ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلتــقــى دواوين شــعــراء الــكــســرة (http://www.m-harb.net/vb/forumdisplay.php?f=142)
-   -   ديوان الهيثم (http://www.m-harb.net/vb/showthread.php?t=130872)

الهيثم 04-09-12 08:37 AM

ديوان الهيثم
 
من المراديد


حروف المحبه=
من فارس القيل للهيثم=اللى فى رسم المثل عراف
سلام فيه المعاني يم=حسب القوانين والاعراف
الهيثم=
من هيثم الطيب للمعلم=اللي موكل على الأشراف
ترحيب مسلم لقي مسلم=وأنته وأنا نحتمي ميقاف
حروف المحبه=
شان السلام انتهى وافهم=وابني على القيل والاهداف
وابعد عن الجانب المظلم=ولاتدير عن موقع الانصاف
الهيثم=
ياليت ياصاحبي تعلم=اني انا افملعبي هداف
ولي نور فالعالم المعتم=وكشاف محتاجلي كشاف
حروف المحبه=
قلبي ضناه الاسئ والظلم=ومن شدة الظلم والاجحاف
الان فى موقعه يرزم=محتاج من مثلكم إسعاف
الهيثم=
لاتكون باللي جرا مهتم=والشرع يفرض على الأطراف
قاضيك يامشتكي ملزم=من العدل ماهو من ألأوقاف
حروف المحبه=
لاتزيدني فوق همي هم=يكفي علي الهموم اضعاف
هات الافاده قبل اندم=واستقبل السيف والسياف
الهيثم=
انته يافنان وش ترسم=صورتك كملت من ألأوصاف
نقشت باللون والمرسم=وبانت لنا في ورق شفاف
من ود لاتردهافالدم=ومن السعه تروح للأصلاف
وختامها بالوفاء تختم=واشكرك ياللي بدعت القاف

الهيثم 04-09-12 08:43 AM

يافرحتي يوم ماشفتك=ويا صدمتي يوم ماسلمت
من يوم فيك الكبر عفتك=ولو كان بعدك قهر سلمت

الهيثم 04-09-12 08:45 AM

قهر والغضي يضحك=لجله تمكن من المطلوب
ولو دمنا فالهواء يسفك=ماضن يرجع عنه ويتوب

الهيثم 04-09-12 11:53 AM

أنظر قهر والغضي يضحك=لجله تمكن من المطلوب
ولو دمنا فالهواء يسفك=ماضن يرجع عنه ويتوب

الهيثم 04-09-12 11:55 AM

أه ألذي ما غمضلي جفن=وأنته على أسليب متهني
ومدري متى يالحبيب أتحن=وتشيل مانشتكي عني

الهيثم 04-09-12 11:56 AM

بك شي ماهو مطمني=وكل ماسألك قلت مابي شي
شلي حصل قول علمني=لايكون حاسد هرجلك في

الهيثم 04-09-12 11:59 AM

قد ماكرهك قد ماحبك=وليا تساوت نجينا منك
ويافرحتي يوم ماألعبك=وغدر الهواء أخذينه عنك

الهيثم 04-09-12 12:00 PM

كل اللذي في حياتي لك=وتستاهله يابعد عمري
ولو المحبه عليها صك=حرر لكم وألأمر أمري

الهيثم 04-09-12 12:01 PM

قولو لها تستحي وتصد=حرام حرق المساكيني
أنا معاهد معاد ألد=ماصار لي قبل يكفيني

الهيثم 04-09-12 12:19 PM

قال انت فالود وشفتو=يامشتكي من الوداد اجروح
لسع على الخط مازلتو=ماجاك كله دلع ومزوح
قلت العفو كف لا هنتو=فالود ماني طويل اشبوح
بطلت من بعد مابنتو=ياروح ولله مبعد روح

الهيثم 04-09-12 12:28 PM

با جننه بس فيه شيوخ=اليا تجنن يداونه
ابغى ابرمه برم لين ايدوخ=واسيبه يشكي اطعونه
لجله معي حاطلي مطنوخ=والناس ازرو يردونه
عقب السفرجل وذاك الخوخ=وكل ماينادي يجيبونه
اليوم من حالهم مفسوخ=مسكين مايرفع اعيونه
ومنهو زرع في رياض اصبوخ=ميقوم لو كان يسقونه

الهيثم 04-09-12 12:31 PM

مسكين يلي معاه الحب=متحمله من طرف واحد
يقضي حياته انين وغلب=ويموت في حبه مجاهد

الهيثم 04-09-12 05:26 PM

في عيونكم شي ينطق غير =غيرالذي ينطق السانك
مهما تحاول على التبرير=يازين مكشوفلي شانك
العين احرص على التعبير=ولسانكم بالعجل خانك
انته وانا فالطريق انسير=وايماننا شبك بايمانك

الهيثم 12-09-12 06:24 PM

فرحة نهار اتصل لاكن=ياللأسف كان غلطاني
ياكبرها من خيابة ضن=سهم انغرز وسط وجداني

الهيثم 12-09-12 06:25 PM

قولو لها ضلم ماسوت=حرام تكوي قلوب الناس
كم قلب بعيونها كوت=من دون رحمه ودون إحساس

الهيثم 21-09-12 02:18 PM

كلمة هلا والقبل لرجال= هي ألأصل يابعد حيي
صحيح قدمتلي فنجال=لاكن عكرتلي جوي

الهيثم 21-09-12 02:21 PM

ما فالهواء من حقوق انسان=ومن الغضي نطلب احقوقي
لي حق واضح على البرهان=واشهود مافيهم اطقوقي

الهيثم 21-09-12 02:23 PM

أرجوك ياريم تعفيني=من شدة الهجر والحرمان
يكفي من الهم مافيني=معاد اقوا على هجران
لاوين تبغى تعنيني= انته تسلى وانا تعبان
ضاعات عليه موازيني=لاعاد كاسب ولا خسران
قلبي جهتكم موديني=وسفينتي مالها ربان
بحرالهواء اسنين راميني=ومتروك في عالم النسيان
معاد حاجه تسليني=ولاشوف من حالتي شفقان
أرجوك لن كنت توحيني=أنا بشر يالحبيب انسان

الهيثم 21-09-12 02:50 PM

ماني مع الناس متسلي= اضحك معاهم ببرقة سن
في شجرة الحب وش ضلي=في جذعها ماطلعلي فن

الهيثم 21-09-12 02:52 PM

تدري متى تنكتفلك يد=في حب من لايبي حبك
تجلس حياتك شتات وعند=سارح ودمعك على خدك

الهيثم 26-09-12 10:41 PM

شجرة وفاء من بذور الحب=من ودنا جات شتلتها
شربت زلال المطر من سحب=وعروقها افطيب خصبتها
ترعرعت بين بعد وقرب=ثم اشمخت في علاوتها
في ضلها كم لعبنا لعب=وأجوا ءنا في هداوتها
تدرق لنا الشمس شرق وغرب=وتلمنا تحت ضلتها
حتى ورقها علاج وطب=وعطور ياطيب ريحتها
ياللأسف كيف جالك قلب=تنسى لها كل وقفتها
تقصها بالحديد الصلب=وتهدها بعد شمختها

الهيثم 26-09-12 10:53 PM

ذكراك ولله تسليني=وأطلالكم عبرت تعبير
شيصير لو شافتك عيني=تطلع جناحين لي اطير

الهيثم 26-09-12 10:55 PM

أضرب مثل وأتغنا به=وأسلي القلب واداويه
وأقطف من الورد وأنصابه=كل الذي شاركوني فيه

الهيثم 09-11-12 11:02 PM

الهيثم=
الف فالملتقى وأشوف=من بعد ماغبتلي مده
الكل يشكي عنا وصلوف=من حبهم يشكي الشده
العطيب=
طبع المحبين والمالوف=كلٍ دموعه على خده
لكن وش جاك يالملقوف=تبحث وراى من خفى سده؟
الهيثم=
مدام رجعت على المكشوف=تتعب ولايمكم لده
شايب وعقلك طلع مخفوف=جيت البحر مامعك عده
العطيب=
من مثلكم ما ضربنا خوف=وجزل المثل عندنا مده
نصرف لك جنيهنا المصروف=وانتم عليكم لنا عده
الهيثم=
من مثلنا وجهكم ملفوف=وان شفتني جاتكم رعده
وقتن مضى ياعليه احسوف=ايام نربطك فالصده

الهيثم 09-11-12 11:23 PM

الهيثم=
سلام ينصى عطيب الود=مدري عطيب المواقيفي
أما طلع فا اللزوم أسد=ولا أحذفه فالمحاذيفي
العطيب=
ترحيب ما له حدود وحد= باللي لفا عندنا ضيفي
عطيب بالزمات اسد = ولا ينحني بالقا سيفي
الهيثم=
عسى البقى ياعريب الجد=راع المثل والتصانيفي
شط البحر أحذره لامد=ان كان مالك مجاديفي
الطيب=
سلمت والطيبه تنعد=من قسمنا بالتواصيفي
ولوكان مد البحر يشتد=تلعب بموجه عواصيفي
الهيثم=
انا انبسط لالقيت الرد=اللي يجيني على كيفي
معادعندك براد وبرد=راح الشتا وأقبل الصيفي

الهيثم 09-11-12 11:31 PM

الهيثم=
ســلام فــي بدايـتـه تـعـويـذ=مـن كــل شيـطـان متـمـرد
ومن بعدها نسأل التلميذ=فـن الهـواء لـمـن متعـهـد
تلميذ الكسره=
يا مرحبا نبتدي ونعيذ =من كان فالحسن متفرّد
والله ما عنـــدنا تنفيذ =ولا شفت مكتوف ويحرّد

الهيثم 09-11-12 11:45 PM

كـلـفــك فـيـهــم ولـــــي ألأمـــــر=ومن دونهم إنت وش تسوا
مـاهـو كــذا يـاطـيـول ألـعـمـر=أتـعــامــل ألـــنـــاس بـألـقــســوا

الهيثم 18-03-13 06:23 AM

قاطع أمالي بكلمةلا=ولانعم مالنا فيها
مدري متى ودنا يعلا=ونعيش فاحلا لياليها

الهيثم 18-03-13 06:26 AM

احبهم حب لو وزع=على البشر كان يكفيهم
بس البلا حقدهم مروع=لو انتشر سم ينهيهم

الهيثم 18-03-13 06:28 AM

جرحي من الود مايبريه=غير المواصل ومحرمني
باموت وأنا رجايه فيه=مكتوب يارب ترحمني

الهيثم 18-03-13 06:30 AM

لي وقت ولله عن الكسرات=واليوم ردتني أحسوسي
كل ماتذكر من ألأهات=على الشعر دق هاجوسي

الهيثم 22-03-13 09:41 PM

غصبن عليه كسرت العين=لوكان ماتهون كسرتها
ورميت نفسي على نارين=ولادري على وين رميتها

الهيثم 22-03-13 09:42 PM

ليت الهواء ذنب ومحرم=وتقنع بكلمة حرام النفس
لاكن مقسوم ومسلم=جاري على كل من له حس

الهيثم 11-05-13 02:52 PM

حذراك تخدع ببرقة سن=ومن خلفها أنياب وضروسي
ياكم واحد بها منجن=من طيبته راح محيوسي

الهيثم 11-05-13 03:13 PM

تدري متى لي ليال العيد=يوم اجتمع بك وأشوفك
ماشوف غيرك في كل البيد=وأكبر عدو عندي اضروفك

الهيثم 03-11-13 04:06 PM

احترت يازين في طبك=لونعرفه كان داويناك
اضيق لن قلت مااحبك=وتضيق لن قلت حبيناك

الهيثم 03-11-13 04:11 PM

بالعون ماني مزكي نفس=زكاتها عند خالقها
لاكن ليه قياس وحس=لاجاءللبواب طارقها

الهيثم 02-03-14 08:09 PM

الهيثم=
قوة معاني وقوة جذب=وتبني على كل الأفناني
اشك انه كحيلة حـرب=معقول يطلع كحيلانـي
كحيلة حرب=
الحمد لله عطايا رب=ماجبتها من احد ثاني
لكنك انته من ائ العرب؟!!=ياللي تشكك بعنواني؟!!
الهيثم=
يختي ترا مرتكبنا ذنب=ولاني فيما قلت غلطاني
ياكم لقينا في هذا الدرب=خلف الكواليس قوماني
كحيلة حرب=
سألت واجابتك ياذرب=موفت لي العلم يافلاني؟
يمتهمني بزور وكذب=الناس ماهم بعمياني
وماني مسؤله عن امر الصرب=واللي لبس ثوب شيطاني
اخذت كاس الريادة غصب=في محفل العرف. ذاشاني
الهيثم=
حربي زبيدي من اهل الغرب=وأعز ربعي وحياني
وأحسب لكل الرفاقه حسب=ووفيلهم دوم ميزاني
الكذب ماهو لنا واللعب=فالطيب اسبح بذرعاني
وأحسبك اختي من ام وأب=ومسامحك فالذي جاني



الساعة الآن 03:50 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi