ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   نسمة النود / بقلم نجم حرب (http://www.m-harb.net/vb/showthread.php?t=155743)

نجم حـرب 07-06-18 12:11 AM

نسمة النود / بقلم نجم حرب
 
يابنت حبك داخل القلب معهود
وتجددت بين الضماير عهوده

والحب له معنى وملفات وبنود
وانتي معنى حبي وجملة بنوده

يكفيني احساسك على نسمة النود
وريح المطر عقب سحايب رعوده

ويكفيني احساسك على نغمة العود
انتي قصيدي وانتي الحان عوده

ونور القمر لونزهمه قال موجود
بين النحر والخد كثف وجوده

الله عطاك الزين والملح والزود
زود الحلا والزين زادك بزوده

كنه على شانك من الشام محدود
يوم استحلك صار يرسم حدوده

لايابعد كل المزايين والسود
جعل العذارى فدوتك يالعنوده

لاصار حبل الحب والود ممدود
والكل منا وافين في وعوده

اكيد يحصل بيننا كل مقصود
وصيف المحبه تقتفيه البروده

يا الله عساني فيك بالحظ مسعود
انتي آمال الحظ وانتي سعوده

نجم حرب /
نايف عبدالله السليمي

الآسيــــــر 08-06-18 09:39 PM

صح لسانك على الكلام الجميل

الحب الباقي 08-06-18 09:40 PM


صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

نجم حـرب 11-06-18 02:03 AM

صح ابدانكم ولاهنتم /

تحياتي لكم :

الحميدي الحربي 12-06-18 02:17 AM

السلام عليكم ورحمة الله وبركاته
سلمت ودمت أخوي الشاعر نجم حـرب على القصيدة .
.
.
جزله ورائعه وصح لسانك
أخوك ابوساره

فهد ابن غانم 30-06-18 05:25 AM


صح الله لسانك
ولاهنت
وسلم فكرك وبنانك
دمت برعاية الله وحفظة




الساعة الآن 11:18 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi