|
عن العوج واللي يحب العواجه
يكفيك عن سرد السوالف غيابي البارحه واليوم هرج وعجاجه واصبح على روس النوازي ضبابي مرحوم ياللي في نهار المواجه مايعطي العدوان مقرن علابي جاني بعتمة ليل يوضي سراجه ينشد وعلمته دواعي عتابي ولي قال وصل العلم عنق الزجاجه وقفى حزين وجرح وقتي سطابي بعده ماليه بالمساكين حاجه يكفي طموح النفس حضرة جنابي عدو جدك لو ضحك لك حجاجه لابد مايرميك رمية صوابي ترا كلام الترمذي يابن ماجه صحيح لو مافيه نزل كتابي صدقت ماصدقت ماهي لجاجه القاف ياللي تفهم العلم شابي |
ياهل الحمر جتكم من الحمر عشرين
اتلاد ماهن للمزاين شرايا مدهالهن في وادي الحمض ويمين ماصفقوهن بالتليع الشوايا حمر الحجاز ومادخلهن ملاوين عن غيرهن ماجود عدة مزايا قبل الدداسن والغرف والصوالين وقدام تخضع للامام السرايا وحنا نصادم شاربين الغلاوين من دونهن فوق النضا والسبايا لنا بواد الحمض ماضي وهالحين امجاد سد امجاد ماهي حجايا الواو غناله من الشعر بيتين من ضمن ماقاله حميد السجايا لحقو هل البل بمهات النياشين وعلط الرقاب مقربات المنايا وعنها عزلونا يوم جونا مغيرين لولا جناب الضلع رحنا ضحايا فواز يانسل الخوال العزيزين اسمن تعلق بالرجال الدهايا نطلب لك التوفيق وانته حمر عين مانته من اللي ينزوي بالزوايا ان اقبلت باذن الولي تقضي الدين وان عاكست راحت كنوز وبنايا المال فاني والمخاليق فانين والطيب يبقى لين نجمع عرايا |
عامين ماوقعت يابو سعد بالمطار
ماغير صفق الهوا بطراف جنحانها الله واعلم تحول بعد مده قطار مدري سفينه بميناها وقبطانها بعض الرسايل عليها يارفيقي غبار عسى ابراهيم يفهمها بعنوانها البيت الابيض يحاول منك يصدر قرار مايدري ان القصيده تعرف اوزانها ان جاك عطه الرساله من سعد بختصار طيبه مانجهل معالمها وسكانها جنده من العام تسعى للفتن والدمار لو بندقي حام فوق الراس غربانها لاشفت بعض الاوادم من ثبار بثبار صديت شيمت عرب ماطق بيبانها ممشاي سيده ماحب الفلفه بالمسار ياتابع الهون جاتك تسحب عنانها العام من حطها بين النحر والزرار لو قلت تكفى رميت الزير من شانها |
*مات الامير وقهوجيه بعد مات*
*وقف عنه صنف النفاق وتورط* *ماعاد يلقى بالصحن مثل مافات* *في برطمه من ضيقت البال عرط* *فات الاوان ومابقى له علاقات* *اللي من اول بالامور ايتشرط* *انا قريت اسرار بعض الملافات* *زارط لحم جزار مدري مزرط* *ياحي يامحسوب من ضمن الاموات* *بالطيب لحساب الردى لاتفرط* |
رمالك الجزار عظم الذبيحه
ونبحت يالنباح والعظم مسموم شواش للمترديه والنطيحه والطيبه مايرومها كل مذموم يقال ذل النفس عيب وفضيحه وفي عزها ترقب على راس مزموم البارحه مابين قومه وطيحه عبادي الجوهر رقص لام كلثوم ثم اشرت له بالكفوف الجريحه وغنى لها موال لومن على لوم ياعل ماله بين الاجود ليحه الصايم اللي صام وافطر على ثوم شريحتن ياشينها من شريحه على قلوب اهل الوفى تقل جاثوم |
يقولون ثارت قنبله بالبيوت الطين
وانا اقول ويش السالفه يامثورها لو العلم يوم العلم تشهد له الحزبين مالومك عصاك ام السلامات تشقرها لاتزعل وعلمك بحياة الشريف حسين علومن تحاول طمسها وانت خابرها ماسريت يوم مزارق الشلف يالمسكين وانا قلت تملا بالجنايز مقابرها سكتنا حيا عامين وشكل من العامين ياكثر الخطايا طمرت حصان نطمرها فلسطين تبكي بالشدايد صلاح الدين وتبكي على مثله عسى الله يصبرها شحاحيد عام الفين يامال فرقا العين قريبه هقاويها وساعن مناخرها تبيها مدايح من بحرنا ليا البحرين وانا اقول ماعرقة مراجل صوابرها سلامي على ثله من الميت والحيين سلامن يمر اهل الحسد مايعبرعا يامسك الختام وكلمتن وقتها بعدين نجاسة قلوب اهل الحسد من يطهرها |
شرهنا وشرهتنا كبيره ومحسوبه
ياليتك لها ثمنت ياراعي المضمار قبل مايشوه سمعتي نافخ اذروبه لسانه طويل وبالمواجه يديه اقصار تصفق له الحساد والروس مضروبه من اللي عليهن لالهله وسم وسرار بعد ماقفن ماياقفه كل زاروبه مايقدر عليه الخايف الحاسد المكار تعدوالي اللي ينوخذ بالخلا ثوبه خذ العلم يالنشاد من موجز الاخبار |
البل مزاينها ليا جوك خطار
وحلبت خلفتها لهم حين يلفون هاذي بها شماله وهاذي بها اصرار حاسب حساب اللي عليها يمرون مايلتوي وجهك وتبدا بالاعذار قدام شمطان الحا مايروحون ياطيبها لاجوك من كل الاقطار واقريتهم من درها قبل يمشون هذا مزاينها وتحطيم الاسعار عندي وكلن حسب عرفه يقولون ياعل تخلي مرح عمسين الاشوار منها مدام لضيفها مايحلبون غنيت من واقع لمسته وتذكار ابيات فيها بعد نظره ومضمون يجيلها جاهل جهل بعض الاسرار ويحط للعميا جناحين وعيون اما يقول اتخص عامر وعمار والا تقلدها على مايقولون |
كنها باالود ودي ياسعد ماتغادر
ولاتقفي ياعسى يفداك خطو الهابي انت شاعرمعتبر على المهمه قادر مانت حياالله شويعر ياالشموخ النابي متعب رهق العنزي 0000000000000000000000000000000 الموده بالقلوب وحبكم يالنادر ياولد وايل فداك اللي ماغير ايبابي نوب يشعبها سنود ونوب اشوفه حادر مع شعيبن مايميز حيته والدابي سعد المحمدي |
منك الردى ماستغربه لاترديت
استغربه لاقيل لي ماتردا بالضيف والجيران ماعمر حييت وكرامتك بطنك عليها مبدا لاخطيت في حقي وشفتك تماديت حطيت لك يبارد الوجه حدا انا وريث مطوعين الطواغيت ولا انت مانته ياسحم الخشم ندا والله ماودي بها تاصل الميت ليتك قفلت الباب لين اتعدا لك جد عرقوبه تقل داهنه زيت ماله بعد اجداد الاحرار عدا من كثر ماتخطي على الحي والميت لقيت مالك بين ربعك مودا |
مرحبا باسم المهارا عند خالي
مثل ريح العود الاصلي من مغنه بالحضور احلا حلا من كل حالي التحايا والموده يردفنه من هجوس اللي ليا جاله مجالي البيوت النادره مايعسرنه لاجهلو عرفه مساكين الرجالي المواقف بالشدايد يعرفنه زيد مدري ياولد زيد الهلالي احرق المحماس لين يجود بنه وصب لي فنجال من صفر الدلالي شق شاعر ماجهل قدره وقنه وعده اللي مايحلون الشكالي وفي ميادين العوافي قوم عنه بعد مات العود شيال الثقالي الله انه يرحمه ويبيح منه لي ماورث جنيه ولا ريالي ورث اللي لرخو حبال الاعنه من ينوشه حدها صابه هبالي كان ماودوه قبار المجنه ياذلولي قدمك الميدان خالي درهمي مابين فرض وبين سنه ماعليك من اليسار الا هلالي وشاهدن كثر الوسايم مامحنه ورديني عد هداج الزلالي منهلن مايغور جمه كل كنه كل ماهبت ذعاذيع الشمالي فيه موضوع الجباير ماجبرنه ان تركته مكسبه من راس مالي وان وسمته صار للجوال رنه فيه مرضى راي لباس العقالي غير راي مروض العاصي وجنه قاله اللي مامشى درب الخمالي التجارب والمواقف درسنه دون حقه بالمخاطر مايبالي كان زير الحرب جاله من يدنه افهم افهم يالبعيد ويالموالي الرساله دون يالنشاد غنه جيت يافواز ماجيتك لحالي جيت باللي مابها يالخال منه عيطموسن سعرهابالسوق غالي من عصر بالراس الاصوك مستسنه |
عساك لسيل يالعفره ووادي ملل
لو المشاحي عن الديره نحت بي شمال مريتها العام بالشلفاوكلي زعل ومريتها اليوم في ثوب الرضى والعقال قالت زياره غريبه ماانت راعي وصل ماشفتك الا على قبا نهار القتال قلت الحضور المشرف في نهار الجلل اخير وابرك من اللي غير روح وتعال ميراسمعيني تراني بالسوالف عجل ماني على حد راضه والليالي طوال ياعل نجم التويبع بعد كوكب زحل يطلع مايحجب طلوعه مدلهم الخيال البدو تبغى الربيع وماتحب المحل من جرب الشمس بالكنه رضا بالضلال يابرج الارسال خلك بالقمر متصل وحجب قناوات بث اهل الفتن والظلال لو قالت الناس مالك بالقوافل جمل بعد النظر يختلف مثل اختلاف الرجال لي عملتن بالمصارف ماتعود هلل صعبه وانا صعب لامتست جميع الحبال |
اللي يشيب عارضه ماذبحها
ماهو بذابحها بعد عارضه شاب ماعمر عن دم الذبيحه مسحها لو حدها مسنون والشكل جذاب صوب الوليمه درب رجله برحها واليا ملا بطنه عن الازمه غاب وده جميع الناس يقتل فرحها عقرب ثرى واكبر منافق وكذاب |
يا هل الدواء شوفوا لنا طب وحلول
صداع راس المحترم وش علاجه من كثر ماهو مرثعن فالبنادول يزعل ويتضايق من ادنات حاجه سالم العرم @@@@@@@@@@@ دواك ياسالم تيامن عن الضول اللي لهم خلف المقفي عجاجه سجت خلا لو كنت ضايق ومعلول علاج من وقته معكر مزاجه سعد المحمدي |
يابن عم الاجنبي وانت ابن عمي
ابشر اني عنك نفسي غناويه ان قطعتك لاانت شريان من دمي البصير ايلومني والعماويه وان تركتك وجهوك العرب يمي جندوك اهل الحسد والخطاويه بالمواقف مانت ندي ولا همي عنك اجنب ماضي الوقت ماويه ماني اللي حسبت البكم والصمي كلمتي تسمع ونظره سماويه ان زعلت احطكم في طرف كمي ياوجيه من الرجوله سناويه ان بغيت اكشف غطا القدر وسمي جبت الاسماء كامله يالرغاويه |
ان كان نفسك سيل شكك جرفها
واصبحت لاراضي ولانته بزعلان كل الخطوط معبده وتعرفها اللي تبي مايمنعك عنه من كان بعض العقول الله يعجل خرفها من شان مايلعبها كل شيطان النفس يبقى عزها من شرفها واللي يطمنها مذله وحقران يموت ماعاش الحياه وترفها لو عاش مية عام خايب وخسران الصيرفي لو كل عمله صرفها اكيد تلقاها بالاسواق مجان عنها لاينشدني فتى ماعرفها ويقول ويش السالفه يابن دومان توجد مفاتيح الخريطه طرفها حل الرموز ويتضح كل عنوان وجه شمال البوصله لاتحرفها اطرح عدد وجمع عدد دون نقصان |
لقيت بعليان عدة مزايا
شيخ وكريم وطيب راس وعقيده وحجاج يضحك ملتوا بالزوايا عن الضيوف اللي خطاهم بعيده في مجلس الطيب وسيع النحايا فنجال والم والنوايا حميده وصحون من خيرات ربي ملايا وسوالفن بين النشاما مفيده مدحي لبو مهدي حميد السجايا على فعل ماهو مجرد قصيده جاري ونعم الجار ماهي حكايا شايب حشيم وبالمواقف وليده ربعه هل الردات فوق السبايا بني عطيه طيب فعل وبديده اهل كرم ورجال دين ودهايا وعون الرفيق ان قصر الوقت قيده فزعاتهم تروي كبودن ضمايا وهداتهم كم راس تقطع وريده عسى مراتع ذودهم والقرايا مع ناشين برقه نخيله وعيده لاقبل بذن علام كل الخفايا يهل ودانه ويضفي مديده الصبح لاكل الخباري ملايا والضلع يكثر للقوانيص صيده ختامها مني سلام وتحايا ماغرد العصفور فوق الجريده |
يابن معلا كان ربي كتبها
نبغى نربع يابعيد المشاحي سحابة الليله وطانا هدبها من خط بجده لين تصل المراحي الخير مقبل والعشاير طربها ترعى الحيا مع كل فجن براحي في ضف مثلك كل جزله كسبها دمث الجناب وفيه صدق ونصاحي غالب عسى يمناه تسلم عطبها هواه يتبع كل شقحا طفاحي ترى بعيد الدار حامض عنبها لو ربعت ماضن فيها صلاحي للي ظروفه كل يوم ايحسبها ان راح زادت وان جلس مستراحي |
هلا بالظروف اللي بها للبيب دروس
تعلمك شي ٍ ماتعرفه قبل مايصير هلا ياهلا لو وقعها مثل حد الموس دروس التجارب عن دروس المعلم غير يقولون دوس الراي وقت الشدايد دوس قبل مايداس ويصبح الماس من قصدير وانا اقول من واقع بهذا الزمن ملموس مايدري عن ابعاده مهايط ونافخ كير ياهون الردى يامصعب الطيب والناموس خلاصة تجارب من حياتي بها تقرير يالليل الدجى تكفيني النار والفانوس لاما نور صبحي ينسفك نسف ابو جنزير لاحسيت من دنيا الشقى والتعب حاسوس نصيت الجبال الشاهقه مثل ضلع النير ولعبت المروبع والهجيني مع المنكوس على قمتن مايرودها غير ذيب وطير |
البارحه جتني على هجعت الناس
متعريها من راسها لاقدمها نايم وصحتني تبي ستر ولباس ياكبر شرهتها وياصدق فمها قالت دخيلك بعد قطاع الارماس يتيمة الابوين موته صدمها وعطيتها كلمه من الراس لراس كلمه تخفف روعها وتخدمها وعزيتها وهديتها سيف جساس ورزة على راس المصيقر علمها باقي على الخزنه لاتبكين حراس مثلك عسى يابنت مبكي عدمها مباني الاجواد ساسن على ساس صلف الهوا لو مرها ماهدمها افة جذوعك يالشجر راعي الفاس عبارتن ماكل واحد فهمها يامدور الاخبار بكره على واس مراسل الاحداث قرب قلمها عن كنة الجوزا تريح على هاس لو ذقتها ماظن تطعم طعمها |
مع الدايري ياليتني عنك ياهداج
تعديت قبل اصدر العصر ضمياني طويت الرشا وقفيت وابعدت بالمنهاج قطعت الفيافي بين ريض وعجلاني على نور اشوفه في دجا اليل تقل اسراج من البعد ليه يختفي كل ماباني على حجاجي الايمن قسمته قبل ينباج دجا ليل في وصفه تقل ريش غرباني وصلته وحصلته محيا طلق احجاج قبل ياخذ علومي من الكيف قهواني نشدني وعلمته وانا في نوع احراج وقبل مانتهي قاطع كلامي وناداني راع الاوله مايلحقه راعي الميراج تصدر وفاز بكل جوله وميداني جميلك بناء في داخلي بالزمان ابراج جرى مع مجاري دم قلبي وشرياني وانا ماني اللي كل ماقيل تكفى ماج ثقيل الحمول اعرضه روس الامتاني يجيني على بعد النظر والديار اخلاج مثل من على رد المعاريف شفقاني |
ذخرت لشدات عدة رجاجيل
وكتبت عند ارقامهم لشدايد والا انت يامرسل علي المراسيل الراس حطه فوق زين الوسايد رقمك مسجل لسمر والتعاليل غيره سلمت ودمت ماله فوايد يالله ياممن على الوحي جبريل يارزاق اللي فوق خضر الجرايد اجعل لنا من نور هديك قناديل لالتف ساق بساق والحمل زايد |
سلام يامقبل من الراس لراس
مالي وراه الله يسلمك حاجه غير المواصل في زمن غير الناس ورد الجميل اللي على الراس تاجه من لا وقف مثلك والارياق يباس في يوم تاصل فيه عنق الزجاجه وقت الرخا لو يحتزم بام ترباس ماحتاج هداته ومحتاج باجه بعد ٍ عنه عندي معزه ونوماس وفيه العوض شغموم يضحك حجاجه ترى المواقف لرجاجيل مقياس وماكل جرح ٍ بالمشافي علاجه يامل قلب ٍ بداخله مثل الامواس عوب الهموم اللي تخطن سياجه لانقص مال ولا مخافه ولا باس الكرب بعده بالزمان انفراجه بلاه ياريف المشاكيل حساس ياكثر مايعكر بيومه مزاجه |
يابو مشاري كل ماجيت ابا قول
حول الحروف اللي تعذر نقطها كلام ياسلطان هادف ومعقول اختار صدق علومها عن غلطها اخاف يصدفني مع الدرب مهبول يجهل مخططها ويجهل خططها يمسي ورا جده ويصبح اسطنبول سوالفه سبحة عراقي فرطها اسمع مع الزفه مزابير وطبول واللي يعرف رباطها ماربطها لقيت بالحزبين عميان وخبول ياكثر ماسمع بالعوافي لغطها يبون دون رسوم جمرك لبهلول قصرن ٍ كبر شم الجبال ونمطها لاقلت قبله ياهل الشان ماهول نشبت بحلقه لقمتن مازرطها ازريت ياسلطان بالعمي والحول كلن حصاته فوق راسي قرطها مسموح يامقبل على شان مقبول وخبولنا بخبالها ماغبطها سعد المحمدي @@@@@@@@@@@@@ يامرحبا مامطرعلى القاع شهلول وانبت من الدار المحيله سبطها وتشابك النوار حولن بعد حول ويوم ازهرت ربي تبارك بسطها برسالة اللي ماعنه قيل مجهول شجاع يعرف كان كبرت شططها ياسعد مرسولك ماهو باي مرسول ورسالتك عيبن على من سفطها قريتها وحضرت فكري على طول وبعدتها عن مبغضن يلتقطها ومافيه شين ماله حدود وحلول واهل السقط نكباتها من سقطها والحجه اللي مالها ثار ودلول شجره على درب المسافر خبطها وانته تقول ولك مواقيف وفعول لاعودت ملح العلوم وسمطها علمن نقوله ثبت ووصوله اوصول تاقف على اولها ماهو في وسطها الناس تدري وش ورا العلم والضول لو كان تخفي سرها في شنطها سلطان عبدالله الوسيدي |
العام يامحرض علي الشواعير
هذا توصيله وهذا تجيله تعال مابيني وبينك مشاوير ارفع نظرك اتشوفني بالطويله خطه ومنية بالفشل والتقارير تسربت بين المدير وكيله لو الرفيق اللي كبر قمة النير غالي وله تقدير عند القبيله لاركي على غاربك عوج البواكير ياهن لو دمي ودمك فصيله كلام للعاقل نصيحه وتحذير قبل الزناد ينوش خشم الفتيله ماقدمكم نزهه ورقص ومزامير وخشف البنات مشطات الجديله قدامكم فارس ليا دقو الزير يقبل على غوج ٍ يروع صهيله |
(سعد عواد السحيمي)
ياشعر لاتبخل عليه بالابيات ابيات ترفعنا لنجم الثريا ابيات منظومه قويه وجزلات جزلات في مدح الرجال العليا وِلْد المحمد مدحهم خص بالذت بالذت لجل الطيب فيهم تهيا قبيلةٍ من حرب شيمه وشامات شامات في وجه الكرم والحميا انشهد ان الطيب فيهم علامات علامات في طلق الحجاج المحيا وزين القبال ومع تحايا جميلات جميلات. مافيها. نواقص رديا ومجالسٍ شرحه مداهل. كرامات كرامات كومات ٍكما الحشو زيا والعود الازرق مع شواهي ودلات دلات رسلانٍ تجيب العفيا فنجالها يجلى العمس كل الاوقات ووقات هي علاج للي عميا وسوالفٍ فيها فوايد وميزات ميزات ماخلت من الطيب شيا لو هي طويله كنها مرّ. عجلات عجلات مزنٍ تروي الارض ميا ماملهم لو يمضي الوقت ساعات ساعات والا ايام صارت سويا امن الكرم فيهم قنو حمر سمحات سمحات طبع وتروي الضيف ريا وماابغى اطوّل والخواطر طويلات طويلات والمخزون دايم مليا وبختصر واقول هيهات هيهات هيهات تلقى بالمحاميد. سيا مدحتهم واشعر بفرحه ولذات لذات لجلي من قبيله تحيا اهل الكرم والجود مع زود فزعات فزعات مشهوره ولا به غبيا واختامها مني كثير التحيات تحيات من ربعي. ودعوه هنيا تكفون. زورنا ولا فيه فكات فكات مانبغى ولا شخص عيا ويارب تجعنا على الحق فترات فترات ممدوده بليا نهيا @@@@@@@@@@@@@@@@@@ سعد المحمدي البارحه يوم انقطع ضول واصوات اصوات مابين الفجر والمسيا جتني رساله دون ذكري وباقات باقات ورد وحي راعيه حيا ليه عليها باب واسع وشوفات شوفات شاعر بعد شوح وجريا يامرحبا مامطر من الوبل زافات زافات ماقدمه وقبله غميا ترحيب مابه ياصوك الراس ثغرات ثغرات للي بين هاذي وذيا ياسعد جيتكم من العود نفحات ونفحات وردن عرق غصنه نديا الوصل له يامعرب الجد حسنات حسنات يدركها سواتك ذكيا ابشر نجيكم دون تحديد الاوقات اوقات بعض ربوعنا ماتهيا غالين يالسحمان حيين واموات اموات يذكرهم من الحي حيا رجال دنيا ودين هيبه وصملات صملات من تسرج بنات العبيا اليا اقبلن بمسطر القوم عجلات عجلات خلف اقطيهن تقل فيا مايذبحون الا مجوخ ونقوات نقوات كر وفر ماهو بشيا ماقول له عندي براهين وثبات اثبات والموضوع وقع بليا |
لاخطبت الشريفه وانت مانته شريف
قالت البنت مايوافق نسبك انسبي دونها حطو الجندي بجنب العريف رحت تركض من الفسقه وجيت اتحبي قلت لك قبل ماترجع تخثع معيف كلمة الفاهم اللي مافهمها غبي عن ثياب العرب يكفيك ثوبك نظيف صح قولي وماقلته بسد اشنبي |
الشاعر تركي المحرول الوهبي
سامع صوت النشاز اللي صدر من قبله اتمني لو تشيم واستحى وارتاحي ماتفوه باالسوالف والعلوم الخبله قبل لاينهي الحديث ويطفي المصباحي العرب من مايقول اكبودها مندبله عارفين ٍ سيرة الكبتن من الملاحي لو تعزوي باالضعيف اللي قصير حبله واحدٍ مايفرق الحنضل من التفاحي كثرو اللي هاالزمان يقرقعون الطبله ماتميز بين مجنون العرب والصاحي خلو حصان الطراد اللي بوسط اسطبله واستشاطوا مع وحيد القرن والتمساحي !!!!!!!!!!!!!!!!!!!!!!!!!!!!!!! سعد المحمدي شاقني قاف المحرول يوم ضاقت سبله من كلام بين رعيان الغنم ومتاحي غير عج الضين مع وادى طوى والعبله خلفها عشرين كلب وقدمها صياحي شاقهم برق ٍ مابل غصون شيحه وبله والموارد قدمهم وقت المقيض اشحاحي يالمحرول شايب الحزبين مثله شبله مايفيد المحزم المليان دون سلاحي كان ماني فارس عند اللقاء يحسبله استرحت ومالبست اوشاح غير وشاحي العرب تال الزمن يابن وهب منهبله جنبو هاك العدود وردو الضحضاحي |
ترى الغرور ومدح مثلك لشرواك
نتايجه عند الحقايق وخيمه تفكر انك ماش مثلك وحلياك عن البشر مرقب على متن غيمه ونسيت يوم العام خصمك توطاك ذبيت ياشردان عنه الخريمه بالصدق حدك يالرغاوي ورغاك بعد التغطرس طحت هيبه وقيمه وفزعت لك يوم ارتخاء سير علباك وحسمتها بالفوز بعد الهزيمه واليوم شيطانك رقص لك وغواك ووجهة لي شرهه بثوب الشتيمه تبغى تمشي فيض غيضك وعوجاك وانا عرفت الذاهبه بالوسيمه من دون داعي جيت تلهث من اقصاك اتفكر اني صيد سهل وغنيمه وانا سلاحي سم هاري وفتاك ارتاح ابن دومان مانته خصيمه بينك وبينه فرق عود على انثاك وحمارك اللي فيه سجل قسيمه تبغى صحيح القول حقك وماجاك مسجله باسمه بحقك جريمه ان كان عندك بعد نظره مع ادراك لاتقوم تشعب بالمشاعيب ريمه اللعن ابليس ولا تظلي بعمياك عن الخطا بالنفس حط الشكيمه تبغى الكلام اللي يخصك وينصاك كلام لابان الغريم لغريمه لاخايفن رمحك والا خفت شلفاك ماخاف غير الله ورجي نعيمه |
نشمي المحمدي
ابنشد العراف واللي لهم شان واخص ابن دومان عنتر زمانه شاعر ويفهم بالمعاني والالحان ماهو غشيم يردد الاسطوانه وانا تراني تالي الوقت بلشان باللي على ربعه مطول لسانه وقت السعة وسط المجالس كحيلان وان جاء نهار الفعل غير مكانه ماقدمه الا مخزيت كل شيطان اعطيه لين انه يكب اللعانه وهذي علومي كلها يابن دومان احتاج رايك يارفيع المكانه ؟؟؟؟؟؟؟؟؟؟؟؟؟؟؟؟؟؟؟؟؟ سعد المحمدي الراي يانشمي فتيله وصوان اعطيك مضمونه وشانك وشانه اضرب على الكايد ليا صرت بحلان بيت الرشيد اللي سمعنا بيانه راس ٍ تقصه من على حد الامتان ماعاد يسرج للمغازي حصانه ويستادب اللي حط الاقراب عدوان عداوته من حسد مدري عفانه ابعد عن اللي كيدهم كيد نسوان ومن يعترض تكفي به الخيزرانه |
الساعة الآن 08:57 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir