|
ديوان الشاعر / البيرق الصاعدي
السلام عليكم ورحمة الله وبركاته
بداية أتشرف بإنتسابي لملتقى قبيلة حرب الرسمي . واشكر القائمين على الملتقى إدارة ومشرفين والشكر موصول للأخوه الأعضاء . وإن شاء الله سأطرح هنا في ( الديوان ) ما اقوم بكتابه من قصائد وأبيات . أسأل الله أن يوفقني لطرح المفيد وأن يجعل ما أكتبه شاهداً لي لاعلي . |
مقدمــة على عجالة :
في ملتقـى حرب الحرايب بدينـا حرب الدول ربعي وهم تاج راسي قوم جمعـت مابيـن دنيـا ودينـا الله عطاهم لين جانب وباسـي جند السـلام وضربهم باليدينا عند الملاقى للمعادين قاسـي مكرمين الضيـف سمن وسمينـا وسبع الخلا عشوه يوم العماسي |
السلام عليكم ورحمة الله وبركاته
نخيـت قلبي وإنتخى وقالي سـم قلت السلف قال أبشـر الدم دمـك خذ مابغيت وخل من صافي الدم وأنثـر على بِيض القراطيـس همك و سَطِّـر بِحُــرّ الــدم قـافٍ منظــم ما عاد لي طاقـة على شيـل غمـك قلت الصبـر زيـده على كايـد الهـم لا تَلْفِــت الشــمَّات يمــي و يمـــك يـا قلـب تكفـى قولهـا قال لـي تـم قلتـه كفـو جعـل السعــادة تعمـــك أهل الردى حذراك يا الحـر الأقطم أبعـــد عنــه قــدام سمــه يسمـــك ولا تامن أهل القال والقيل والـذم مـن ذم أحـد عنـدك ليـا راح ذمــك وإحذر من الخواض فالعرض والنم إن جـاك فيـه نَـم و إن جـاء ينمّــك ولا ترجـي المقْفِـي ولو هو ولـد عـم عنـد الشدايــد فـي شتاتــك يلمـــك ولا تضيــع حقــوق القرابــه وتنــدم وأولـى بهــم بإحسانـك أبـوك وأمـك وللحاشيـه من بعدهـم حـق وأهتـم بحقوقهــم مـن يـم خالـك و عمـــك والظلـم وخـم ومرتـع الظلـم أوخــم وأحــذر مـن المظلـوم دعـوه تخمــك |
السلام عليكم ورحمة الله وبركاته
قصيد في رثاء الوالد رحمه الله رحمة واسعة وجميع موتى المسلمين لاحــول للمخلــوق والدايــم اللـه الحــول باللـه والمخاليـــق تفـــنا علمٍ وصلني هـد حيلي من أقصاه ينعـى الفقيـد ويطلـب الله خلفـنا ونيت من حسره ومن ضيقتي آه ومن واقعي بصدمة وفاه أنخطفنا لو يفتـدى الميت بالأرواح نفـداه ولـو القــدر يُدفــع حواليه طفـنا دمـع المحاجـر شـح ممـا ذرفـناه ولو يستلف دمـع العيون إستلفنا غالـي يابـوي ومثلـك يعـز فـرقاه ماأحد إنعصف باللي بموتك عصفنا رحلـت عنـا واختلـف مـا عـرفـاه الأرض بعـدك ماهي أرض عـرفنا حتـى ولـو غبتـه وزولـك فقــدناه عايـش بذكــرك بيننـا مـن شغفنـا عز الرفيق إن ضامه الوقت ينخاه مواقــف الفزعــات بالعيــن شفنــا قرم الرجال ويبهج الضيف لا جاه قــدر ومهابــه لاحظــر لـه وقفـــنا الخيـر والمعـروف من صلب مبداه حقايقٍ مـن بعــد موتـــه عــرفـنا هــذي بعــض حليـاه ممـا شهــدنـاه ولا أوفيـه ممـا فيـه مهمـا وصفــنا يا اللـه ثبــت مــن بقبــره لحــدنـاه وآنـس وحيـدٍ فيه بعــد أنصــرفـنا وإجعـل أعالـي جنـة الخلـد مثــواه يـا واحــدٍ نرجيــه حقـــق هدفـــنا |
السلام عليكم ورحمة الله وبركاته
أربـح تجـارة لا نويـت التـجـارة صفقات تعقدها مع الواحد الحي وأفدح خسارة لاخشيت الخسارة لضاع عمـرك تحسبنـك على شـي وأفـرح بشارة لا بغيت البشـارة عنـد الممات بروح وأنهار مع في وأصبح نظاره لارجيت النظارة وجه سجد في تالي الليل يدعي وأصرح عبارة لانطقـت العبارة ضد القريب بكلمة الحق تلقـي وأوضح إشارة لاجهلت الإشارة توصيلك المضمون من دون تحكي وأنجح شطارة لا عرفت الشطارة بعد التوكل فعل الأسباب ياخـي وأفلـح زيارة لاعـزمت الزيـارة حجك لبيـت الله محـرم ملبـي وابجح شـرارة نعنبوها شـرارة فتنة لها تلوى نصوص الوحي لي وأوقح جسارة لاسمعت الجسارة سـر الخـوي ليا وثق فيـك تبـدي وأقبح حقارة لا قالوا لك حقـارة ترضى لأهل بيتك على سكة الغي أطفـح عـواره كـان وصـلك عـواره راعي ضمير مات له في جسد حي |
السلام عليكم ورحمة الله وبركاته
للشعــر أركـان يا راع القصيـد والقصيــدة تكتمـــل بـأركانهـا (الحـدث)مفتاح للنظم الفريـد يملــي الفكــره وهـو عنـوانـها (والخَيَال) الحر للشاعر رصيد مصدر إلهام (الصور) وألوانها (واللغـة) ثروة ومنها يستفيـد في إختيـار القافيـة وأوزانـها (والحياءوالدين والعادات)قيد تكبــح الجامــح بحبـل عنانها (والمعاني)مستذيره صيد بِيد تجفـل لشجـرة تميـل أغصانها وترجمتها فالقصيدة عقد جِيد صاغتـه يـد محتـرف وبنانهــا عقـد يلمـع علقـوه بعنـق غيــد يفتن الخطــاب مـن فرسانها والزمن أرشيف للساحة شهيـد سجـل فحـول الشعـر وأزمانها مثل ابن شداد والأعشى ولبيد وابن حِجْـر وكعب مع حسانها والشريف ومحسن وبندر وزيـد وبن زويبـن وأحمـد وجدلانهــا وللشعر أركان من دونه عصيد فــوق نــار يعتلــج دخــانــهــا |
السلام عليكم ورحمة الله وبركاته
مناسبة الأبيات ارسل أحدهم صورة مؤثرة وطلب التعبير عنها وهي عبارة عن بنت اجنبية جالسه على كرسي أمامها كشك أو صندوق واضعه فوقه بعض السلع البسيطه لبيعها وفي أسفل الصندوق طفل نايم وهي على هذه الحال على الرصيف في وسط الماره عبرت عنها بهذه الأبيات أقول يابنــت ياللـي فالشــوارع تبيعيــن مقـابلــه للكشــك فــوق الكراســي أعـلاه مصـدر رزق وأدنـاه عينيــن أرخـت هـدبهـا للكـرى والنعـاســي عين على أعلى الكشك وتراعي بعين طفـل عليـه تخـاف مـن كـل باسـي تسعى لـرزق في طريق الشياطيـن هيئـــة بشــر لكـن مـاهــم بناســي رزقك على اللي كـوّن الكون تكوين رزق إنكتب لك مـا يزيــده حماسي يابنـت ياللي مـدري ديارهـا ويــن دنيــا تقلــب فـي زمــان قيـاســي ليا أقبلـت دنيـاك قــرت بهـا العيـن وليـا أدبـرت حلـت عليـك المآسـي مرات تقلب قاسي العيـش ويليـن ومرات خلت أليـن العيـش قاسـي يالعنبـوهـا لا قسـت طبعهـا شيــن صـكاتهــا تنهـــد منهــا الـرواســـي هــذي حقيقتها عسـى ربـك يعيـن مـا تستقـــر بحـال دون إنتكاســي |
السلام عليكم ورحمة الله وبركاته
الله من دنيا تقلب على صـــــروف بالخــير وألّا الشـــر مـــره ومــــره تجري بأهلها للمقاديــر وتطـــوف تقفي وتقبـــل بالضـــرر والمســره تفك الأسـير وتاسـر الحـر بكتـوف وعليل يبــرى والمعــافى تضـــــره الأمن فيها يشتكي سطوة الخوف كـره تجـي من بعدها تـروح كــره وجميع ما فيها بالأضداد محفوف ترفـع وتخفـض للثـرى والمجــرة ومن بعد هذا كله المــوت وحتوف ثم القبــر مع ضيق لحــده وحــره ثم الحشر والرعب والعالم صفوف يارب أمانك مــن همـومـه وشـــره بعده حساب يزلزل القلب بالجوف يا خيبة اللي طـول أمـانيـه غــره ثم الصحف والشاهد رجول وكفوف وميـــزان يـرجـــح لو بمثقـال ذره ثم الصراط اللي بالأثار موصـوف ياويل مــن خطـــاف للنــار جـــره والله لو يكشف لنا الغيب ونشوف ماقلـب يبقـى ثابــت في مقــره من بعده الجنة جزا كل معـروف دار جعلــهـا اللــه للعـيــن قـــره ياما لها في الناس نزال وضيوف اللـــي طلبـــهـا بـخيـــــر لله دره |
السلام عليكم ورحمة الله وبركاته
من رأس مـال ماهو ريـال وفرنـك بصـرف لكم وأحـرر بموجبه شيـك رصيد خبـره ماعـرف خزنة البنـك خذها دروسٍ من تجارب محاكيك ثـلاث خــذها وخلهــا دوم ديـدنـك اتبع طريـق الحق واصلح خوافيك ولا تاخذ بفتـوى المجـاهيل تفتنك اســـأل أهلهـــا لا جهلتـــه وتفتيـك وثــلاث فيـها العــز ما عنـها وعنـك اظفـر بهـا وأطلــب لها الله يهديـك الـديــن والتقــوى وخلـق يحسنــك أثبـــت عليهـا ولا تغيـــــر مباديــك وثـلاث هــن سـر السـعاده بمسكنك دمحةخطأومعروف والعـون بيديك وثــلاث تجني خيـرها بعـد مَدْفنك صدقتك مـع علمـك وبـر الولد فيك وثــلاث تفـديها ليـا طــاب معدنـك ويرخص لها الغالي عليهـن أوصيك دينك وبعد الدين عرضك وموطنك تُذكـــر بهــا بالخيـــر لاحل طـاريـك وثلاث تأخذها سلف والوفـاء منك بِر وفجور وشمت في اللي يعاديك وثـلاث مالـك حصـن منها يحصنك جـــار علـى اللـي مـاتبيــها يـوديـك وصديــق متحـول عـدو مايواطنك وقريبـك اللي بلا سبـب مـا يدانيك وثـلاث مـا تبقــى ، عليهـن أراهنـك صحــة وقــوة مـع شباب بماضيك وثـلاث منـها إيــاي وإيـــاك تفتنـك صديق سو ونفـس وابليس يغويك وأحــذر ثـلاث أقلهـا النــاس تلعنـك الـظلـم والطغيــان والــــزور يعميك وثـلاث عيب ولا تجي إهانتـه منـك ضيف وضعيف وعانيٍ من عوانيـك وثـلاث لـو حاول بها الـلاش حـزنـك مـن دونـها تقصـر علــوم الصعـاليـك الأولـــه وقفــات فــي حــزة الضنـك وأبشـر وقـــول لمــن يناديــك لبيــك النـت شيـطان العصــر لا يشيطنــك أحــذر شياطينـه عن الحـق ترديــك وإذا بـدالـــك واحـــدٍ مـا يـواطنـــك أبعـــد عنــه وأدراه دامـــه يداريـــك ولاتستحي من واحدٍماأستحى منك مـا دون حلقـك تدفعـه راحـة يديـك ولا تطـرد المقفـي تـرى مادرى عنـك ولا تبيـع رجـل باع غيــرك وشاريـك وإذا الـزمـن دارت رحاتـه وطاحنـك أصبـر علـى الصكات والله ينجيــك لا يحمـــلونك بالجمــايـل وتـدفنـــك حتـى ولـو أن أشهــب اللال حاديــك إزبــن علـى اللـي لا نصيتــه يـزبنــك اللـي علـى الثنتـين دايـم مخـاويـــك لأحتـاج عاونتـه ولأحتجــت عاونــك لامَـــــنّ لا مـعـــــذار لا ذي لا ذيـــــك |
السلام عليكم ورحمة الله وبركاته
ياهـاجسـي حضِّــر وياهـاجسـي فــزّ وخذبي على خطوط الهواجيس لفـه بعــض المعـــاني يامـلا يجب لك خــز في القلـب تشعـر به وفي العين رفــه كنـك منـه في كــف عفــــريت يهتـــزّ يـلـعـــــبك العفــــريت و يهــــز كفــــه يا صاحـبي بعطيــك نشــره وموجـــز أحفـظ منـه مـا طـاب لـك وإستشفــه إيــزن كــلامـك قبــل تنطــق وتـرمـــز و خــلك ثقيـل ولا تجــي فيــك خفــه وأحــرص على تهديــم كـل الحـواجــز بالـطيــب والمعــــروف والـظـــم كفــه ومفهوم بعض النـاس في الخاطر يحز كــل علـى قـرصـــه يـهـــــف بـمـهـفـــه العـــز ماهـــو فـي وظيفـــة بهــا أرتـــز وأفــرح بمـا جـاء مـن طــرفها وأسفــه ولا هــو بجـاه أظـلـم بـه النـاس وأبتــز وما هـــو بمنصــب والمخـاطـــر تحفــه فـي ديننــــا العـــــزه وبالـديــــن نعتـــز منهـــج حيــاة ومـا طلــب منــك وفـــه صـــرنـا بعــلاقــــات المصـالـــح نـركـــز اللـي يصــــف بصــــفي آصـــف صفــــه وصـــارت سـعـــادتنا بعجــــرم ومعتـــز وحضـــور حــــفلات الطـــرب والترفـــه نرقــص علـى نغمـــات الأوتـــار لا أهتــز الظــاهــــــر إن عقـولـــــــنا مستخفــــــه الشاعر / عبدالرحمن سليم الصاعدي |
السلام عليكم ورحمة الله وبركاته
القصيدة فكاهية خبرتهــا معــزوم فـي حفلــة زواج قالت عسى مبـروك منهـو زواجـه؟ قلتـه زميـل وجمْعَـه وفلـة حجـاج وعنـده مـع الأصحاب نبغا نتواجه زفافــه الثـانــي ولا بـــد يحتـــاج ونشاركــه فرحــة مراسيــم تاجـه أدركت أنا الغلطه وحسيت بحراج وحاولت أرقـع يـوم عكـر مزاجــه لحظة سكوت بوقتها أدُور مخراج فجـأة وثار الجـو عـج وعجاجـــه قالـت نعــم وتسمـي الثانيــه تـاج وتاقف مع الخاين وراع العواجـه وأنته بعد لايكون معديك هالداج مـا تاخـذ معـدد يغيـر الدجاجـــه وتـأزم الموقــف بتنديـد و لجـاج وتلـف حولـي كنهـا تـدور حاجــه حمـرت عيني قلتها كافي إزعـاج وألا الحقيقـه منشغل في إدِّراجه راحت على المطبخ تقربع فالأدراج وصحنين مرت عند راسي وزجاجه من بعدها لا صرت معزوم في زواج و بنفـك من جـو الحـراج و حراجـه عذري أبا سيـر على الطيب الحاج راعي غنـم في عزبتـه مع نعاجــه |
السلام عليكم ورحمة الله وبركاته
يا اللـه بنـوٍ ينتثـر مـاه ديمـات على ديـار مبطـي الخيـر عنهـا دارٍ سِنِيـه كـل حـي بهـا مــات تِرْجِـع ويرجـع كل ماراح منهـا ينشيه من ينشئ عظام رميمات مـرت قـرون باليـه فـي كفنهـا يسوقه المعبـود رب السماوات الخالق اللي أرزاق خلقه ضمنها تقبل تباشيره من الغرب رحمات ويعـم خيره شام الأرض ويمنها يشـد براقــه بعيــد المسافــات راعـي بكـار معلفـه في عطنهـا يرتد صوت رعودها فالطويلات ليـا أعتـرض براقهـا فـي بدنهــا همال وبله يقلب الضي عتمـات والبرق يكشف عتمة الليل عنها يترك على ورقان سيله علامات سيـل جرح بأرضه وسيل دفنها يلبس منه حله من النبت خامات بــذورها في شعابته محتضنهــا ديار عوف أهل الكرم والكرامات مـن حبهــا حبيــت حـي سكنهــا |
السلام عليكم ورحمة الله وبركاته
مجاراة لقصيدة محسن الهزاني رحمه الله ( برق تلالا ) قالوا على سنـة عزيـز الجلالا وسنة نبيه فز وأذرى لكم عِرْق و متـع شبابـك بيـن فيّ و ظلالا ترى العمر من دونهن ينسرق سرق قلـت امهلوني بأستخيـره تعـالا قرار مثله مايجي بسرعة البرق قالوا متى قلته مـع أول هـلالا شيروا علي بشرط لا يكثر القرق قالوا تزوج في العرب قلت لا لا قالوا جمال وقلت لو يحرقِن حرق قالـوا لنا مـالك و مـال الخبـالا قلته طريقي لي وأيضاً لهن طرق قالـوا بنـات الغـرب فيهـن دلالا قلت العفو لو كانت عيونهن زرق قالـوا تخيـر قلـت يا همـا لا لا قالوا نصيحة قلت مابينهن فرق قالوا علامك قلت يا بن الحلالا مالي بهن ما دام في بلادنا ورق |
السلام عليكم ورحمة الله وبركاته
نفسـي تراودنـي علـى قـاف سنتــر مستوطن في مكمن السر هوجاس إذا طـــرا فـي بـالـــي ألــف وأفتـــر شربك لي الأسلاك كهرب مع الماس المشـكلة في الـرأي وشيـوخ الإنتــر قلب الحقايـــق فـن وبكـل مقيــاس إمـا تغــش النــاس بالــــراي الأبتـــر وتجمــل المنــكر وتبـشر بالإفــلاس وألا نصحت وصار نصحـك مفوتــر وأصبحت خاين في نظرهم وبلاس ما بيــن ذيك و ذي وضعــي تـوتـــر العقل يـرفضها ومن عنده إحساس وياصـاح لا تنشـد عن الـرأي وأختـر فتوى ضميرك لك وابني على ساس اليــوم يفتـي فيــه مـن كان يجتــر والكل في فتـواه يقـدح من ااـراس مــن يتَّبـــع رواد مـوقــــع تــويتــــر والشيخ قوقــل في فتاويه ينحاس ومـن يعمـل بمـا فيـه من دون فلتـر مـاجــور في عقلـه ذهابــه ولا بـاس آخـــر زمــن وأطلـب مـن الله يسـتر فيه الرجاء موصـول لا درهم الياس مسكين ياللي في أكثـر الناس يغتـر بعض التنك في مظهره يشبه الماس جسـاس لـو يلبـس لك لبـاس عنتــر إلا الثقه في اللي على دين جسـاس تاجـر بغيــر الديــن وإبتــاع وأشتــر الديـن سُخِـرْ له مـن النـاس حــراس للممــلكة ورجــالها أعمــال تـحتــــر منها قلـوب أعداء العقيـدة وتنداس في خدمـة الإسـلام مايــوم تفتـــر تبقى حصن للدين ماهــب نسنـاس |
السلام عليكم ورحمة الله وبركاته
هذه مجاراة لأحد كبار شعراء الصواعد المشهورين قامت هواجيس الضمايـر تخامش من وقفة بأطلال باقي لها رتـوش الدار جسـمي مـن دخـولي لهـا كش وحشة ومافيها تحطـم ومدشـوش عقــب العمـار اليـوم ماعـاد تنـدش تهدمـت من بعـد ما كانـت عـروش ضاعـت معالمهـا متـون وهـوامـش بعد الربيـع اللي كما الـزل مفـروش وقفـــت كنــي بالكلبشــه مكلبــش في حيـرة مقدار مايشرب البـوش والرمش جاوب دمعة العين وأرمش في لحظة مرت بي أفكاري جيوش على النقا عاشوا وفي جـو منـعش ماهــم واحـدهم مـلاييـن وقــروش دار السلـف مـنا يهـش الخلـف هـش إذا ذكــرت أفعـالهم راسـي يشـوش آثارهـم فيـها اختفـت داخـل القـش وألا المــآثـر مـا أندثـر كـل منقــوش واقفيــت وهمــومٍ بقـلبـي تـراهــش منها تقـال إني على العيـن ملطوش |
السلام عليكم ورحمة الله وبركاته
حضرت الفكرة ودوري ياتروس وأكتبي عنوان عاجل في الخبر ودي بقاف مثل حرب البسوس وأستلف من دم قلبي له حبـــر القـدر يجـري علـى كـل النفوس والحظيـظ اللـي بغيـره يعتبـــر والـزمــن دوار والـدنيــا دروس والمعــادن بالمـواقـــف تختبـــر والرجـال تبيـن باليــوم العبـوس بالنهـار الشيــن والوقــت الغبـــر والحظوظ أنواع ماهي بالفلوس حـظ يجـري وحـظ دايـم منثبـر ترتفــع بالحــق هامــات وروؤس ويخنــس الباطل وحمّـال الكِبــر والحيــاء للنـاس حَيِّـه من لبوس و الحكــاوي فيــه للعـــالم عبــــر والجروح ثنين خافي ومحسوس جـرح يبـرى وجـرح داوه بالصبر الجسد تبرى جروحه لو تحـوس ويُجْبـر العظـم الكسير وينجبــر البلاء جـرح المشاعـر والنفــوس جرحــها مايدمـــله غيــر القبـــر |
السلام عليكم ورحمة الله وبركاته
هذي قصيدة للشاعر بدر سليمان الرحيلي والرد عليه يقول بدر اسـري مـع الـهـاجـوس واصـارع الــضيـق واطـلـب مـن الله الـعـون مـن كـل وســواس احــيـان اسـلّـي خــاطـري بـالــطـواريـــق شـيٍ يــجـر الـهــم مــن عــمـق الأنــفــاس إلـيـا ذكــرت افــعــال بــعـض الـمـخالـيــق يـحـتار فـي الـفـكـر مـن بـعـض الاجـنـاس اشـره عـلـى بـعـض الـرجـال الـمــدانـيـق الـلـي عــلـى الـجــوّال ومــنـكـس الــراس الـصـقـر يـرقــى لـلـجـبـال الـشــواهــيـق والـبـوم وقـتـه ضـاع في مـراقــب الـنـاس بـعـض الـرجـال الـمرجـله فـيـهـم تـلـيــق والـبعض مـرجـلـتـه عـلى حـد الأضـراس احـدن اذا شـفتـه سـعة صـدرك تـضيـق واحــدن يـخـلّـي جــوّك افــراح واعــراس واحـدن عـلى يـمـناك في نـشفـة الــريـق فـيـه الـوفـا مـزروع والـطيب بـه ســاس واحـدن يـشيل الـحـقـد لـك بالـصناديق ودّه يــعــدّي بــك عـلـى درب الأدنـــاس واحـدن يـسـافر بـك عـلى قـمّـة طــويـق واحٰـدن مـاتاخـذ مـنـه غـيـر الـتّـنـكــاس اخــاوي كــبـار الــرجـال الــمـطـالــيــق الـلـي لــهـم بـالـجـد وقــفـه ونــومــاس ذيـك الـرجـال الـلـي عـلى الــقـمّـه تـويـق روسـن عـطـاهـا الـعـز شـمـعـه ونـبْـراس ولـيـا لـحــقــنـي مــن زمـانـي لـواحــيــق انـصى عــريـب الـجـد ومـعـرب الـسـاس واشـوم نـفـسي عـن عـلـوم الـمـطـافـيق مــكـثـريـن الــهــرج تــجّــار الإفـــلاس صــنّـاع كـــذب مـــورديــن الـتـلافـيــق فـيـهـم عـروق الـصدق صلـفـه ويــبّاس مـعـروفــه الـدنـيـا حـظــوظ وتــوافــيــق وحـظيظ من يـشـرب من الـعـافيه كـاس ردي عليه حي القصيـد وحي قاف المطاليق نظــم لفابـه حــر سِجِّـل بقرطاس من شاعـر ماله هوى في التفاريق ينظم من الجزلات مايطرب الراس أشرد مع الأفكـار مـرات وأفيــق إذاسطا في موطن السر هوجاس عـوذت باللي قدرته تفـرج الضيـق الواحـد اللي يكشف الضـر والباس ليه علـى أنـواع الرجاجيـل تعليـق ماهي ظنون ولاخيالات وأحداس خذهـاعن اللي وثـق العلـم توثيق إذا بنى يبنـي على جيـد السـاس الكل ينضـح من عـدود لها يويـق ولكل عُـود عروق والعـرق دساس اللي خلـق خلقـه فـرق فالمخاليـق سبحـان خاقهم على عـدة اجناس مثل المعادن تنكشف حزة الضيـق رجل ذهب صافي ورجل من نحاس ورجـل يحـل المعضـلات المغاليـق ورجـل يجمـع وآخـر يفـرق النـاس ورجـل علـى ماقيـل علـة معـاليـق ورجــل تحـزم بـه وتعصبـه الـراس ورجل مثـل سـالم بيـوم التحاليـق ورجل على ختل القفا فاق جساس وتلقى بهم عاقـل وتلقـى مطافيـق وراي سـديـد وراي راعيـه منحاس الـمـرجـلـه تـقــوى وخــوة مطـاليــق والطيـب والعفـه عـن درب الأدنـاس ودمحة خطأ من دون شرهه وتحقيق في العايمـه لا جـات مـن أقـرب الناس و الشـرط فيهـا طيـب ذكر وتوافيـق وإكــرام نفـس وكـل شي لـه قيـاس |
السلام عليكم ورحمة الله وبركاته
القصيدة فكاهية دعيت هاجوسي وفي خافقـي نط بفكرة عمل تحتاج خطة وتخطيط بقط سوق الكذب والهلس والخرط ضاع التعب مابين خرط وخرابيط أفتــح مجـمــع للمـواتـــر مفـقــط وأخفـض الأسعـار كـاشٍ وتقسيط و محـل زينـه مع منجـد بها آحـط إستيكـر و ظـل وستايـر وتجنيط وبنشر ورشة عندها مخرطة خرط وجميـع مايحتـاج فـك(ن)وتربيـط ولا تشيل هم إن كان موترك خبـط حنا نجي لك لا حصـل فيه تخبيـط بسطحات نقلٍ للمعطل على الخـط بأسعـار معقـولة ومـن دون تفريـط و ميـدان بمـدرج للشـباب المفحـط من بعد ماأستصدرتصاريح تفحيط وهندي للإستقبال لامن ضحك مط لجلب الزباين مطط الشدق تمطيط وأمَسِّـك الصنـدوق للذيـب الأمعـط عيونـه تلاقــط و إيدينـه ملاقيــط ولا بـد مـن تشليـح خلـف المخطـط مهـو النوااعـم في السواقة مخابيط مشــروع يقطـع خـط كـل الجحلـط واللي عرض خدمة_ بمكرٍ _لتوريط |
السلام عليكم ورحمة الله وبركاته
قصيدة كتبتها قبل 4 أو 5 سنوات لها مناسبتها الخاصة اليوم لي معنى على قاف موزون نظـم نظمتـه في ويخـص ذاتـي أبطرح الكلمه على الواو والنـون في موجـز يذكر جوانب حياتي حبل الرجا موصول بمدبر الكون مع كلمـة التوحيـد أرجو نجاتـي ياهيه يامراسـل إذاعة يقولـون لو كنت حيٍ في عـداد المواتـي ماني من اللي كل يوم على لون يصبـح برأي وراي عنـد المباتـي بكلمـة يودونـه وكلمة يجيبـون يومـي مع الموميـن ماله ثباتي مزهب الشرهة على أدناتها دون هـذاك عـن مثلـه مشفــر قناتـي ماني مثل موسى ولاني بفرعون وماني جبااان ولا بطل كالزناتي أدفع بخير إن جات وابليس ملعون و ألا نطحت وكيف ما جات جاتي اسلوبي معك باللي صدر منك مرهون سكــر تعـــال آجيـك سكـر نباتـي عاقــل ولكـن للمجانيـن مجنـون مُــر و صِبــر للمــر و ألا فـراتــي اللي عليـه أمـون عنـدي يمونـون ومن هنت عنده مستواهم حـ ... ألعـب مدافـع قلـب مـرات وآكون محور وسط وأطلب من الله ثباتي تبغـى نهايتهـا مثـل ما يقولـون وزبـدة كلامـي للرجـال الثقاتي يمناي فيها ورد وأغصان زيتون ويسرى يدي أشيل فيها عصاتي .............. وسلامتكم |
السلام عليكم ورحمة الله وبركاته
هذه مجاراة لأبيات للشاعر خالد بن مسبل العنزي قالها وقت الحجر أيام كورونا ، والتي مطلعها لاتبلش الناس كل الناس بلشانه الناس في وقتنا خافت من يديها ............. جاريته بالأبيات التالية جاريـت لي وايلي فأبيات مليانـه بعـد استفـز القريحـة حيل أهَدِّيِها بأبيات من شاعـر ما خانـه لسـانـه إليا نظمتـه على المشـراف أعديها عبر عن الوضع وأكتب تحت عنوانه النـاس تجنـي ثمـار وفعـل أياديهـا مادام كثرت جنود أبليس واعوانه وأهـل المبـادئ تخلـت عـن مباديـها زادت ضغوط الحياة بناس طفرانه وكوفيـد هذا تحـدي فـي تحـديــها هذي رسايــل تحــذر نـاس غرقانه يـاللـه بخيــر علـى العالـم تعــديهـا |
مناسبة الأبيات
دخول شهر ذو الحجة وفضل الأيام العشر الأولى منه هـل الشهــر والكـل كبـر بعـد هـل فضل أولـه بالنـص ثابـت دليلــه أيـام عشــر بيــن الأيـام تحتــل ذروة سنام العام فضل وفضيله ضيف الغنايم ياملا بينكم حـل تغانمــوا قــدام يعلــن رحيلــه نـوّع من المشروع فيها وتنفـل واللي عثر يطلب من الله يقيله ادمح بها و واصل وحل وتحلل حتـى ولـو كانـت علينـا ثقيلـه يا الله حلل من جعل عبدك بحل فـي يـوم ماينفــع خليـل خليلـه يامسـرع الأيام وشلـون ترحـل عجلا تقشـع مثل غيـم المخيله تتابعت تشبه خرز سلك لاأنحل ربيعهـا يمسـي وتصبـح محيلـه تجلي نظر هذا وتعمـي وتكحـل مـا تستقــر بحـال يــوم وليلــه دنيـا تقلـب مـا عرفنــا لهـا حـل مـا للمـلا فـي دبــرة اللـه حيلـه |
القصيدةلها مناسبتها وهي فكاهية بوجه عام
يكفينــي اللـه شــر تـابــــع تبعـــنا أعــوذ بالرحمــن من كـل عفـريت ما زاد في نظـم القـوافــي ولعـــنا لو كان ماعندي من الجن خـرتيت إن كان تبغى فــزعته لك فزعـــنا لكن خايـف تخلط الماء مع الزيت شاعـر نظم يبني من القـاف معنى هاجس شعر وبعالم الجن له صيت ما ينوصف لو ناصفـه ما أستطعنا يشخط مثل عودعلى ظهر كبريت متخالفيـــن بعمـــرنا ما اجتمعـــنا عـيا يبيـن ولا بغـى يبيــن عييـت لاحضرت الفكرة حضـر ما خدعنا لا طالـب حضـــروه ولا لـه تمنيت يملـي عليـه وأكتــب اللـي سمعـنا وألا عــزفها لـي بيــت بعــد بيــت ياما بدعـت ورد في اللـي بدعــنا وياما بدأ بدعه وفي البدع رديت ويا صاحبي سلطـان حـنا طلعــنا عـن نصنا وأبعـدت فيه وتجـريت أسباب نظم الشعـر في مجتمعـنا ماهو صفة تكسب بعلم وعفاريت مواهــب مــع وزن قــاف ومعنــى لا تحســب إنـه بالتمنــي وياليــت قصيـــدة فيـــها الخيـــال إتبعـــنا أبحرت في مركب خيالي وعديت وكسـرت روتيـن الـحيـاة ورجعـنا وبمركب الرحله على الشط رديت |
يطربني الرَّعَّاد في عارض النو
نو تعقـرب فيه بـرق الحيـا لاح فـلان ما للبيـت معنى بهـالجـو الجو جـو البـر بعد المطـر طاح ياصاح شد الجيب في نمبر التو لوجهةٍ هي منوة النفس ياصـاح خله يفـز وينهـب الأرض من قو رقصـة بلوفه بعد ماياخذ الـراح وإتبـع ثعاليل المطـر حيث صبـو نستانس بسيلٍ على الجال طفاح الديــره اللـي مـا بهـا نــاس طبــو ريح الثراء فيها كما الطيب لا فاح وقت المطر من سج الأقدام نرجو عسى نفوسٍ من عنا الوقت ترتاح أنـا بــدوي وعاشــق لشبـة الضــو ومسيل سيـل لنابي القـاع جـراح و بـــراد مــن عــدٍ لـه النــار شبــو خوة نشاما في شفـا راس مقراح |
قصيدة للشاعر علي سافر الصاعدي قالها بعد وفاة الوالد رحمه الله وردي عليه
يقول يادار وين اللي يحبك ويغليك يرعد يبرق فيك برق السحاب وإن شب ضوه بأظلم الليل يرضيك ويجونه الضيفان مع كل بابي وإن مر طرقي وإلتفت بالنظر فيك يشوف راسه مثل رأس العقابي روح وكبك مير ما الله يخليك دونك عيال يحتمون الصعابي من دونك أبو سيف سيفك وراعيك عن الهوا يضفي عليك الحجاب يادار عند الناس بانت مواريك دار الشرف منته بيوت الخراب والله مايجي الردى من تواليك حظ طلع بك في علو الهضابي ياكم شيخ جا مسير وناصيك وياكم جنبك نوخوا بالركابي وياكم شارب يرتوي من قهاويك من غير حيل في الصياني تجابي مرحوم ياشيخ على العز بانيك ويعيش راس اللي حسب لك حسابي الأوله في اللي رحل بنعزيك عساه في الجنات يلقى الثواب والثانية باللي يعزك نهنيك بعد لبسته من جديد الثيابي لايهمك اللي كل ما أوحى بطاريك ينغق مع أصحابه نغيق الغرابي بالهرج لاجابك ولا هو موديك والضلع مايخفيه كثر السرابي ................. رديت عليه أقول حي الخطاب اللي وصل من تواليك وحيـا الله الكاتـب وحيـا الكتابـي يادار فـي مـدح البناخـي لراعيـك واجــب علـي يـادار رد الجــوابـي وافي يبو عادل ولك حـق نوفيك ومن لايقـدر وافـي النـاس هابـي ماهي غريبه منك طبع الوفا فيك ثابت ثبوت طويق وسط الهضابي لك حاضر يشهد على طيب ماضيك إنـك علـى فعـل المعاريــف رابــي طــول الليـالي مـا تغيـر مباديــك فـرع زكى في منبتـه يـوم طابي منصى رجال وصيت حضرة معاليك يسـري بـه الحاديـن فـوق الـركابـي بلسم صديـق وسقـم للي معاديـك ومخالف المخطي وعون الصوابي المـدح يـزهابـك ليا حـل طاريـك الخيـر تذكر به وفي الحـق نابـي لعل منهو يابيض الوجه يشنيك إتحــده أيامــه لســـف التــرابـي فايق تحيه من مشاعـر محاكيك أختـم بهـا المكتـوب رد الجـوابي |
ماني على مدح الرجاجيل مجبور
وما للمجامـل في المدايح مجـالي إذامدحت أمدح مجرب ومخبـور ليـا أرتكـى خفــت عليــه الثقــالي دعانـي المعــروف لكتابـة سطـور في بادي المعــروف بـأول وتالـي* عديـت فيهـا حــق ماخالطـه زور ولا هـو على ماقيـل هـرج يقالـي الناس مثل الوقت والأصل ديجور والنـور طارئ به علـى أيـات حـالي وعتمة ظلامه بـدده صبـح بالنـور ماهي جديـده من عصـور خوالـي ياصبح يا أهل الربح والرأي والشور يا أحـرار تكفــخ ياقـروم الرجـالي أعمكـم وأخـص بالمـدح مشهــور مـن بينكـم رجـل كـريم السبالـي طلـق المحيـا دايم الدوم مذكـور بالخيـر بين النـاس لاجا مجالـي راعـي مواقـف بالمهمـات له دور عريـب سـاس بيـن عـم وخـالـي إذا ضرب كفه على عظمة الـزور في كايـده قصـر علـوم طـوالـي كنه علـى نفـع المخاليـق مامـور فاللي وصلنا من عزيـز الجلالـي لعل دارك يا ابيض الوجه معمور دار تضــلـل ضيفــها والمــوالــي يابو محمد في مساعيك مشكور تزهابـك أبيـات القصيـد الجـزالي |
قصيدة للشاعر ماجد العلوني في ناقة تحن على صاحبها المتوفى
يقول فيها البل لها في حب اهلها مواقيف وهذا الدليل تشوفه العين مرفق معتق وهو عايش يسوق التكاليف يصرف عليها صرف ولهان مشفق تبكين يالحمرا على جرته كيف وانتي بهيمة ما تعرفين منطق ياللي تقول البل وفاها سواليف انا اشهد ان البل على الحب تصدق. والله ماتشكين من لاهب الصيف. مادام وسمك جنب عرقاه مطرق. معتق عسى الله يرحمه للولي ضيف. لكن يفزع لك ثلاثين معتق.. ردي عليه البل فيها من الوفا للمواليف لو العُقُل في يدينها له تطلق اللـي دعانا ننظـر لخَلْقَها كيـف أودع بها خُلْق الوفا به تخلـق هذي بهيمة حبها دون تزييف طبع البهايم مايعرف التملـق تحن للي من بعد راح ماشيف في مشهـد منه الخوافـق تفلق لو اشتكت تبكي بدمع مذاريف على زمان حـول معتق تحلـق الله وأكبر يازمان الصواديف باب يجيبه يمها اليـوم غلـق مقابله كوم غدا له خطاطيف سبحان جاعلها بخلقه تعلـق |
أبحـرت بأفكـاري ورديـت مبهوت
مبهـوت مما شفت في عالم الغي وكتبـت تقريـري بهـا عـدة بيـوت بيـوت من إنتـاج ماخطيـت يـدي بعض البشر تكشخ بهندام وبشـوت بشوت عند الجـد تصبـح ولا شـي وبعض البشر من شكله تقول هلفوت هلفـوت لكـن من سنـاء شمسهـا في وبعض البشر ثاني عطوفه وممقوت ممقوت من كبره ومن طبعه السـي ويا زين بعض الناس لاصارت سكوت سكــوت جملهـا ويخفــي بهـا العــي تدرون ويش أكبر مصيبة من الموت الموت في موت الضمير بجسد حي |
رفرف يالأخضر في سماء كل ميدان
مـن فيـه غيــرك يستحــق السيادة وعانـق بتوحيـدك مجـرات الأكوان يـاعشـق شعـب المملكــة والقيـادة راية وطن ماهو بحي الله اوطان يحتل في الكوكب مكان الريـادة ونخله على سيفين للمجـد عنوان سلطـان قـوة والكـرم في زيــادة يــدوم عــزك ياوطن عبــر الأزمـان مهبـط وحي لقلـوب الأمـه عيـادة مرحوم من وحد على صهوة حصان من عـرعـر لخرخيـر تركـض جيادة واليـوم قايـدنا علـى العـز سلمــان وعضيـده محمـد سليـل القيــادة |
يالله ياالمعبود يامالك الملك
يا واحـد ماله شريك ولا نـد أثنى عليك الخير كله وأبجلك ولك المحامـد كلبوها بـلا عـد سبحان رب سخر البحر للفلك تجري بها الأرياح فالجزر والمد بين الرجا والخوف حنا نعاملك وأنت الكريم وظننا فيك تسعد جميل لطفك غرنا مـع فضايلك عفوك عظيم ورحمتك بالموحد ياقلب لاتقفي عن اللي معاملك بإحسانه وتجزاه ياقلب بالصـد ليا متى طول الأمل عنه مشغلك َالمـوت له موعـد ولأعمارنا حـد إذا حظـر ميعادهـا مـايمهلـك وللكـل منـا يـامـلا يـوم لا بـد ومادام من يغليك لامـت غسلـك ونزلك في قبرك ودمعه على الخد ماينفعك بعـده بعيـد تجاهلـك ولا ينفعك من باقي الناس واحد ويالله بعفو منك يامالك الملك يـا واحـد مـاغيـرك إلـه يعبـد |
ياحي لاتبكي على المَيْت لا مات
أبكي حيـاة الحي في وقٓت زفَّت على جبين الوقت بادي علامات فيها الحقايق واضحة ماتخفَّـت الأرض تشكي للسماء فقد قامات تنـدب لهـا نـوع من الناس قفَّــت سادة عـزاز نفـوس وافين ذمات كبار قـوم وفي المواجيب وفَّت ياما عليهـا عاش روس وهامات دارت رحـى الدنيـا عليهم ولفَّـت بفقدهم والعالم يعيـش فأزمـات كواكب كانت على الأرض طفَّت مزن أستهل وحول الجدب جنات منه الأوادم والمحـول أستشفَّـت وقت يعوض فالصقور الحمامات لا حـام حـر في سمـاهـا تكفَّـت على وجيه الناس للوقت بصمات وهمـوم منهـا فالخوافيـق صفَّـت محـد سلم مابين كدمـة ولكمـات حتى المشاعر والأحاسيس جفَّت |
قامـت ترمّـع والرسـن حول كفي
طاويه فاليمنـى مثنـى ومربـوع عذلتهـا يا نفــس تكفيــن كفــي ونهيتها عن طبع ماهو لها طبوع خفـي علينا مـن طواريـك خفـي يهـون مع تحقيقـها حبـة الكـوع غصبـن علي لو كان ماهو بشفـي قاف الغزل من دونه ودوني دروع قيود عـرف وثقّـل القيـد خفـي وعذل العواذل والحيا منه منزوع حبـال لفت حـول الأعنـاق لفـي فقد بها الموروث مايطلب جموع مادمت تكتـب بالغرض لـو تعفـي قصيدتك تدرج تحت بند ممنوع وألّا كتبتـه وأنتهــا فــوق رفـي محكوم بمئبد على الرف مرفوع أقلـع مداهـا عن هـروج التشفـي عن عالم تفرح لها بفتح موضوع يانفس جوزي حبر الأقلام جفي موضع يقفل دونه الباب بشموع |
اللـه مـن هـم لـه بقلـبي رعــود
تصـدعت منـه الحنـايا ولجّـت مدهاله التجوف رَسَّم بها حدود والعوج من كثرة سراياه عجّت إذا تفـجر* مثـل بـركان كـلاوود ولسان حال الحدب نومه ترجت هم يكفي ابيض الناس والسود واللي تمكـن منهـم الهـم دجّـت هذا ويبقى مثل ماكان موجـود يجري بدم في الشرايين كجّت ماهوسبب دعج نواعيس وجعود أو غِيد عن منظومة الفِلْج فجّت وقت الِّلحاء به خاب ماظنه العُوُد فيها حيـاته والِّلحَـاء عنـه هجـت لولا الرجا يطـرد به الياس ويعـود مـا تعبـت أقـدام لبعضهـا وسـجّت |
قناة فتنة ضيفت شين الأطباع
عميــل لأفكــار المـعــادي تبـنــا قال الاذان يسبب لروسنا صداع إذا ارتفـع فـي نومنـا مـا انتهنـا وكثر المساجد عندنا زاد الأوجاع ومكبـرات الصـوت فيهـا أزعجنـا قامت تنابح بعده كلاب وضباع يـا اللـه تبــلاهـا و لا تمتحنـــا والمشكلة في اللي على دربهم ضاع حطـاب ليـل يقـش منـا و منـا أعمى بصيرة يخدعه كل خداع علـى عمـود الديـن قـام يتجنـا بلغ بني لبـرال و اللـي له أطمـاع وقول للمجوس وعلّم اخوان بنا وقل للخوارج والدواعش ومن باع دينـه بخـسٍ كـان إنـس و جنـا دون العقيدة والوطن نروي القاع نرخـص لها الغـالي ليـا مـا دعنـا ونـرد للعـدوان في مدهـم صـاع يشهـد لنا التاريـخ من يـوم كنـا الديـن ديـن الله وحنـا له أتبـاع وسلمـان قايـدنا وحامـي وطنـا |
لكل شاعـر في قصيده له شعار
وهذا شعاري يا الوجيه المفاليح إذا نويت القاف سخـرت الأشعـار وروضت صعبه والمعاني لواقيح أسرج خيالي وأطلق عنان الأفكار وأرفع شراعي وأغتنم هبة الريـح تزاحـم الجزلات لاجيـت بختـار وأقـدم السابق بعد كل ترجيـح أما أعتدل وأقطر بيوته ليا سار وألا الشرود إن ند بعقاله يطيح وجلب الهـزيله مـا لها عندنا كار أمـرها بالـدرب وأصـد واشيــح أطـرب لقـاف كنـه الملـح لا ثـار يسري كما عطةنفل خالط الشيح وقاف يلج بصيت وافين الأشبار زحـول جـاه وللغـداري مصابيـح قدمت لك مؤجز ،وتفصيل الأخبار تلقاه في بيوت القصيدة مدابيح |
نرفزت هوجاسـي وزلزلت زلـزال
وهيضتني للقاف يا ابن الحلالـي على صدى ماقلت جريت مـوال يا شاعـر توصـف بـراع الجـزالـي قليـل مثلك يطـرب الناس لا قـال مختـص في جمـع الـدرر واللآلـي سلمت يمين معـرب الجد والخال لـلــه درك يــاكــريــم السبـــالــي الله خلق خلقه على عـدة أشكال سبحـان خالقهم عزيـز الجـلالي تقابل من النـاس طيـب وبطـال وتلقى الردي فيهم وتلقى رجالي وصريح ومجامل وناصح وختال ومخادع و وافـي وراع إحتيالي أنـواع مختلفه على كل الأحوال الكـل منهـم يشتهـر فـي مجـالي ياليت ربي حط بوجيه الأنذال عـلامـة يعــرف بهــا مـاتـزالــي إن كان وقتك يابن الأجواد بك مال خلـك على ماقيـل صـدرك شمالـي دنيـاك هذي ما أستقرت على حال تقفـي وتقبـل من عصــور خوالـي إذا انتحت تبكي وتضحك بالإقبال ودوام حــال الحــال فيـها محالـي لـك فالقمـر عبــرة بـداياتـه هـلال وإذا أكتمـل يرجـع لطـور الهلالي |
مقبوله الغيرة من أم الخلاخيل
نقاشـة الحـنا على كـف يـدها واليوم غارت من بعضها الرجاجيل ليا طغت نفس اللجوج بحسدها اللـه وأكبـر يـازمـان التهاويـل باقي يجيب الوقت أمر وأدها من يعترض للعايمه شاله السيل يبلش ويجني من وراها نكدها |
💚🇸🇦🇸🇦🇸🇦🇸🇦🇸🇦🇸🇦💚
يادار واصل رحلة المجد وإجتاز ما واجهك يا دارنا لذروة المجـد لك بصمة في كل ميدان وإنجـاز من يوم أسس لك اخو نورة بنجد حققت مايشبه لدى غيرنا إعجاز وأصبحت قدوة يقتدى بك ويعتد يحق نفخر بالوطـن حيث يمتـاز عن سائر أوطان البشر للهدى مهد لحكامنا بيعة مدى الدهر ننحـاز ولك ياوطن بأعناقنا موثق وعهد ودام عزك ياوطني |
من عاش بالدنيا سنينه عطنه
دروس غطى نفعها كل مضمار دروس مدفوعه ثمن غصب عنه ودروس مجاني بلا سابق إنذار ومن جرب العالم خذ العلم منه لابد ما كـون قناعـات وأفكار ومهما خفى خافي ترى يكشفنه مستقبل الأيام لا زاحت ستار بعض الحقايق فالبداية مظنه كانت تداول بيننا وجهة أنظار والبعـض عنده للمـراجـل أعنــه ضاريبها تنقاد له كيف ما اختار والبعض مايلحق عطاياه منـه ذكره سبق فعله توافيق وأقدار والبعض لو جيوش بقعاء غزنه ما ينحني ياكود للنافـع الضـار والبعض ريف اللي ظروفه حدنه مدهالـه مشـرع لضيفـه وللجـار والبعـض يفـزع للمدنـدن بدنـه ماله من أمره شي فصغار وكبار والبعض منهم بين بدعـه وسنـة مابين حق وزيف يقضون الأعمار والبعض يرفع سقف الأحلام كنه نسبة ضمان وصولها تسعة أعشار والبعـض هقـوات هقـا ورطنـه أبعـد مداها وأنقطع دونها وخار والبعض لا واجهك يدغم بغنة ويملك لسان فالقفا حد منشار والبعـض لو بيديـه نار وجنـة الثلـث فالجنـة وثلثيـن فالنـار |
مناسبة الأبيات
مجاراة للشاعر محمد العيسى قف يازمن لحظة وهدي يالأيام وردد صدى- ياكون- روعة كلامه ويا أقمار بثي ذبذباتك للإعـلام وأستقبلي ياأطباق بصمة بهامه حر رقي متن الهوا بالسماء حام وافي مع الخوه وبالشعـر قـامـه الصاحب الوافي على طول الأيام ثابت على المبـدا وضابط نظامـه راع الوفـا نادر وجـوده ليا قـام عنـد الشـدايد ما تـراقل عظامـه تلقى وفيّ مابين تسعه بالأحلام وتسعيـن بالمية نصيـب اللآمـه كم مدعي له يكشفه نفض الأكمام يخيـب ظنـك فيـه عنـد إنهزامـه أحدٍ لأجل خـوياه يدعس على الغام وأحـدٍ يسابـق بالفــرار النعـامــه وختـامهـا طبع الوفـا بيـن الآنـام اللـه يعظـم فيـه أجـر الرخامـه |
💚🇸🇦🇸🇦🇸🇦🇸🇦🇸🇦🇸🇦💚
رفرف يالأخضر في سماء كل ميدان مـن فيـه غيــرك يستحــق السيادة وعانـق بتوحيـدك مجـرات الأكوان يـاعشـق شعـب المملكــة والقيـادة راية وطن ماهو بحي الله اوطان يحتل في الكوكب مكان الريـادة ونخله على سيفين للمجـد عنوان سلطـان قـوة والكـرم في زيــادة يــدوم عــزك ياوطن عبــر الأزمـان مهبـط وحي لقلـوب الأمـه عيـادة مرحوم من وحد على صهوة حصان من عـرعـر لخرخيـر تركـض جيادة تسبح بنات الريح شقـر ودهمـان بأحـرار قايدهـم لـه النصـر عـادة قاد الكتايب من رجال وفرسان مبشــر بقـدوم عصـر السعـادة بحزم وثبات وعن قناعه مع إيمان لأسما هـدف يمضـي بعـزم وجلادة وأسس لدار تحتضن خير الأديان مستشـرف القـادم لنهضـة بـلاده واليـوم قايـدنا علـى العـز سلمــان وعضيـده محمـد سليـل القيــادة ودام عزك ياوطني |
الساعة الآن 02:37 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir