ياحرب ياربعي عليكم سلامي =أنتم هلي أنتم لراسي عصابه
يلي لكم تاريخ بالمجد سامي =أعـزي الأقصـين قبـل القـرابـه
مبــروك راح ولايفيد الكـلامي =ولاعـاد تنفـعنا حــروف الكـتابـه
الإ مـن أول للمواقيف حامي =في ساحة الشـعار كـلن يـهابه
سيفاً لنا في حرب ولاسلامي =ودايم على الطالات يشعم ركابه
الله يرحم سيف حرب الحسامي =والله يرحــم مـن يشـرف شـبابه
واليوم راح ولاتفيد الأسامي =لوكـان مثـله في البلد ليـث غـابه
الله يبيحه كل يوماً وعامي =ويسامحه ربي ويحسن ثــــوابه
وجعله الجنه ياربي مقامي =ومنزله مابين النبيين والصحــابه
وختامها صلي يسامع كلامي =علـى النبـي الإ لـنا الحــق جــابه