ملتقى قبيلة حرب الرسمي - أول محاورة للشاعر/ معتق الحربي مع الشاعر/ فيصل الرياحي

هذه المحاورة بمحافظة الجموم بمنطقة مكة المكرمة بتاريخ23/4/1428هـ و التي أحياها عدد من الشعراء من ضمنهم :-
1- معتق الحربي 2- رشيد الزلامي 3- فيصل الرياحي4- فلاح القرقاح5- عبدالله الذيابي0
و إليكم هذه المحاورة الرباعية التي جمعت بين / معتق الحربي +فيصل الرياحي
و عبدالله الذيابي + فلاح القرقاح0

قم يالرياحي بيني و بينك كلام= حنا علاقتنا تراها من قديم
ياحبي قلبي للبقوم و لتربه=و اللي عقد رؤوس الحبال يحلها
الليل يالقرقاح قام الحظ قام= و الله لتونس ضرب سيفي فالصميم
أن كان ماطفيت علينا الكهربه=و اللي عقد رؤوس الحبال يحلها
يامعتق أنا ضيف و أرد السلام= و أن كان صادق قول و الله العظيم
الله يبارك فالجموم و فـ عربه=و اللي عقد رؤوس الحبال يحلها
الليل يا ابن سنان خربت النظام = الله يردك للسراط المستقيم
و الوافي اللي مايغير مذهبه=و اللي عقد رؤوس الحبال يحلها
حنا حلمنا حلم في وسط المنام=أن تربه شدت و راحت للقصيم
و أن الرياحي زعل و البحر شربه=و اللي عقد رؤوس الحبال يحلها
تبأ الصحيح الضرب فالميت حرام=و المنسدح مايضربه غير الغشيم
مار الخطر لاتقربه لاتقربه=و اللي عقد رؤوس الحبال يحلها
مانعترف بالحلم ياراع الحلام= حظن مقيم و حضرتي مثله مقيم
غلطان يامعتق و مقطوع رقبه==و اللي عقد رؤوس الحبال يحلها
تبغى الصراحه ماعلى مثلك ملام= متروك من بين العرب مثل اليتيم
و الداب ضمك بين رأسه و ذنبه=و اللي عقد رؤوس الحبال يحلها
بعض الحلام تصيب ياعال المقام= و أن كان صاب الحلم طحتو في جحيم
و الله لأشوفك كل جركل تسحبه==و اللي عقد رؤوس الحبال يحلها
ياللي تدور للمشاكل كل عام= ما أنته سليم و لاعلى وضعٍ سليم
و الله لأدوس الداب هو و العقربه=و اللي عقد رؤوس الحبال يحلها
نويت أبا أحطك على راس السنام= و أعلمك حتى تعلم يالغشيم
و إلا أبا أعرقب لك يازين العرقبه=و اللي عقد رؤوس الحبال يحلها
أبا أستلمك بجامد الفتل إستلام= و أشهد الهذلان و اشهد سليم
إيوقر الرجال دقنه و شنبه=و اللي عقد رؤوس الحبال يحلها
أنا أشهد أنك ياولد ما أنته تمام= ما أنته معلمني و انا رجلٍ عليم
هذا الرياحي و المشاكل بسببه==و اللي عقد رؤوس الحبال يحلها