أشوف مستور العصيمي جاب حبله وجملـه=وليا قضى تمر الحساء جاني بيي تمر القصيم
أن مد وحده من يديه امـلا يـدي واحطّلـه=وان كان مد يدينه الثنتين أقول الله كريم ..!
ان كان عندك تمر جيتك بالبعير وحمّلـه=لكن لاتخلط لي التمر الجديد مـع القديـم
أظن صياف السحيمي ناسياً وش قلت له =وان كان ناسي قول ياصياف بالله العظيـم
التمر يا مستور ماعنـدك سنـونٍ تاكلـه=أكل الضروس السوس والنيبان مافيها سليم
ياللي تبي ترضي هذاك وذاك تبغى تزعلـه=اهون عليك اللفلفه والا الطريق المستقيـم
لا بدنا نلقـى لنـا غيـرك عميـل نعاملـه=وانا ضروسي من حديد وتكسر العظم الصميم
وان كان ماتدرون ويش الرأي خلوه لهلـه=قد قيل بالأمثـال مانـزّال شـدد لـه مقيـم
ينفك باب الخيـر للطرقـي وحظـه يقفلـه=درب الصحيح يجيده العاقل ويخطيه الغشيـم
اليا نقصـت الكيـل والمكيـال قلنـا كمّلـه=حنا ترى ماعندنا فاصحابنا خشم ... .وخشيم
بان الصحيح وكل رجال عرفنا منزلـه=احد حياته في شقاء واحد حياته في نعيم
اللي يبى كحل العيون يلد يمي واكحلـه=ولاّ على قول المثل مال الغريم إلاّ الغريم

الله لا يهينك على النقل الرائع
محاورة جزله لنجمين رائعين