ابوسالم الرحال=
عبر المحطات والأقمار=من ساحل الشرق ياصلك
سلام شاذى عبير ازهار=من ود فالقلب مرسلك
غازي السريحي=
بعداد ماهلت الامطار= يامرحبا فيك بين اهلك
في ملتقى حرب للشعار= نعتز بمشاركة مثلك
ابوسالم الرحال=
اعرفك كملى صقر هودار=تمشى على النايره كملك
ويشهد معى عابد البحار=على اصل معدنك واصلك
غازي السريحي=
غالي ولك عندنا مقدار = الطيب موجود في فعلك
شهادتي من رجال اخيار = اعدّها اعز ما املك
ابوسالم الرحال=
عليك مااخبى الأسرار=قلبى مسى وصبح يطلب لك
من ربنا الواحد الجبار=الصبر والأجر يكتب لك

لو يقرح القلب من عذره=مما يشوفه وماشافه
القلب ماحد صبر صبره=كيف آتمكن من اسعافه

طــاح النــمـر فـى عـريـن اللــيـث=مـن الليـث يشـكى ومـن بـاســه
مـاشـاف فـا الـنو بـارق غـيــث=وكا س النلـك عــــند قــرناســـــــه

حرف المثل مصدره راعيه=اللى يصوغه على معناه
لاسار جزل المعانى فيه=يعجبك ساسه وجيد ابناه

أبوسالم الرحال=
سلام يا سالـم البشـري=عابر بالأقمار منـى جـاك
مع التحيـه لـك وقـدري=ما يغيب عن جانبه شرواك
سالم البشري=
حرف الوفا جالنا مقري=يامرحبا ياهـلا حيـاك
وسالم لأهل الوفا يشري=يغنم بشرواك وملاقـاك
أبوسالم الرحال=
عذب النبا يشرح الصدري=وانته عليه الوفى ممشـاك
عندى حقيقه عنـه وادري=من الشام جابك تحث اخطاك
سالم البشري=
ياشاعر القيل لك قصري=طيبك رقابه هنا وهنـاك
والآن نبغى المثل يجري=حرفه وسالم على يمناك
أبوسالم الرحال=
يامن بكم ماختلف خبـري=دكتور والطـب مايخفـاك
مل الصبر من كثر صبري=وانا وجرح الأسا فعـراك
سالم البشري=
إن كان تبغى الدوا يبري=ويساعد الصبر في بلواك
عجل وهات السبب بدري=حتى دوانـا يوافـق داك
أبو سالم الرحال=
أسباب منها سبب غدري=اللى أتانى مـن النمـاك
خلا جروح الأسا تسري=بين الهواجيس والضناك
سالم البشري =
لاتترك الظن يستشـري=ولا يصيب الهدف مرماك
استثمرالعقـل والفكـري=مادمت عارف هذاك وذاك
أبو سالم الرحال=
مااخطيت صوب الهدف عمري=وبالعقل خيك علـى هقـواك
لاتكبنـى فحيرتـه أمــري=ويفرح عدوى عليـه اعـداك
سالم البشري =
لوتشرب العلقم الصِبري=استطعمه عن حلا عنّاك
اعزم وخابرك ماتزري=الله يحقق أمـل دنيـاك

سلم على الربع ياحمدان=وبلغهم ازكى تحياتى
اللى بهم ملتقانا زان=ومعهم قضيت اجمل اوقاتى
لو كنت فى شرقى الأوطان=وبعد المدى والمسافاتى
الشوق والود للااخوان=ما غاب ذاته عنه ذاتى

اغلى التراحيب ياشيهان = تصاغ باجمل عباراتي
مني وعن باقي الشجعان = اهل الوفا والمرواتي
في قلوبنا لك محل وشان = وندونه فالسجلاتي
يبقى ولوطالت الازمان = فاليوم والمقبل الاتي

سالم البشري=
عندى لكم حرف بابدابـــه=ياسادة القيل وافتونى
ولاشك فى حضرة اربابه=ابلتقى مــن يفيدونى
الشاعر أحمد الدبيش و أبوسالم الرحال=
لاشرع القيل ابوابـــــه=وبان الذى منك مكنونى
نفتيك من طالع خطابه=فى حكم وافى ومضمونى

سالم البشري=
هذ الذى حسب حسابه=ياعدود فالقيل تروونى
قلبى شكا لوعة غيابه=اللى تقافا عن عيونى
أبوسالم الرحال=
يمكن سبب عنك انحابه=والاله وشـــــــــاه يوشونى
ان كان ودك متصخابه=شوف السبب وين مايكونى
سالم البشري=
ودي ذهب جوف دولابه=مايصدق اللي يقولوني
والخوف الاخصام تغدابه=مع السفاره ويعضوني

ابوسالم الرحال=
من كان عقله تقدابه=يرسى على شط مأمونى
ما يخاف من حرب حرابه=مادامه الود مصيونى
سالم البشرى=
ظروف الايام غلابه=وشوق المحبين مجنوني
كيف اطوي البعد واهنابه=واقنّع اللي يحووموني

ابوسالم الرحال=
ياحرف تبعث لك حروفى=سلام مثل العسل صافيه
من ود مكنون فى جوفى=صغته بشوقى على قافيه
حرف=
يامرحبا ليتها توفي=والود بالشوق لك نبديه
معاك ماتّجمل وصوفي=والطّيب اهل الوفا تغليه
ابوسالم الرحال=
مايوم فيك اختلف عرفى=وعذب النبا منك متحريه
يامن معاك المثل يشفى=ابغى معاك انتقى حاليه
حرف=
بمقابلك يفتخر حرفي=وهذا الذي كنت متمنيه
بين لنا بعض ماتخفي=ولابان ناخذ ونعطي فيه
ابوسالم الرحال=
عزيز دمعه ذرف طرفى=على الغرام الذى يبكيه
أناظره واصفق بكفى=وااعزى الطرف واواسيه
حرف=
صرفك وصل واستمع صرفي=فالواقع اللي لنا تشكيه
مااظن كثر البكا يكفي=ابحث سببها قبل تنعيه
ابوسالم الرحال=
البحث مانى عنه مقفى=زمان ياصاح متقفيه
عيا يجى قود ويصفى=ويسير باللى انا باغيه
حرف=
مريض مااظن متوفي=غرامك اللي زعل ماضيه
لا تقول عيا ولاتنفي=لأن بعض الدوا يحييه
ابوسالم الرحال=
شاكر لك الذوق واللطفى=وشرواك لعلنى مبكيه
ابغى اتصبر على ولفى=ودرب الوفى للغرام امشيه
حرف=
مادمت بالصبر مستكفي=الان خذ فالمثل توجيه
الحال واضح ماهو مخفي=والحي له عقل ويقديه
نوفي ياعايش ونستوفي=لابد نشرف على واديه
عن سيئه لازم نقّفي=ونقبل على طيبه ونجيه