|
ديوان الشاعر سعد عامر المحمدي
مقشـرك ياقلبـا ً قليلـه أوفوقـه = = يسهر عيوني لارقد كـل مخلـوق من سوء حضه كل طاري يشوقـه = =لما غديت من العنا جلـد وعـروق يكفخ كما الطير انطلق من اسبوقـه = =حد الغياب ومعتلي راس شاهـوق لو ماخفوقي ماسكاتـه عروقـه = = طلع على حدب الصناديق من فوق شاف الخيال اللي تلاعـج بروقـه = = مزنه حقاق وبارقه زادنـي شـوق عيني ترقب له وروحـي شفوقـه = = حيث الحيا يجمع هل الضين والنوق عامين في روضا ً تلافـح عذوقـه = =ماير حلون وباقي الرسـو مدقـوق حي ً مسك حبـل العهـد مايبوقـه = =مادام ساق الله كفيله عـن البـوق لو راح مايصعـب عليـه لحوقـه = = لصارلي عنـده مواثيـق وحقـوق راع الهوا يـدري بقلـب معشوقـه = = يطرد وراه وكل مطـرود ملحـوق ومن لارفع يمنـاه توخـذ حقوقـه = = يمسي بمان ويصبح الصبح مسروق ياناس خلـو كـل تاجـر وسوقـه = = اما ربح والا الحق الطاق مطبـوق |
ياهل الهوا عيني جفت لذت النوم =كن الحماط ابحجر ها نابتاً نبت من ضيقتي مرتحت في مر قدي يوم=مذكر نهار فيه نمت وتعجبت بالليل تسريبي هوا جيس وهموم =والصبح تلعبي ذواري هوا الخبت الناس مرتاحه وانا اطيح واقوم =من حب من شانه تعبت وتعذبت العشق له اشروط وقوانين وسلوم =وانا ركضت بسيرته لين شيبت غايت مر امي داخل القلب مرسوم =مايختفي عني من السبت لسبت لون مالي بالهوا قصد مفهوم =كان اعتزلت وقلت لهل الهوا تبت لكن عشقت وصرت مغرم وملزوم =وخترت روس إعلا الشواهيق ورقبت مرقاب طراد الشقا فيه محتوم =ولاني الوحيد اللي عشقت وتصوبت قلبي تعلوبه سلاطين وقروم = ومن الهوا تعبو مثل ماتتعبت عشرين عام وست وربع وانا احوم =ومن الصلف ذابت ذلولي ونا ذبت البر طفته والبحر عمت به عوم = وخذت درس من السنين وتدربت كثر التجارب عن شهادات دبلوم =وانا اكتفيت من التجارب وجربت واهل الهوا فيهم علامات ووسوم =لو ما عرفت وسومهم كان كذبت من ظمنهم مبلي ومعطى ومحروم =عار ظتهم ورتعت منهم وجنبت ومن ظمنهم من هاجم العشق بهجوم =تعبو وجابو بالهوا مثل ماجبت ضيق وتعب وهموم وحزان وحلوم =وروابعاً منها بحلت وتغلبت وجردة سيفي بين الاصحاب والقوم = ولا خاب من قمت بلزومه ولاخبت ياشاربي مالك على لحيتي لوم =مقدارها من طيب ذاتك اليا طبت عشقي وحرماني مقدر ومقسوم =وعن قردت الله لو تغيبت ماغبت |
صح السان بو نادر وبيض الله وجهك يابو تركي
يستاهل اللي يحتفي بديوانه الشاعر الكبير سعد ابن عامر المحمدي شاعر بليغ ومضالي معه مساجله ازيد واطرحها انشاء الله |
كثر النفاق وسادت الرشوه وقل الاحترام =والناس صارت ماتسوي خير غير بماده ومشاكل الاجواد صارت رزق لعيال الحرام=والضالين امسك وانا اقطعلك بموسن حاده ماكنهم في منبع الاسلام وبلاد السلام =متجاهلين الدين ولانظار عنهم صاده وابن الحلال اللي يصح ويشتمت له كم عام=لو يتعرض في حلق بوا روحين ماهو ساده راحت حقوق الناس مابين الغلط ولانتقام=واحد يفك الحبل ابو عقده والاخر شاده كيف اشتكي وانادري ان الواسطه فوق النظام =اطلق شنب صار يتوسط له بقاطع جاده رحنا ظحيه لسباع السود مافيها كلام=لاسمعت الاصوات والتصفيق جاتك هاده ادعس على روس الفواسق بالعقاب وبالبهام=قرا عليها سورت الاخلاص تصبح شاده اسل مجرب خاض ببحور المشاكل واستقام=رجلن بنا بيت الشرف غصبن على اللي هاده كثر التجارب تيقض القلب البليد من المنام=واصبر واقول بحير واللي فات ماني عاده لا ترتجي منبوذ ماله ولا صلاه ولا صيام =الادمي على ضعيف النفس مالله حاده من يطلب الله يرتجي فزعت رفيعين المقام=اللي مكارمهم على الشعب السعودي باده الحكم لله ثع لعيال الايمام بن الايمام=من هيبه صارت شياطين العرب متواده الكذب ظلما والصحيح النور جلاي الظلام=والمستحين كفوفهم بالخير دايم ناده |
اقتباس:
بينك وبين ابو نادر تطرهحها في ديوانه حقيقه ابو نادر علم من اعلام الشعر ويستاهل الاهتمام منا في جمع قصائده في ديوان خاص به وان شاء الله اني اطرح المزير لشاعرنا الكبير سعد عامر المحمدي |
سلام يامن دعانا وستجبناله =من دافع الطيب والاخلاص والشيمه من زود حبه وتقديره عنيناله=من المدينه وجيتنا لها قيمه يوم اتصلبي وكلمني بجواله=قلت اعتبرنا بحفلك من معازيمه مخلفت ظنه ولا طنشت مرساله=مال الخوي غير تشريفه وتكريمه حروب نتبع رسول الله وماقاله =والناس كلاً ً يجيبنه ملازيمه واجب علينا نشرف علي ورجاله = ولهل الوفا تحسب الخطوه بتقديمه والضيف كل السفاير والسعد فاله = والله يبارك برمز الجود ويديمه الهرفي اللي سجد لله وصلى له =فضله على الناس من علمه وتعليمه شبلن لشوف النشاما ينشرح باله=مايصير في خاطره ظيقه وتكتيمه جينا نبارك لبو يوسف بمنزاله=اللي على العز بنيانه وتصميمه اليوم حفله وبعده حفلت عياله =نشاركه فرحت المحفل وتنظيمه فعل الوفا والمقام الزين يبغاله=دربه عسر والنشاما من مظاريمه واللي يبي يكسبه يضغط على حاله= يبذل جهوده لما تثبت مراسيمه والرجل يحسب عليه العلم لا قاله=كلا ً شعوره تعبر عن مفاهيمه واللي تجاهل حقوق الناس يرتاله = يندم على مافعل ويعظ ابا هيمه |
يامزن ياللي سرا برقك وخيلته=على محيط الجبال وبارقك هوله ان صح نوك جبل ملكان سيلته=وخطير منك العلا والحجر مسيوله لولاك ماتعبت مرسولي ولا ارسلته=لو ان واقعك ياعرضه وياطوله لكن بعثته على ضوك ووكلته=وقول ياالله لعل الخير بقبوله اما يقول الربيع الناس نازلته=وألا يقول ارحلو يمه وشدوله أقنع لوحده من الثنتين لاسألته =أن قال ديره قفر وان قال منزوله أخترت الاول على الثاني وفضلته =ماني ضعيفا ً يلبس ثوب ماهوله ماطيع من ياخذ العالم بهجولته=اللي سيوفه على الغياب مسلوله نمام ذمام حيلاته مؤهلته=الشر في ساقته والجمر بحثوله لاخذ علومه ولاداني مجاملته=عساه عن الاوادم يختفي زوله غره حركات اخو مره ونخولته=مرخي سموعه لصوت اغناه وطبوله والعالم اللي طريق الخير بدلته=الخير صدو عنه والشر غنوله أمروجين النفاق اللي تداولته=بعلومهم قومو دوله على دوله عطيت عنهم خبر موجز وفصلته= وأشرت على الخبيث اللي تسموله ورجلٍ لياصارع الدنيا وعقلته= ربعه لياثقلت القالات وصوله اخذ دلايل من العام ودللته =دلايل اللي فضا المريخ وصلوله بسجل الاصحاب والغالين سجلته= حشيم ودمح له التسعين مدبوله وان شلهب الوقت ذراني وضللته=بيني وبينه علوم الطيب منزوله لو رد عنه الكلام الشين كنسلته=عاقل ورجع بعير أعقيل بحموله وان منتهت بالكلام الزين قابلته =اجيه بالسالفه وقول قولوله يابن دبل وش هدف قافٍ تمثلته=أمثال سويتها ومثال مقيوله ثوبن شريته من البندر وفصلته=أسألك بالله تعلمنا لمن هوله في صالة العرض عقلته ونزلته=لامن الاصحاب لدولك ولدوله تبي تعالج خطأ مخطي ودبلته= وكبر خطاء الرجل بلسانه وبرجوله الصحاب اللي تعزه ليش جاملته=ونتم عرب تعرفون العرف ووصوله من واجباته ومن حقك مقابلته =ماتقتدي بالضعيف وتتبع قوله مايقطع الزرع بعروقه وبسنبلته=الا كريم العيون اللي بها حوله ومن ضاع مفتاح صندوقه بسلسلته=يصبح جميع الخزاين منه منقوله الناس لو تنصح الرجال برجلته=حيث الصراحه بوقت اليوم مقلوله ابغاك تمشي ورى سيره وقافلته=وتشوف وش مكسب الفوال من فوله ان شفت منه الجفا وونست مايلته=الناس ماهي عن الزلات مكفوله هجرك لداره عباره عن مقاتلته= لاصار مايكرم الاصحاب لا جوله |
عز الله أنه ديوان يشفق على زيارته
وبيض الله وجهك يا أبوتركي على طرح قصائد الشاعر / سعد عامر المحمدي وهذه القصائد تستحق من يبرزها ويهتم في جمعها ,, ولي عوده لقرأة ماتبقى من قصائد مره أخرى ننتظر المزيد |
يالله انا نسئلك ياللي لغيرك ماسجدنا= =يامجيب لدعوت الاجواد لاصامو وصلم ياعظيم الشان لاتفرح علينا من حسدنا= =كثرو الحساد والعدوان والاصحاب قلَم يامجير المستجير احفظ لنا قادت بلدنا = =واهدنا هدي النبي صلى عليه الله وسلم سلم الله راس ابونا اللي بسط يده ليدنا = =واستدل بناس قدامه على الرسل استدلم من مكارم مالك الاحساس جدنا واستفدنا = =كافل الايتام والعميان واللي مايتكلم فضل ابو متعب على اللي قبلنا واللي بعدنا = =بالوفا يشهد له اهل العلم واللي ماتعلم ياحريب الجوع ياغيث البلاد وياسندنا = =يامفرج كربه المظيوم لاجاك يتظلم والله انا نستحس من الهموم ولا رقدنا = =وان رقدنا من الدجى ساعه بشوفتك نتحلم كل شعب المملكه يرجيك شايبنا وولدنا = =نوجس اللي توجسه وانحس مثلك وانتألم المشاعر ماتعبرها القصايد لو قصدنا = =كل صادق قلب مشتاقن على شوفك تولم بالسلامه والشفا يدعيلك الاقصى والادنا = =ياسراج اللي طفا نوره بعد شوفك وظلم مكرمتكم للمواطن والوطن زادت وزدنا = =ياخذ المكيال من يمن الوفا لين يتذلم ماسمعنا مثلكم بعيال حام ولا وجدنا= =منزلتكم فوق عرش المجد والاخلاق سلم وانت وسط قلوبنا ياشبلنا يانجل اسدنا = =ياشبيه السيف ابو حدين جعلك ماتثلم |
هذه القصيدة للشاعر سعد بن عامر المحمدي في حفل زواج خالد بن الشيخ حميد بن مسعدالقاضي شيخ
شمل قبائل قوفة من جهينة.
يا سلام الله سلام قلوب ناسـن ولهـا =الردى ما تقبله والميـل مـا ترضابـه والسلام أخص به روس العرب وعقلها=الرجال اللي وفا الطرقي تحسب حسابه الرجال اللي تشيل من الحمول اثقلهـا=ياعساه مـا تحمـل بـه ولا تبلابـه يالله إنّـا طالبينـك طلـبـة تقبلـهـا=تحفظ الدرع الحصين وترحم اللي جابه لا بديت القاف جبت من العلوم اجزلها=مفردات احلى الكلام الزين حنا أولابه الحقايق والخلاصـة جبتهـا باكملهـا=دونوها واحفظوهـا واكتبوهـا كتابـه الزباير جوهرة والنـاس مـا تجهلهـا=درتن لولا دخيـل الله تـروح انهابـه احتظنها لين سلمها رجل مـا اهملهـا=واستلمها مسعد القاضي وحث اركابـه لتعزوا فـي جهينـة وانتخـا بالبلهـا=يخلف العيّل واصعول الرجـال تهابـه السبـاع تطاوعـه بالـراي لاقابلهـا=بالزباير قام يازر مثـل اسـد الغابـه مرتكي علـى قبيلـة فعلهـا واهلهـا=ان صارت لابته ياويهـا مـن لابـه واستلـم بعـده حميـد وبالمثـل دللها=لبسها للساع باقي مـن جديـد ثيابـه شيخ قوفه ينطـح القـالات ويعدلهـا=بالظفر والطيب والاّ الشر ما يسعابـه ومن يظن يروح لكبار العرب يسعلهـا=من قديم وقبلة المسجد علـى محرابـه ما يحلـي بالديـار إلاّ فعـول اهلهـا=ما تضيع الذاهبه وانتـم لهـا طلابـه نوّرت دار القضـاة وحققـت منزلهـا=كلمة الترحيب مكتوبه علـى البوابـه تنشرح للمنطقة من حيث مـا تدخلهـا=الحدايـق ساطعـة وانوارهـا جذابـه اعجبتني من علـو المنطقـة لسفلهـا=التفت واشّر عليهـا باصبـع السبابـه ليلة اربع من ليال العيد يـا مجلمهـا=تجمع الرجال بالاصحاب بعـد غيابـه نستجيب لدعوة الداعـي ولا نجهلهـا=ما نطيع اللي يجي ويروح ما يدرابـه ودنا نافي مـع الاصحـاب ونجملهـا=الوفا من طبعنـا واصحابنـا تحظابـه نرضي اهل النوب والجيران ما نزعلها=والحظيظ اللي يقوم بواجبات اصحابـه كل كلمة للعرب تحسب علـى قايلهـا=والرجل يحشم سواعد لحيته واشنابـه جيت اشارك عن قبيلة حرب وامثلهـا=سالمي والسيف تعرف شذرته واشبابه اتحدث عن مشاعر حرب يا جاهلهـا=للصديق اكبر صديق وللعـدو حرابـه تركت الواجب عزيز النفس ما يعملهـا=ديننا دين الرسـول وربنـا وصابـه وكل شجرة تنتمي لعروقها واخصلهـا=ويحفظ الله راس ابو متعب وينصر نابه المليـك اللـي لنـا روس العـدا ذللها=من فعوله معظم العالم تحسب حسابـه لو بغيت احصي مزايا سيدي ما اصلها=ما تغطيه الحـروف وتتعـب الكتابـه والسموحة والسـلام ختامهـا واولهـا=والحظيظ اللي ليا كلف بشـيء جابـه |
الساعة الآن 10:05 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir