ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   عاشو قبيلة حرب عن غيرها تـزود iii بالمعجـزات عيـال حـرب الاوايـل (http://www.m-harb.net/vb/showthread.php?t=62902)

داله العوفي 12-03-10 03:40 PM

عاشو قبيلة حرب عن غيرها تـزود iii بالمعجـزات عيـال حـرب الاوايـل
 
أخواني في ملتقى حرب
السلام عليكم ورحمة الله وبركاته:
ارجوا منكم العذر و السموح على الانقطاع عن هذا الملتقى الغالي على قلب كل حربي و سبب انقطاعي هو وجود ظروف لدي .. و بإذن الله سنتواصل معكم ..
و هذه القصيده قلتها وهي اهـداء للشيخ/ بدر بن مشعان بن موقد شيخ شمل قبائل عوف .
و كذلك إهداء لقبيلة حـرب عامه و القصيدة تعبر عن نفسها:

يابدر ابن مشعـان ياسلالـة العـود=زيزوم عوف اللـي يشيـل الثقايـل
مرجع حمايل عوف والختم موجـود=بيدين ابن موقـد عريـب السلايـل
سلايل الموقد لهـم مجـد و جهـود=نفخـر بكـم ياطيبـيـن الفعـايـل
يابـدر يـوم ايـام فاقـد و مفقـود=قبل الجزيـرة تحتفـل بأبـن وايـل
ذاك الزمان معاصرينـه لنـا جـدود=يـوم إنهـا برمـاح وأم الفتـايـل
جدك تصدى لجيـش دولـه إبـارود=ومن شمل حرب مساندينـه فصايـل
بالصح ماننسى اللي هاك اليوم معدود=جموع حرب اللـي تعـن الاصايـل
يوم الرسالة جـات والامـر مـردود=لـم الرجـال وحطهـم قـدم عايـل
نعم الرجـال منزحيـن اهـل الكـود=ستـر العـذارا ناقضـات الجدايـل
خلو شتات التـرك طايـح ومطـرود=نصن شرد والنـص الاخـر قتايـل
حتى قصد شاعر من التـرك ملهـود=اثبت هزيمة جيـش الاتـراك قايـل
ان كان ابن موقد يليـم لـه جنـود=حنا جنـود التـرك جينـا انتهايـل
والمسعد اللي ما تصـوب ومجـرود=ليت السلامـة مـع يبـاس البلايـل
على ابن موقد حرب الاتراك مشهود=لقـب محاربـة الـدول لـه دلايـل
وانتم احفاده يا أهل الطيب والجـود=وانتم وحنـا عـوف فعـل وجمايـل
وكون الهميلية على عـوف محـدود=والخصم حاكـم ذيـك الايـام حايـل
ابن رشيد اللي يقـود البشـر قـود=عـوف اكسـروه وذوقـوه النكايـل
عوف الشجاعة ما تغاضى ولاتهـود=اللي تخوضه عوف ينسى الحصايـل
يوم الحرايـب مالهـا درب مسـدود=والعاني اول عـن بريـد الرسايـل
ما كل ناوي حصل الـدرب ممهـود=قدمه رجال تهـوش ماهـي عزايـل
وهزل الكلام اللي بلا صـح مرجـود=الهـزل ينفونـه كـرام السبـايـل
لقيت لهل الطيب مبغـض وحاسـود=من شذ خاب وطاح وسـط الملايـل
ومن لا احترم نفسه تعرض لهابـود=والهبـد ردع مدوريـن الصـوايـل
وشاتم حمايل عوف ما يكسب الفـود=صعبه ينقص عوف راعـي فشايـل
لو حاول إدخل على عـوف منقـود=عوف معروفه مـن كبـار الحمايـل
عوف بكيان وساس ما هـزه النـود=ولا هـزه الحاسـد خبيـث العمايـل
مصير عوف فهـود وتقـدر فهـود=مافـي مذاهبهـم عيـاب وخثـايـل
اللي يعذرب عـوف ظالـم ومقـرود=كيـده بنحـره مـا يشـد الرحايـل
عوف عرفوا مرشي وراشي ومرشود=متجمعيـن ضعـوف مثـل العوايـل
عوف بمكارمهم تعلـو عـن السـود=راعي النوايا السـود عنهـم تمايـل
ما للعـدو فرحـه ولا يملـك زنـود=مايشبع الجيعـان شـرب السوايـل
ان عود الموضوع قاسـي ومشـدود=من عوف يصله حل عبـر الوسايـل
عوف بمحازمهم خناجـر وعبـرود=تركي علـى كبـد المعـادي غلايـل
عوف بلقاها تغيـث وتنشـف كبـود=للسلـم سلـم وللصقايـل صقـايـل
عوف الذي تنقذ مغربـل ومظهـود=ليـا منهـا قلـت عليـه المحـايـل
ناصف وصاعد ضد عايـل ونمـرود=من لا يعرفهم زين ضـاع القوايـل
احفاد عوف وعوف منْسب ومولـود=من حرب منشـأ كاسبيـن النفايـل
صيت السوالم والمساريـح محمـود=وراع العيا والكذب ماهـو بطايـل
باخصام حرب الطير ياكل مع الـدود=ليا ثار عـج الخيـل مثـل المخايـل
عاشو قبيلـة حـرب فكاكـة الـذود=يثنـون دون معبسـات الشمـايـل
عاشو قبيلة حرب عن غيرها تـزود=بالمعجـزات عيـال حـرب الاوايـل
فعل الوفا مـا يندفـن داخـل لحـود=سمعـة نويشـي والبلالـي هوايـل
حرب الحرايب عند ناشـد ومنشـود=من دون قصور بصيت فعل القبايـل
للناس فعل ومجـد ماهـوب مجحـود=والشك عن روس العواريـف زايـل
واهل الحسـد نحـط بأعيانهـم عـود=ما ياصلـون لشـي روس النزايـل
الله يديـم الشـرع ويعـز الاسعـود=معـاد يوجـد للمـنـازع شعـايـل
تحت امرهم ما فات ماضي ولا يعـود=لهم على الشعب السعـودي فضايـل
الامـن ضافـي والعبـادة لمعـبـود=والكامـل الله مـا لغيـره كمـايـل
وابا اختصر عن طول فاتل ومعقـود=مـا قـل دل لبادعـيـن المثـايـل
مايشيب طاروقي وانا لـي مقصـود=انهيت مقصـودي بشـرح الجزايـل
وارسلت مضمونه على سلالة العـود=نجل السلـف مثلـه يشيـل الثقايـل


و سلامتكم

الحب الباقي 12-03-10 03:42 PM


صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ابوفواز النويمي 12-03-10 03:42 PM


قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

حميدان العوفي 12-03-10 03:48 PM

الشاعر الكبير/ داله العوفي


الله يحييك بعد هذه الغيبة الطويلة

و اقول صح لسانك على هذه القصيدة الجزلة المعبرة ...

و انت شاعر جزل و نستفيد من شعرك و انا من اشد

المعجبين بشعرك ..

و نعم و الف نعم بالشيخ بن موقد

و بانتظار جديدك

عبدالله عتيق الحنيني 12-03-10 04:30 PM

والله كفــو با المــادح


والممدوح يستاهل


المدح ابن موقد


والله وستين ونعم



وانت وافي


بقصيدتك وبحضورك


والله يحييك

عيسى العوفي 12-03-10 06:01 PM

جدك تصدى لجيـش دولـه إبـارود
ومن شمل حرب مساندينـه فصايـل

صح لسانك ياداله

والنعم بابن موقد وقبيلة حرب كلها

لاهنت ياغالي

غازي الزغيبي 12-03-10 07:10 PM

صح لسانك ياالشاعر القدير داله

والنعم بابن موقد وقبيلة حرب كلها

لاهنت ياغالي

ضيف الله المرواني 12-03-10 07:53 PM

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

سعد رجاء الحصني 12-03-10 09:01 PM

والله كفــو با المــادح
والممدوح يستاهل
المدح ابن موقد
والله وستين ونعم
وانت وافي
بقصيدتك وبحضورك
والله ايحييك

محسن الحـربي 12-03-10 10:56 PM

الشاعر

داله العوفي


صح لسانك على القصيدة

و يستاهل بن موقد

و عشرة انعام فيه وفيك

يقول التركي

يوم ابن موقد يليم جنوده ///// حنا جنود الترك نزبر من العام

حرب احربونا مثل حرب الاسوده ////// ................



الساعة الآن 06:26 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi