ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   الله خلقني حر من ضمن الاحرار (http://www.m-harb.net/vb/showthread.php?t=155927)

سعد المحمدي 23-11-18 12:45 PM

الله خلقني حر من ضمن الاحرار
 
*عتيق ياجعلك عتيقن من النار*

*للتف ساق بساق يوم القيامه*

*حضوري الليله محبه ومقدار*

*وملبي الدعوه كفيت الملامه*

*دعاني محمد ولا عنه معذار*

*ابو تميم الله يرفع مقامه*

*الوافيه عندي لها تاج وشعار*

*بالشرق والا في سواحل تهامه*

*والناقصه وزعة قصيرين الانظار*

*ماني بها ملزوم ومع السلامه*

*الله خلقني حر من ضمن الاحرار*

*سمعت ياسلمان مدري سلامه*

*الشعر لشعار غايه ومضمار*

*وماكل من غناه حقق مرامه*

*شاعر على صوت المزامير والطار*

*يرقص ويومي في جناح العمامه*

*وان قيل يومك لاتوخر وتحتار*

*قامت تراقل بالمواقف عظامه*

*وشاعر ليا شانت وعمين الابصار*

*مفراص ماص ويلتفت في حزامه*

*فاصل وواصل في حديثات الاصدار*

*شرد عليهن للجزاله علامه*

*في حفل من تثني ورى عكش الاوبار*

*في يوم يشدا يوم حرب الرغامه*

*ابناء الزغيبي لامكر كل مكار*

*محزم ضفر ورجال طيب وزعامه*

*اهل البيوت اللي لها ضل وستار*

*وللضيف والجيران فيها كرامه*

*وقصيرهم محشوم من كل الاقطار*

*يزود مع زود الزمان احترامه*

*مامال غصن الورد من طيب الاثمار*

*صلو على المختار بازكى سلامه*

شموخ السلاطين 25-11-18 08:59 PM

صح لسانك ياسعد المحمدي
عليه الصلاة والسلام
الله يعطيك العافية.

الحب الباقي 26-11-18 08:55 PM


صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ابوهليل 28-11-18 02:32 PM

صح لساااانك يابوتركي

دايم جزل بالقول والفعل بيض الله وجهك

سعد المحمدي 29-11-18 01:17 AM

صحت ابدانكم الجميع

سحر المساء 04-12-18 05:44 PM

سعد المحمدي
صح لسانك مدد بلا عدد
مليون صح كلك لا والله ملايين ولا يكفون
درة جديده تضاف لمجموعة درر سعد المحمدي

لك ودي واحترامي

سعد المحمدي 08-12-18 12:20 AM

اقتباس:

المشاركة الأصلية كتبت بواسطة سحر المساء (المشاركة 1459494)
سعد المحمدي
صح لسانك مدد بلا عدد
مليون صح كلك لا والله ملايين ولا يكفون
درة جديده تضاف لمجموعة درر سعد المحمدي

لك ودي واحترامي

سحر المساء

شهاده اعتز فيها

الحميدي الحربي 14-12-18 02:22 PM

السلام عليكم ورحمة الله وبركاته
سلمت ودمت أخوي الشاعر سعد المحمدي على القصيدة .
.
.
جزله ورائعه وصح لسانك
أخوك ابوساره

فهد ابن غانم 14-12-18 02:22 PM


صح الله لسانك
ولاهنت
وسلم فكرك وبنانك
دمت برعاية الله وحفظة




الساعة الآن 02:21 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi