مألوف من حكمة التصريف=الشمس بعد الطلوع تغيب
المشكلة ،،، كيف حنا كيف=قدام وقت المشيب ،،، نشيب

فشبك الحواجب و كحل العين=اللي من الله رباني
تبدأ رواية جمالك ،،، لين=باقي المحاسن تعداني

ألا يا رفيقي تأمل زين=قبل الملفات ما تنرص
تلقى الأثر للحقيقه يبين=ما دام فيها أثر ينقص

الحظ ،،، دايم معي فزياد=و أشياء عندي ما هي عندك
و إن كنت حاسد من الحساد=أظن هذا الخبر سدك

قلبي و لا عاد مني له=من يوم كثرت مطاليبه
و الود صعبه مداهيله=و صعبه طرايق أساليبه

يا غايتي آه يا طموحي=يا معجِّز الوصف في رسمك
من لم جسمي على روحي=ما يضم جسمي على جسمك

لولاه قلبي ما عوِّدلك=في وقت ماني على فاقه
لجلي و الايام تثبتلك=ما طيق ودك و لا فراقه

دوبك على قلبي الحساس=يا ود ناجى ضمايرنا
يا سيّدي للهوى نسناس=لاهب يشرح خواطرنا

حكم المقادير له دورات=لا تآمن الحال و تغني
كثير يبكي على مافات=من بعد ما كان متهني