عمر الهذلي=
ياهل الملعبه ماعاد فالقلب صبره=قومو صفكم والقم العود جمره
لو محاسب على الدنيا ولا خرف قدره=خيلي يامخايل والزمي واستهلي
يابن عواد وش اوحيت وش اوحيت=سمعت الصافه ولا سموعك صم
كل ماقلت ياصياف قوم وتعدل=قال انا من حروب وحرب باسمي تمثل
لاتعدا حدود السالفه لاتعجل=خيلي يامخايل والزمي واستهلي
ليا منك جوار ام القرى مريت=ترى لحمك ودمك حر من حرم
صياف الحربي=
يالغليم صرفت احساب من غير باقي=وانت واحد من العربان واصلك عراقي
راسك اصلع ولا تكفيه عشره طواقي=خيلي يامخايل والزمي واستهلي
انا مع جملة العربان رحت وجيت=لسانك ملتوي يالجاهل الاطرم
انت ياللي تحط السحر في راس قطه=اعتبرها نهاية ليل واخر محطه
اول الليل بطه واخر الليل بطه=خيلي يامخايل والزمي واستهلي
هلا حييت في هذا البلد حييت=ليالك مظلمه والباقيات اظلم
عمر الهذلي=
تحسب ان الفوائد فالحيل والمحايل=والحقيقه تفسرها جميع القبايل
لاتقسم هل الديره شعوب وفصايل=خيلي يامخايل والزمي واستهلي
ماتعرف يلبس الاحرام اذا حجيت=مدرسك ابرها وانت ابرها الاشرم
ياحليلك حليلك لو تعلمت منا=كان ماشابت ارموشك ولا خفت منا
مار برهنت عنا يم نجر اليدنا=خيلي يامخايل والزمي واستهلي
على رز البخاري بين ثوم وزيت=وابن عواد ضيف امعزز امكرم
صياف الحربي=
وقعي ياحمامه طيري ياحمامه=مابقي فالحديقه غير بيض النعامه
ياعساها عساها ماتقوم القيامه=خيلي يامخايل والزمي واستهلي
علامك لليلة الاثنين ماصليت=ياليت اللي مرافق معك ماعلم
انت فالليل في وسط البلد تقل فاطس=مايصحيك غير الثوم واكل البطاطس
مادريت ان ابومشعاب فالبحر عاطس=خيلي يامخايل والزمي واستهلي
اظنك يوم نمت العام ماسميت=وسرت اوليد نصراني وابوك اسلم

انت ياللي تحط السحر في راس قطـه=اعتبرها نهايـة ليـل واخـر محطـه
اول الليل بطـه واخـر الليـل بطـه=خيلي يامخايـل والزمـي واستهلـي