هــذا ودادك وهــذا امنــاك = وانته معي بالوداد ادرى
وأخترت ليل العنى مسراك = بـايع ومن بـاع مايشرى

على ورق ضاعت احلامي = رسمتـها في ورق كراس
وتشتـــــت النــــور قــــدامي= وشلون طبت خيوط الياس

بيــن المعاليق وسط الجوف = شبيـــتها نــــاوي الفرقى
بحكم التجارب وحكم الشوف = لو جات من بعدها غرقى

دار الهوى في مدارك دار = مثل السمك خارج ابحوره
وشلون يـبقى معـك بصرار= وأنــته ولا تــفهم اشعوره

أنساك أبنسى عجزت أنسى = كيف البصيره عجزت أنساك
أصــد وألقـــــاك لي مــرسى = يـــا دبـــرة الرب في بـــلواك

أصـــــــحى تمـــــرالسنيــن أحــــــــذر = ولافيــــه نـــاتـج مـن الأعمال
وتــجيـــــك لحـــــــظه بــــلامنــــــــــذر = ومن بعدها شوف حال الحال

متــوهج القـلب كله شوق = داعيك في حفلة أشواقه
ولايردبعض الأمل مخلوق = ألا أنت يــاسكن أعماقه

خليــتها في جسد بـالي = تاكل وتشرب بلا مصلوح
وشلون ترضيك يالغالي = رميـتها في صميم الروح

بيــن المـآسي خيــوط اليـاس = تــعلقت والبـــلا مبـطي
وشدالاحساس ضيم احساس = هذا سجله معي مخطي

زمان ولا زمان الطيش = وأقفت ليــاليه عـن عيني
واليـوم هم الاوادم ويش = المـال ومــصارع الـديني