ملتقى قبيلة حرب الرسمي - الشاعر/مبارك بن سالم المصلح الحربي ( ابن دهيم )قصيدة ( كل الايام)

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

الشاعر/مبارك بن سالم المصلح الحربي ( ابن دهيم )قصيدة ( كل الايام)

(كل الايام)

انا الذي ضده غدت كل الايام
ياويل من مثلي غدا الوقت ضده

انا الذي حظه عثر به ولاقام
لمن بغى يقوم عزمه يرده

سهران طرفي في دجى الليل مانام
بينه وبين النوم قد حال سهده

يا ما بكت من حزن قافي الاقلام
من صدق معنى الحرف وحساس وجده

كم شاعرٍ خذ له مما قلت برشام
بنى عليه من قوة الساس مجده

وداه في جوٍ و هو ما بعد حام
و انا اترفع عن خطابه ونقده

رغم ما حصل لي اتفائل بقدام
واقول لعل الوقت يوفي بوعده

بهذا الزمن كل شجاعٍ وضرغام
يموت مجده في بدايات مهده

واضرب مثل وين راح بوعدي صدام
بمواصفاته مايجي شخص بعده

انا الذي دنيا ه و زمانه والايام
وحظه وكل الناس تنحاز ضده

الشاعر / مبارك بن سالم المصلح الحربي ( ابن دهيم )

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله السانك

قصيدة عانقة السماء بجزالتها وأبداعها

تحياتي لك

السلام عليكم ورحمة الله وبركاته
سلمت ودمت أخوي الشاعر مبارك بن سالم المصلح على القصيدة .
.
.
جزله ورائعه وصح لسانك
أخوك ابوساره