ليت الخطايا كل ابوها مرورك=ما كان تبنا عن كثير الخطايا
هذا عزايه طول غيبت حضورك=فان غبت عني لاتغيِّب عزايا
فإذا التواصل من دواعي سرورك=مع حبي للميصال أعاف الدعايا
نويت احفظ اللي مضى من عصورك=ولاني من اللي يخلفون النوايا
وحفظت قسمك وأنت اليوم دورك=والله يـعــز اللي يعــز البنـــايا
بلاي في اصل الـمحبــه جـــذورك=ان كنت ما تدري وشنهو بلايا
وهذي سجية خلها في شعورك=احـبــكم يا طـيـبـين السـجــايا
خل البرايا تطلع عن أمورك=الظفر يفرق عن جميع البرايا
وزيد المراجل نور من وهج نورك=لو انت والله ما يبا لك وصايا
ذكرٍ من الرحمن حصنك وسورك=ومـــع آيـة الكـــرسي 18 آيا
بلغ سلامي بالوفاء في قصــورك=ولا أنت لك مني جميل التحايا
ولا عاد مني تعتذر عن مرورك=وان غبت عني لا تغيب عزايا.