ملتقى قبيلة حرب الرسمي - سيف حرب ( راشد السحيمي ) * ( حمود السمي )ألا ياحمود مايمكن تحرضنـا علـى العتبـان

ملتقى قبيلة حرب الرسمي (http://www.m-harb.net/vb/index.php)

- ملتقى الشاعر راشد السحيمي (http://www.m-harb.net/vb/forumdisplay.php?f=109)

سيف حرب ( راشد السحيمي ) * ( حمود السمي )ألا ياحمود مايمكن تحرضنـا علـى العتبـان

حمود البقمـي

هلا في حفلة المطران باللي شرف المطـران
أقوله في محل اللي يزيد الطيـب مـن طيبـه
على وضح النقاء بالملتقى باسم الله الرحمـن
ياراشد غبت خمس سنين وش هي سبة الغيبه

راشد السحيمي

عسى فيك البقاء ياللي ترحب و العباد اخـوان
أنا حربي و ضيفٍ مانسـي واجـب معازيبـه
أنا ما غيب ثابت مثل مايثبـت جبـل ورقـان
عليك الهون لاتنشد جبل ورقـان عـن ذيبـه

حمود البقمـي

وفاء يا أهل الوفاء و النار بين الزند و الصوان
تكر الجمر الاحمر كـر و تلاحـق مشاهيبـه
جبل ورقان لـو الله يسلـط فوقـه البركـان
يبأ يصير الجبل مثل السهل و الناس تمشيبـه

راشد السحيمي

تقوله و أنت لاهلحين بيـن النـار و الدخـان
عسى ربي يعين اللي مابين الشـك و الريبـه
جبلنـا مايهـزه ياحمـود إلا عظيـم الشـان
يالـو يصيـر سهلـه يعلـم الله ماتصليـبـه

حمود البقمـي

نحدث بالحديث اللي روى عثمان بـن عفـان
حديثٍ عن رسـول الله لكـن تقـول ماليبـه
ألا ياطير كيف طير وأنـت مكسـر الجنحـان
لـو أنـك حـرٍ قطامـي يعشنـه مخاليـبـه

راشد السحيمي

أثرك صدرك من التوحيد لافاضـي و لامليـان
سمعت أنك تحـدث بالكـلام اللـي تهذريبـه
أخاف أنك مسوي سالفه ياطير ابـن برمـان
هذاك اللي هبوب الريح تقبـل بـه و تقفيبـه

حمود البقمـي

عليك الهون ياحربي ترى دستورنـا القـرآن
و كم مره نجي و نروح من مكـه ليـا طيبـه
عليكـم و الله أكبـر ياحـرب أهـل عسفـان
ليا سند بكم وأنحاءبكـم واحـد مـن عتيبـه

راشد السحيمي

أنا مدري متى جبتي ولـد يامريـم العمـران
لكـن الأمـر لله وش ملويـلـه عراقيـبـه
ألا ياحمود مايمكن تحرضنـا علـى العتبـان
لهم هيبه و حنا مثلهم قوماًُ لنـا هيبـه

منقول

سلمت يمينك
وبيض الله وجهك
محاورة رائعة وجميلة

بيض الله وجهك اخوي فناص وصحة السنت العار وسلمت يمنينك

ألا ياحمود مايمكن تحرضنـا علـى العتبـان
لهم هيبه و حنا مثلهم قوماًُ لنـا هيبـه

ياســــــــــــــــلام

رد شاعر عاقل

لله درك يابو رامي

اشكر الجميع على المرور

بارك الله فيكم

جبلنـا مايهـزه ياحمـود إلا عظيـم الشـان
يالـو يصيـر سهلـه يعلـم الله ماتصليـبـه
صح لسانك ياسيف حــرب

الله الله
لله داركـ
يا ابووو
عـبـدالـلـه
صــــــــــــ لسانكـ ـــــــــــح
هنيا لكم يا حرب به
سليم حرب
مميز وطرح مميز
سليم الحربي
اسم ارتبط ب الابدااع والجماليه في الطرح
فلا نستغرب ما نرى
تحيااااااتي

اشكر الجميع على المرور

بارك الله فيكم

كل الشكر لك ياسليم

معين لاينضب من الابداع كما عهدناك ياراشد كفو كفو كفو .. صح لساني الشاعرين وحمود السمي شاعر جيد وله جماهيره ..

اشكر الجميع على المرور

بارك الله فيكم