ملتقى قبيلة حرب الرسمي - الشاعر/مبارك بن سالم المصلح الحربي ( ابن دهيم )قصيدة ( يلوفني طيفه)

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

الشاعر/مبارك بن سالم المصلح الحربي ( ابن دهيم )قصيدة ( يلوفني طيفه)

(يلوفني طيفه)

لا دك هاجوس الشعر زان لي القاف
يحلا لي اوصف به حسين الوصايف

اللي عليه مسحه من الحسن تنشاف
حسنه على كل المخاليق نايف

يلوفني طيفه و يتلفني اتلاف
ويسبي بعين وخد وحمر الشفايف

شعره حرير اسود سجد فوق الاكتاف
منها يحول لين حد الردايف

ضامر بطن و اللي على الصدر وقاف
يشكنٍ من اسلابٍ تحفه حفايف

و عودٍ ليانٍ و يتعطف تعطاف
مليان ردفٍ ويعتليه خصر هايف

ياويل قلبي ان كان بالحال ما راف
عز الله اللي راح عمري حسايف

ان غاب عني بعده العمر ينعاف
من عقبه مهما صار مانيب خايف

ونيت يوم عديت في راس مشراف
وهلت دموعي فوق خدي ذرايف

وصلاة ربي عد ما طايفٍ طاف
على نبينا سيد كل الطوايف

الشاعر/مبارك بن سالم المصلح الحربي (ابن دهيم)

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

السلام عليكم ورحمة الله وبركاته (الحب الباقي )شكرا لك على مرورك الاكثر من رائع وصح بدنك طال عمرك ولاهنت مع تقديري واحترامي

السلام عليكم ورحمة الله وبركاته (ابو هليل )شكرا لك على مرورك الاكثر من رائع وصح بدنك طال عمرك ولاهنت مع تقديري واحترامي

السلام عليكم ورحمة الله وبركاته (فهد بن غانم )شكرا لك على مرورك الاكثر من رائع وصح بدنك طال عمرك ولاهنت مع تقديري واحترامي

السلام عليكم ورحمة الله وبركاته
سلمت ودمت أخوي الشاعر مبارك بن سالم المصلح على القصيدة .
.
.
جزله ورائعه وصح لسانك
أخوك ابوساره

صح لسانك
..
..
أسجل اعجابي بالقصيدة
..
ويعطيك العافيه ..