولكن عقبها ويش الحلال اللـي تزكونـه
انا ماقول غير الله يعينه عقب راسه شاب=سعيد من كثر تل العصب كد طحت سنونه

سعيد القحم

انا اعرف الفقير اللي حلاله في يده مشعاب=ليا شاف الغناوي يحترق وتحمـر عيونـه
انا ماني بشايب من على الدنيا وديع اركاب=لكن انته معك مجنون لابس ثوب مجنونـه

محمد الربيقي

الا يلي عيونك حمر ماندري وش الاسباب=اثر هذا السبب شاب الولد ماخلص ديونه