عيسى العوفي=
الاحمدي من عصر مدري وين راح=غايب ولاادري ليه مامر اقلمه
لازم نجيبه بالمسا ولا صباح=واليا تعصى نطلبه للمحكمه
خالد بن عبيد الاحمدي=
الاحمدي لاغاب ياطير الفلاح=لابد له فالبعد ضرف ٍ يلزمه
والمحكمه لاترتجي منها صلاح=مادام لك بالوقت صاحب تظلمه
عيسى العوفي=
ياحظرة القاضي نبي منك السماح=يالين نسمع عذر خالد من فمه
عطني علومك قول واهرج برتياح=من طوّل الغيبات جاب المغنمه
خالد بن عبيد ألأحمدي=
انت انشد القاضي قبل لبس الوشاح=جاه القضى بالجهد والا مكرمه
والعلم مني ياعميلي لو يباح=ماكل واحد لو سمع به يفهمه
عيسى العوفي=
مافيه منصب غير من جهد وكفاح=هذا حسب علمي وربي يعلمه
يا الساحل الغربي عليك البرق لاح=قامت تساقيك المزون المجهمه
خالد عبيد ألأحمدي =
المدرسه كسلانها ضامن نجاح = لوان محدٍ ياخذ الا مقسمه
وانته تخيل البرق بعد المزن زاح=والارض من سيل المخايل معدمه
عيسى العوفي=
قال المثل نطّح لمن صاحك صياح=واللي يعاند للزمن بايرغمه
ترى ثقيل الصخر ماهزه رياح=ومن طاح بالميدان ربك يرحمه
خالد بن عبيد ألأحمدي=
اللي يشيل اسلاح ضدّه بالسلاح=واللي يضر الناس واجب نلطمه
وان شفت رابح ماوفى عمّه رباح=لاتنصحه قدام لنّك تشتمه
عيسى العوفي=
اللي يضر الناس يامال الصلاح=في مجلسك ياصاحبي لاتعزمه
ارتاح مع شرواك كل الارتياح=شاعر جزيل القاف حرفه يحكمه
خالد عبيد الاحمدي=
راع الردى مايرتوي جم القراح=يخسى عديم الراي والله مازهمه
والصدر مع شرواك يبشر بنشراح=شاعر بطيب المسك قافه يختمه