ملتقى قبيلة حرب الرسمي - محاوره بين الشاعرين راشد السحيمي ونامي السلمي

ابتدت ساعة الموال ياهل كليه =افزعولي بصف وخلو الوضع ليه
مستحيل ان نامي ذاك يضحك عليه=شوف كيف الهوى يلعب براس الهواوي
قالولي ان الخصم نامي قلت مقطوع(ن)نماه=هذه جراد(ن)لو تكاثر فالدير يسنيبها
ترى حياة(ن)ماتعز اصحابها ماهي حياه=وسليم مانذكر خطاياها وننسا طيبها
ابتدت ساعة الموال والنار شبت =والسحيمي هذا مطنوخ ويديه تبت
كم ناس(ن)تعاندنا وفالحال ذبت=شوف كيف الهوى يلعب براس الهواوي
قالولي ان الخصم راشد قلت طيب ماعلاه=جهزت له حمله على وسق الظهر يسريبها
اللي يمد الطيب ياهل الطيب يستاهل جزاه=واشيب عين اللي يجيب المخطيه واشيبها
الولد ياجماعة قام يلوي علومه=جالنا من ديار سليم نافخ خشومه
تبت يدين من لايحتمي في لزومه=-------------------------------
ان كان عندك حملة(ن)خلك شديد الانتباه= اللي تروح خلها واللي تحصل جيبها
ياسليم صفيتوا ولكن ماستويتوا للصلاه=اموركم تال الليالي مختلف ترتيبها
ماج موج البحر والبحر موجه تلاطم=والسحيمي تقال انه كبير البراطم
شفته العام في سوق الفجل والطماطم=------------------------------------
ياليت راشد ياجماعة خير ينظر في خطاه=والايروح إلشجرة الزقوم ويصليبها
الناس قالو حوتت البحر الحمر في بطن شاه =هذه حقيقة في زمان العولمة تبديبها
الغليم تعدا ياجماعه حدوده=معتبرني بوسط السوق اسوقه واقوده
ويش ابي فالطماطم والطماطم خدوده=---------------------------------
ان كان مايعجبك هذا طق راسك في حصاه=ياللي تذكر عيب خلق الله وتنسى عيبها
يانامي انته كنت جاهل تاكل التمر بنواه=تدريبها واحيان تاكلها ولاتدريبها
يالسحيمي توقع لاتجر السبايب=ثم ربعك تسوي فوق قبرك نصايب
الله اكبر عليك اثرك شايب وعايب=-----------------------------------
راشد ترا ماهو بساري لين نلعن له ثواه=والهينه تقعد بصدره لايعلمنيبها
يالربع ابا لقمه جمر النار ويشيله معاه=المشكله راشد يدورها وهو محريبها
خابر الشعر روح وانتهى قبل مده=راحو اهل الردوف وراحو اهل الاشده
مابقي فالوجود الا صعاليك جده=-------------------------------
---------------------------------------=هذاجويهل نوب يخطيها ونوب يصيبها
الله ياكثر العالم اللي يستحقون الذكاه=ان كان ماتبغا المشاكل يدك لاتوميبها
عد هداج يروي ياعرب كل ضامي=وأعلم ان الكلام الصدق منطوق نامي
وانت مدري علامك يالبعير التهامي=-----------------------------------
دشيت حبك يالسحيمي وانطحن تحت الرحاه=والبندق اللي ماتصيب الشاح مانرميبها