|
حنا عرب واجدادك الفنس جاوه=قصيده
اخواني الأعزاء مساكم الله بالخير والمسرات
هذه القصيدة ردآ علىجدال نشب بيني وبين زميل من اصل اندونيسي حيث انه ينتقد الذين يسمون الأبناءعلى اسامي االأباء علمآ اني استأذته قبل النشر وسمح لي واحببت ان اطلعكم عليها وهي في الحقيقه لااعتبرها قصيده بل دعابه مع خالص التحية
سميت عبدالله على والد ابوه = من كثر ماعندي لهم من غلاوه ولو هو يجوز اسمي اخوه واخوه = محبه وتقدير ماهي ارضاوه يالي تنادي ورث الأجداد خلوه = خلو تقاليد الحضرو البدواه ومن دفترالاحوال من ضافه امحوه = اسامين فيها اشتباه وقساوه ويفشل الي فيه عن بعد نادوه = وتعلم الطفل الصغير العدواه انته مخالف سلم الأجداد ياهوه = حنا عرب واجدادك الفنس جاوه لوكان جدك عندنا كان سموه = القطو الأكبر جدكم يالقطاوه واللي يهين الناس يالقطو اهانوه= عن الحقايق لاتصيبك عماوه من مات لولا اسمه علىالحي نسيوه = تذكير بالغالين ماهي غباوه اللي ورثنا قبل الأجداد ورثوه = اسامين تبقى للأسره أسماواه والأسم رمز للدلات اضافوه= ماينقص الشخص اويزيده علاوه الناس ماشفو من الشخص عدوه= اما يزيده طيب والا ردواه |
الاستاذان من الشخص الاخر من شيمة العرب واصلها
وأنت ماقصرت بالقصيدة الرائعه والمبدعه في خويك وصح لسانك وعلي شانك على الدعابه وماقلت القصيدة إلا لمعزة وطيبة خويك بيض الله وجهك ويامرحبا في خويك |
صح لسانك يابوعبدالله
قصيدة مرحه في خويك وعساه سالم ويعطيك العافيه انت وخويك صح كلام اخي ابراهيم الحربي لو ماهي معزه في خويك كان ماقلت القصيدة سلمت ودمت انت وخويك |
عبدالعزيز الحربي
لقد سرني جدآ حضورك المميز وسرني اكثر تواصلك المستمر واعتز بكل حرف كتبته تقبل خالص التحية |
فيصل حمود الوافي
لقد سرني جدآ حضورك المميز وسرني اكثر تواصلك المستمر واعتز بكل حرف كتبته تقبل خالص التحية |
وفيت وكفيت يابوعبدالله
صح لسانك الف مره يالغالي وعساك ذخر لنا |
دعابه رائعه صح لسانك اخوي سعود المبيريك شكرا لك |
أخوي سعود صح لسانك لاعدمنا وجودك |
ياسلام على القصيدة الرائعه
مداعبه رائعه وجميله بيض الله وجهك |
ياسلام على القصيدة الرائعه
مداعبه رائعه وجميله بيض الله وجهك |
الساعة الآن 02:57 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir