|
سيف حرب ( راشد السحيمي ) * ( بخيت السناني ) محاورة قوية
بخيت
مراية الأيام غشتني بتغيير المقاس تصغر كبار العرب وتكبر صغار العرب احدا من أول كنت احسب انه ذهب واصبح نحاس واحدا من أول كنت أحسب انه نحاس واصبح ذهب راشد ماهو غريب تشوف ناس مسترة بثياب ناس لكن ماتقدر تفتش بالثياب بلا سبب ان طعت شورى حط راسك مع مئة مليون راس حط الخشب فوق الحديد بنار ويضيع الخشب بخيت حنا بلشنا بالمظاهر والبلا تحت اللباس دنياك ماضيها عجيب وياقي الدنيا عجب أيامنا فيها وفيها لاذعاَ كهرب وماس واهيلتي منها تذل الراس وتعز الذنب راشد مهما يكون الجدر مايمكن يقوم بدون ساس والساس يبغى هندسة والجدر يبغى له تعب أيامنا حتى الكلام العايدي فيه اغتلاس عندك خبر في قصة اللي قال حامض ياعنب بخيت كم واحدن يتعب على الساس وتحت الساس باس والباس تبديه الليال السود واليوم الصعب الناس داخلها بلا غير التثاوب والعطاس مدري متى تمطر مزون الصيف ويطيب الجرب راشد كافح لكن اهم شي مكافحة من دون ياس واللي تقصر فيه دقن الرجل يوفيه الشنب اصحى يعديك الغضب ولا يعديك الحماس مايشتمون الطيبين الا قليلين الأدب بخيت راع الشداد وراعي المشلح يريس ولا يراس خل الوصاة لمن تلبس له عباة بلا قصب سبحان من يعلم دبيب النمل باليل الدماس هذي حقيقة يالسحيمي لا حماس ولا غضب راشد لا والله الا صاحبي مستخدم الخمس الحواس يحق له لكن لاعب مايخرب منتخب يمكن تدور أيامنا ويصير بالوضع انعكاس ان دار وان مادار تبي يايدين أبو لهب |
ياسلام
محاووووره قوية فــعــــــــلآ صحت السنتهم وباااااااارك فيك ياسليم |
محاوره قويه
صح لسااان الشاااعرين وبيض الله وجهك على النقل |
|
محاوره من الوزن الثقيل ممتازه ولايوفيها التعبير حقها صح لسان سيفنا الشاعر الكبير راشد السحيمي الحربي وزميله الشاعر الكبير بخيت السناني على هذه المحاوره القمه ولك مني جزيل الشكر ياعزيزي على هذا الاختيار الجزل والنقل وسلمت يمينك ياغالي
|
صح لسان سيف حرب الشاعر الكبير / راشد السحيمي
والشاعر/ بخيت السناني والله يعطيك العافيه ياسليم على النقل |
الله اكبر على قوة المعاني و الفتل و النقض من الشاعرين و مشكور و بيض الله وجهك على النقل اخوي/ اللقماني و عاداتك ماتجيب إلا الطيب و الجزل
|
صح لسانك يابووو رامي
كفيت ووفيت مبدع كالعاده لا جديد اسم ارتبط ب الابداااع تحياااااااتي |
اشكر الجميع على المرور
بارك الله فيكم |
ابداااااااااااااااااااااااااااااااااااااااااع
يعطك العافية |
الساعة الآن 01:10 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir