الله خلقني حر من ضمن الاحرار
*عتيق ياجعلك عتيقن من النار*
*للتف ساق بساق يوم القيامه* *حضوري الليله محبه ومقدار* *وملبي الدعوه كفيت الملامه* *دعاني محمد ولا عنه معذار* *ابو تميم الله يرفع مقامه* *الوافيه عندي لها تاج وشعار* *بالشرق والا في سواحل تهامه* *والناقصه وزعة قصيرين الانظار* *ماني بها ملزوم ومع السلامه* *الله خلقني حر من ضمن الاحرار* *سمعت ياسلمان مدري سلامه* *الشعر لشعار غايه ومضمار* *وماكل من غناه حقق مرامه* *شاعر على صوت المزامير والطار* *يرقص ويومي في جناح العمامه* *وان قيل يومك لاتوخر وتحتار* *قامت تراقل بالمواقف عظامه* *وشاعر ليا شانت وعمين الابصار* *مفراص ماص ويلتفت في حزامه* *فاصل وواصل في حديثات الاصدار* *شرد عليهن للجزاله علامه* *في حفل من تثني ورى عكش الاوبار* *في يوم يشدا يوم حرب الرغامه* *ابناء الزغيبي لامكر كل مكار* *محزم ضفر ورجال طيب وزعامه* *اهل البيوت اللي لها ضل وستار* *وللضيف والجيران فيها كرامه* *وقصيرهم محشوم من كل الاقطار* *يزود مع زود الزمان احترامه* *مامال غصن الورد من طيب الاثمار* *صلو على المختار بازكى سلامه* |
صح لسانك ياسعد المحمدي عليه الصلاة والسلام الله يعطيك العافية. |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لساااانك يابوتركي
دايم جزل بالقول والفعل بيض الله وجهك |
صحت ابدانكم الجميع
|
سعد المحمدي
صح لسانك مدد بلا عدد مليون صح كلك لا والله ملايين ولا يكفون درة جديده تضاف لمجموعة درر سعد المحمدي لك ودي واحترامي |
اقتباس:
شهاده اعتز فيها |
السلام عليكم ورحمة الله وبركاته سلمت ودمت أخوي الشاعر سعد المحمدي على القصيدة . . . جزله ورائعه وصح لسانك أخوك ابوساره |
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 02:21 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir