ملتقى قبيلة حرب الرسمي - ( في مريض الودّ ماينفع كوي )

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ( في مريض الودّ ماينفع كوي ) (http://www.m-harb.net/vb/showthread.php?t=157104)

( في مريض الودّ ماينفع كوي )

في مريض الودّ ماينفع كوي
ولايثيب اعلاج من وصفة طبيب
سقمه الخافي بمفعوله قوي
حيّر الدّكتور ويشوفه عجيب
للغضب تفجير يسمع له دوي
في حشاه وللقدم يصل اللهيب
الهوى للسّحِر في ضنّي خوي
التّشابه بينهم جِدّاً قريب
يُحدِث التّغيبر في عقل السّوي
مايشوف اللي تشوفونه غريب
عن جميع النّاس يبقى منزوي
شاحِب النّضره وله خاطر كئيب
المحبّه من يجيها مستوي
ردته سقمان جرحه مايطيب
الهوى فتّاك ويهدّ القوي
والتّجارب تنفع العقل اللبيب
في مريض العشق ماينفع كوي
مايطيب إلّا إذا شاف الحبيب

الشّاعر/ خالد بن عبيد بن معتوق الأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

السلام عليكم ورحمة الله وبركاته
سلمت ودمت أخوي الشاعر صقر المراقيب على الابيات.
.
.
جزله ورائعه وصح لسانك
أخوك ابوساره

صح السانك ابدعت وامتعت

صح الله لسانك
ولاهنت
وسلم فكرك وبنانك
دمت برعاية الله وحفظة